سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل کی سپریم کونسل کا دستوری اجلاس 22 جون 2022ء کو مرکزی سیکرٹریٹ لاہور میں منعقد ہوا، جس کی صدارت چیئرمین سپریم کونسل ڈاکٹر حسن محی الدین قادری نے کی۔ سیکرٹری سپریم کونسل نے شوریٰ کے اجلاس میں ہونے والے فیصلوں اور ان کی تنفیذ کے حوالے سے قائمہ کے اجلاس کے بارے میں بریفنگ دی۔ سیکرٹری سپریم کونسل نے ویژن 2025ء کے اہداف اور پیش رفت کے حوالے سے سپریم کونسل کو بریف کیا۔ انہوں نے بتایا کہ یہ بات انتہائی حوصلہ افزاء ہے کہ مرکزی قیادت نے تنظیمی استحکام اور دعوتی و اصلاحی سرگرمیوں کے تناظر میں 908 دورہ جات کئے جن سے تنظیمی سطح پر تحرک پیدا ہوا اور رفاقتوں اور لائف ٹائم ممبر شپ میں قابل ذکر اضافہ ہوا۔
چیف ایگزیکٹو ہانگ کانگ Ms Carrie Lam کی اعلی سطح وفد کے ہمراہ علامہ سید تنویر حسین شاہ امام منہاج القرآن اسلامک سنٹر سن پو کنگ کے گھر آمد۔ اس موقع پر انہوں نے اپنی گفتگو میں کہا کہ ہانگ کانگ گورنمنٹ تمام کمیونیٹیز کے حقوق کے لئے اپنی کوششیں جاری رکھے گی اور ہانگ کانگ کی چین کو واپسی کی 25ویں سالگرہ کو بھرپور طریقے سے منایا جائے گا۔
منہاج القرآن انٹرنیشنل برطانیہ برمنگھم کے زیراہتمام شہدائے ماڈل کی 8ویں برسی کے موقع پر تعزیتی سیمینار کا اہتمام کیا گیا، جس میں مقررین نے شہداء ماڈل کی قربانیوں کو خراج تحسین پیش کیا۔ دعائیہ تقریب میں مقررین نے اظہار خیال کرتے ہوئے کہا کہ سانحہ ماڈل ٹاؤن پاکستان کی تاریخ کا سیاہ ترین باب ہے۔ شہداء کے انصاف کے لیے اشرافیہ اور حکمران پہلے دن سے رکاوٹ بنے ہوئے ہیں۔
منہاج القرآن انٹرنیشنل آفن باخ جرمنی کے زیراہتمام شہدائے ماڈل ٹاؤن کے ایصال ثواب کے لیے دعائیہ تقریب کا انعقاد کیا گیا، جس میں آفن باخ، فرینکفرٹ اور گردونواح سے احباب نے شرکت کی۔ اس موقع پر فرینکفرٹ سے حضرت علامہ محمد صدیق مصطفائی نے تقریب میں خصوصی شرکت کی۔
منہاج القرآن دبئی ٹیم کے زیراہتمام شہدائے ماڈل ٹاؤن کے لیے قرآن خوانی اور دعائیہ تقریب کا انعقاد 18 جون 2022ء کو ہوا، جس کی میزبانی کا شرف رفاقت علی منہاس نے کی۔ دعائیہ تقریب کا آغاز قرآن خوانی سے ہوا، جس کے بعد مرکزی نظامت تربیت کے رہنماء علامہ منہاج الدین قادری نے آنلائن خطاب کیا۔
سانحہ ماڈل ٹاؤن کے 8 سال مکمل ہونے پر تحریک منہاج القرآن اور پاکستان عوامی تحریک کے زیراہتمام پاکستان سمیت دنیا بھر میں قرآن خوانی و دعائیہ تقاریب کا سلسلہ جاری ہے۔ ناظم اعلیٰ منہاج القرآن خرم نواز گنڈاپور کی قیادت میں پاکستان عوامی تحریک اور تحریک منہاج القرآن کے رہنماؤں پر مشتمل وفد نے لاہور میں شہدائے ماڈل ٹاؤن کے گھروں میں جاکر شہدا کے ورثا سے ملاقات کی۔
تحریک منہاج القرآن ضلع اوکاڑہ کے زیراہتمام ورکرز کنونشن میں نائب ناظم اعلٰی علامہ رانا محمد ادریس قادری نے تنظیمی امور پر بریفنگ دی۔ انہوں نے کہا کہ منہاج القرآن کے پلیٹ فارم پر دعوتی و تنظیمی سرگرمیوں کو مزید بہتر انداز میں عام آدمی تک پہنچانا ہماری ذمہ داری ہے۔
منہاج القرآن انٹرنیشنل برطانیہ کے زیراہتمام مدینۃ الزھراء بریڈ فورڈ میں شہدائے ماڈل ٹاؤن کے ایصال ثواب کے لیے دعائیہ تقریب کا انعقاد کیا گیا، جس میں علمائے کرام، منہاج القران کے کارکنان و وابستگان کے علاوہ مقامی کمیونٹی کے معززین خواتین و حضرات نے کثیر تعداد میں شرکت کی۔
منہاج القرآن انٹرنیشنل ہانگ کانگ کے زیر اہتمام 17جون بروز جمعہ بعد نماز عشاء شہدائے ماڈل ٹاؤن کے لئے دعائیہ تقریب منعقد کی گئی۔ جس میں علامہ حافظ محمد نسیم خان نقشبندی ڈائریکٹر منہاج القرآن ہانگ کانگ نے خطاب کرتے ہوئے کہا کہ 17 جون 2014 کو بیگناہ کارکنوں کا خون کیا گیا۔ سانحہ ماڈل ٹاؤن پاکستانی تاریخ کا سب سے بڑا ظلم اور سیاہ ترین باب ہے۔
سانحہ ماڈل ٹاؤن کی شہیدہ تنزیلہ امجد شہید کی بیٹی بسمہ امجد نے اپنی والدہ کی 8ویں برسی کے موقع پر چیف جسٹس سپریم کورٹ کے نام کھلے خط میں کہا ہے کہ سابق چیف جسٹس آف سپریم کورٹ میاں ثاقب نثار نے میرے سر پر ہاتھ رکھ کر کہا تھا آپ اپنی والدہ کا تعلیم حاصل کرنے والا خواب پورا کریں انصاف آپ کو ہم دیں گے۔ ان کے اس دست شفقت سے میری انصاف ملنے کی امید قائم ہو گئی تھی اور میں نے ساری توجہ تعلیم پر مرکوز کر لی تھی۔
تحریک منہاج القرآن کے ناظم اعلیٰ خرم نواز گنڈاپور اور رہنماؤں کے وفد نے سانحہ ماڈل ٹاون کی 8ویں برسی کے موقع پر شہدائے ماڈل ٹاؤن کی قبروں پر حاضری دی اور فاتحہ پڑھی۔ ناظم اعلیٰ منہاج القرآن انٹرنیشنل خرم نواز گنڈاپور نے شہدائے ماڈل ٹاؤن تنزیلہ امجد شہید اور شازیہ مرتضیٰ شہید کی قبروں پر حاضری دی۔ انہوں نے شیخ الاسلام ڈاکٹر محمد طاہرالقادری کی طرف سے چادریں چڑھائیں اور شہداء کے لیے فاتحہ خوانی اور بلندی درجات کی دعا کی۔ وفد میں راجہ زاہد محمود قادری، شہزاد رسول قادری، حاجی محمد اسحاق، طیب ضیاء، چودھری امجد حسین، طارق الطاف، محمد قیصر، رانا محمد عتیق اور دیگر بھی شامل تھے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے مرکزی نائب صدر بریگیڈئر (ر) اقبال احمد خان اور قائدین کے ہمراہ شہدائے ماڈل ٹاؤن کی یادگار پر حاضری دی۔ اس موقع پر انہوں نے یادگار شہدائے ماڈل ٹاون پر پھول رکھے۔ ڈاکٹر حسن محی الدین قادری نے شہداء کی یادگار پر شیخ الاسلام ڈاکٹر محمد طاہرالقادری کی طرف سے بھی گلدستے رکھے اور شہدائے کے لیے بلندی درجات کی دعا بھی کی۔ اس موقع پر گفتگو کرتے ہوئے ڈاکٹر حسن محی الدین قادری نے کہا کہ شہداء کی قربانیاں رائیگاں نہیں جائیں گے اور ایک دن معصوم کارکنوں کے قاتل کیفر کردار کو پہنچیں گے۔
منہاج القرآن والسال برطانیہ کے زیراہتمام شہداء ماڈل ٹاؤن کی یاد میں دعائیہ تقریب کا اہتمام کیا گیا جس میں ڈائریکٹر امور خارجہ منہاج القرآن انٹرنیشنل جی ایم ملک مہمان خصوصی تھے۔ اس موقع پر ڈائریکٹر منہاج القرآن انٹرنیشنل والسل ڈاکٹر علی اکبر قادری نے پروگرام کی کمپئرنگ کی۔ اس موقع پر جی ایم ملک نے اظہار خیال کرتے ہوئے کہا کہ شہدائے ماڈل ٹاؤن کی یاد میں دعائیہ تقریب منعقد کرنے کا مقصد شہداء کی قربانیوں کو ناصرف یاد کرنا بلکہ ان کے انصاف کے لیے آواز بلند کرنا بھی ہے۔
منہاج القرآن انٹرنیشنل کینیڈا کے زیراہتمام جامع المصطفیٰ میسی ساگا میں شہدائے ماڈل ٹاؤن کی یاد میں دعائیہ تقریب منعقد ہوئی، جس میں شہداء کے ایصال ثواب کے لیے فاتحہ خوانی کی گئی۔ اس موقع پر منہاج القرآن انٹرنیشنل کینیڈا کے صدر کامران رشید، نائب صدر غلام سرور، منہاج القرآن انٹرنیشنل کینیڈا کے مذہبی امور کے ڈائریکٹر علامہ احمد اعوان، منہاج القرآن کے قائدین و کارکنان اور فیملیز کی بڑی تعداد نے شرکت کی۔
منہاج القرآن انٹرنیشنل یونان کے زیراہتمام شہدائے ماڈل کی 8ویں برسی کے موقع پر تعزیتی محفل کا اہتمام ریندی مرکز پر کیا گیا، جس میں علامہ محمد نواز ہزاروی ڈائریکٹر منہاج القرآن سنٹر ریندی نے خطاب کرتے ہوئے کہا کہ شہداء ماڈل کی قربانیوں کو خراج تحسین پیش کیا۔ دعائیہ تقریب میں مقررین نے اظہار خیال کرتے ہوئے کہا کہ سانحہ ماڈل ٹاؤن پاکستان کی تاریخ کا سیاہ ترین باب ہے۔
4M
فیس بک
2M
ٹوٹر
© 1994 - 2025 Minhaj-ul-Quran International.
