سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القران انٹرنیشنل یونان کے زیراہتمام سالانہ ’’پیغام امام حسین علیہ السلام‘‘ کانفرنس منعقد ہوئی، جس میں علامہ حافظ محمد نواز ہزاروی نے خطاب کیا۔ انہوں نے کہا کہ امام حسین علیہ السلام نے کربلا کے معرکہ میں شہادت کا عظیم فریضہ سرانجام دے کر پیغام دیا کہ باطل کے سامنے سر تو کٹ سکتا ہے، جھکا نہیں جا سکتا۔ انہوں نے کہا کہ حق پر قائم رہنا اور وقت کے یزید کے سامنے کلمہ حق پر ڈٹ جانا ہی حسینی ہونے کی نشانی ہے۔
منہاج القرآن انٹڑنیشنل اسلامک سنٹر چھنگ یی ہانگ کانگ میں سالانہ محفل ذکر شہدائے کربلا کا انعقاد 22 اگست 2021ء کو بعد نماز ظہر کیا گیا۔ علامہ حافظ ظہیر احمد خان نقشبندی ڈائریکٹر منہاج القرآن ہانگ کانگ نے خطاب کرتے ہوئے شہدائے کربلا کو خراج عقیدت پیش کیا۔
منہاج القرآن انٹرنیشنل جرمنی کی نیشنل ایگزیکٹیو کونسل کا اجلاس میونخ میں منعقد ہوا، جس میں منہاج القرآن انٹرنیشنل جرمنی کے صدر میاں عمران الحق نے صدارت کی۔ اس موقع پر نیشنل ایگزیکٹیو کونسل نے اجلاس میں جرمنی کی تنظیمات کی کارکردگی کا جائزہ لیا گیا اور آئندہ کے اہداف پر بات چیت ہوئی۔
تحریک منہاج القرآن قصور اور ذیلی نومنتخب فورم عہدیداروں کی تقریب حلف برداری و تربیتی نشست قصور سٹی میں ہوا، جس میں تحریک منہاج القرآن، پاکستان عوامی تحریک و جملہ فورمز کے عہدیداروں و قائدین نے شرکت کی۔ اس موقع پر نومنتخب عہدیداروں سے حلف لیا گیا۔
نہاج القرآن انٹرنیشنل آئرلینڈ کے زیراہتمام محفل ذکر حسین علیہ السلام کا انعقاد کیا گیا، جس میں تحریک منہاج القرآن آئرلینڈ کے ایگزیکٹو ممبران کے علاوہ کمیونٹی کی اہم شخصیات نے خصوصی طور پر شرکت کی۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے منہاج القرآن کے مرکزی سیکرٹریٹ پر 18 اگست 2021ء کو منعقد ہونے والی ایمان افروز ’پیغام امام حسین علیہ السلام اور اتحاد امت کانفرنس‘ کے کامیاب انعقاد پر اطمینان کا اظہار کیا ہے۔ ان کا کہنا تھا منہاج القرآن اتحاد امت کا پلیٹ فارم ہے اور الحمد للہ شان اہلبیتِ اطہار علیہم السلام اور ان کی محبت و مودت کے بنیادی عقیدہ پر جملہ مکاتب فکر کا شبِ عاشور ایک پلیٹ فارم پر جمع ہونا اور قرآن و سنت کی روشنی میں شانِ اہلبیت علیہم السلام بیان کرنا اتحاد امت کا شاندار اور قابلِ رشک منظر ہے۔ انہوں نے امید ظاہر کی کہ ذکر و محبتِ اہلبیتِ اطہار علیہم السلام کی برکت سے اتحادِ امت کے خواب کو ان شاءاللہ ضرور تعبیر ملے گی۔
منہاج القرآن ہارون آباد کے زیراہتمام جامع مسجد زینب منہاج القرآن اسلامک سنٹر ہارون آباد میں ’’پیغام شہادت حسین‘‘ علیہ السلام کانفرنس منعقد ہوئی۔ اس موقع پر صاحبزادہ احمد حسن فاروقی نے خطاب کرتے ہوئے امام حسین علیہ السلام کی تعلیمات پر روشنی ڈالی۔
منہاج القرآن انٹرنیشنل ہانگ کانگ کے زیراہتمام سالانہ محفل ذکر شہدائے کربلا 18 اگست 2021ء کو بعد نماز عشاء منہاج القرآن اسلامک سنٹر کھوائی چنگ میں منعقد کی گئی۔ ڈائریکٹر منہاج القرآن اسلامک سنٹر کھوائی چنگ علامہ حافظ محمد نسیم خان نقشبندی نے خطاب کرتے ہوئے کہا کہ امام حسین علیہ السلام کی محبت اہل ایمان کا خاصہ ہے۔
منہاج القرآن گوہروالا تحصیل منکیرہ ضلع بھکر کے زیراہتمام ’’ذکر شہدائے کربلا‘‘ کانفرنس کا انعقاد کیا گیا، کانفرنس میں نائب ناظم اعلیٰ انجینئر رفیق نجم نے خطاب کرتے ہوئے کہا کہ محبت اہل بیت اطہار علیہم السلام قرآن کریم، احادیث نبوی، عمل صحابہ کرام اور تعلیمات فقہاء سے ثابت ہے۔
شیخ الاسلام ڈاکٹر محمد طاہرالقادری نے یوم عاشور کے موقع پر اپنے بیان میں کہا ہے کہ ظالم اور فاسق و فاجر کا ساتھ نہ دینا حسینیت ہے۔ امام عالی مقام نے اپنی جان کا نذرانہ پیش کر کے قیامت تک کیلئے یہ اصول مقرر کر دیا کہ شعائر دین اقتدار پرستوں کے رحم و کرم پر نہیں چھوڑے جا سکتے۔ نواسہ رسول ﷺ کی عظیم قربانی کا تذکرہ ایمان کی مضبوطی کیلئے ضروری ہے۔ شیخ الاسلام ڈاکٹر محمد طاہرالقادری نے یوم عاشور کے موقع پر اپنے بیان میں کہا ہے کہ ظالم اور فاسق و فاجر کا ساتھ نہ دینا حسینیت ہے۔ امام عالی مقام نے اپنی جان کا نذرانہ پیش کر کے قیامت تک کیلئے یہ اصول مقرر کر دیا کہ شعائر دین اقتدار پرستوں کے رحم و کرم پر نہیں۔ چھوڑے جا سکتے۔ نواسہ رسول ﷺ کی عظیم قربانی کا تذکرہ ایمان کی مضبوطی کیلئے ضروری ہے۔
تحریک منہاج القرآن علماء کونسل کے زیر اہتمام ”پیغام امام حسین علیہ السلام اور اتحاد امت کانفرنس“ 9 محرم الحرام کی شب منہاج القرآن کے مرکزی سیکرٹریٹ میں منعقد ہوئی۔ کانفرنس میں شیخ الاسلام ڈاکٹر محمد طاہرالقادری نے بذریعہ ویڈیو لنک خصوصی خطاب کیا۔ کانفرنس سے امیر متحدہ جمعیت اہلحدیث پاکستان سید ضیاء اللہ شاہ بخاری، نائب امیر جماعت اسلامی پاکستان ڈاکٹر فرید احمد پراچہ، علامہ حافظ کاظم رضا نقوی، مفتی محمد مبشر نظامی، ناظم اعلیٰ تحریک منہاج القرآن خرم نواز گنڈاپور، مولانا عبدالستار نیازی، علامہ محمد جعفر شمسی، مفتی محمد مبشر نظامی، علامہ مفتی امداد اللہ قادری، علامہ میر آصف اکبر قادری نے بھی خطاب کیا۔
منہاج القرآن ضلع بھکر کے زیراہتمام پیغام شہادت حسین کانفرنس علیہ السلام یونین کونسل سیال میں منعق ہوئی، جس میں مرکزی نائب ناظم اعلیٰ انجینئر رفیق نجم نے خصوصی شرکت کی اور خطاب کیا۔ انہوں نے کہا کہ کربلا کے میدان میں معرکہ حق و باطل ہوا، جس کا فلسفہ اور پیغام رہتی دنیا تک باقی رہے گا۔ حق حسین اور باطل یزید ملعون ہے۔ یزیدی نظام آج بھی دنیا میں موجود ہے۔
منہاج القرآن ضلع بھکر کے زیراہتمام پنج گرائیں تحصیل دریا خان میں ’’فلسفہ شہادت حسین‘‘ علیہ السلام کانفرنس منعقد ہوئی۔ جس میں مرکزی نائب ناظم اعلیٰ انجینئر رفیق نجم نے خصوصی شرکت کی اور خطاب کیا۔ انہوں نے کہا کہ کربلا کے میدان میں معرکہ حق و باطل ہوا، جس کا فلسفہ اور پیغام رہتی دنیا تک باقی رہے گا۔
منہاج القرآن انٹرنیشنل سے وابستہ افراد ہمہ وقت انسانیت کی خدمت کے جذبہ سے سرشار رہتے ہیں ایسی ہی ایک انسانی و قومی خدمت منہاج القرآن انٹرنیشنل فرانس کے رہنما محمد نعیم چودھری نے عیدالاضحیٰ کے موقع پر انجام دی اور فرانس میں پھنسے ہوئے پاکستانیوں کو عید الاضحٰی اپنے پیاروں کے ساتھ گزارنے کے لیے چارٹرڈ طیارہ کا انتظام کیا، شیخ الاسلام ڈاکٹر محمد طاہرالقادری نے پاکستانیوں کے لیے خصوصی سہولت فراہم کرنے پر نعیم چودھری کو مبارکباد دی۔
تحریک منہاج القرآن کے زیراہتمام مرکزی سیکرٹریٹ میں ”پیغام امام حسین علیہ السلام اور اتحاد امت کانفرنس“ 9 محرم الحرام 18 اگست بدھ کو رات 9 بجے مرکزی سیکرٹریٹ ماڈل ٹاؤن میں منعقد ہو گی۔ قائد تحریک منہاج القرآن شیخ الاسلام ڈاکٹر محمد طاہرالقادری خصوصی خطاب کرینگے۔ کانفرنس میں مختلف مکاتب فکر سے تعلق رکھنے والے جید علمائے کرام و مشائخ عظام شرکت کرینگے۔
3.8M
فیس بک
1.9M
ٹوٹر
© 1994 - 2025 Minhaj-ul-Quran International.
