سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل سیریاتے بیرگامو، اٹلی کے زیراہتمام منعقدہ ورکرز کنونشن سے خطاب کرتے ہوئے چیئرمین سپریم کونسل ڈاکٹر حسن محی الدین قادری نے کہا کہ اچھا اخلاق اچھے مسلمان کی پہچان ہے، تربیت کے بغیر حاصل کیا گیا علم نفع بخش نہیں، خود میں حسن اخلاق پیدا کریں، اخلاق سے مراد یہ ہے کہ دوسروں کی برائیوں پر نظر رکھنے کی بجائے اپنی ذات کا محاسبہ کیا جائے، اچھے اخلاق والا وسیع النظر، وسیع القلب، وسیع الظرف ہوتا ہے، ادب انسان کو اخلاق کی بلندیوں تک لے جاتا ہے، انہوں نے کہا کہ ادب، عمل اور کردار کے بغیر علم بے فائدہ ہے افسوس آج تعلیمی اداروں میں تعلیمی نصاب تو پڑھایا جاتا ہے مگر اخلاق اور تربیت کی کمی ہے۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری اٹلی کے 4روزہ تنظیمی دورہ کے دوران بریشیاء پہنچ گئے، جہاں مقامی تنظیم کے قائدین و کارکنان نے آپ کا پرتپاک استقبال کیا اور گلدستے پیش کیے۔ بریشیاء میں ڈاکٹر حسن محی الدین قادری منعقدہ سیرت النبی صلی اللہ علیہ وآلہ وسلم کانفرنس سے خطاب کریں گے۔ بریشیاء میں ڈاکٹر حسن محی الدین قادری سیرت النبی صلی اللہ علیہ وآلہ وسلم کانفرنس سے خطاب کریں گے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری 4 روزہ تنظیمی دورہ پر اٹلی پہنچ گئے۔ میلانو، مالپینسا ائرپورٹ پر منہاج القرآن انٹرنیشنل اٹلی کے ذمہ داران اعجاز یوسف اعوان، سید غلام مصطفیٰ مشہدی، صوفی محمد اشرف، صوفی محمد عمر حیات، سیف الرحمان تارڑ، سرمد جاوید، میاں محمد شبیر و دیگر قائدین و کارکنان نے آپ کا استقبال کیا اور گلدستے پیش کیے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے منہاج القرآن اسلامک سنٹر نووارا میں جمعہ کے اجتماع سے خطاب کرتے ہوئے کہا کہ اللہ رب العزت کو توبہ کے الفاظ بہت پسند ہیں۔ توبہ کی قبولیت کا پیمانہ دوبارہ گناہوں کا مرتکب نہ ہونا ہے۔ زندگی کے میدان میں حقیقی کامیابی صالح اعمال کے بغیر ناممکن ہے۔ انہوں نے کہا کہ زندگی کا کوئی بھروسہ نہیں ہے اس لئے توبہ و استغفار میں سستی نہ کریں۔
چیئرمین سپریم کونسل ڈاکٹر حسن محی الدین قادری نے منہاج القرآن انٹرنیشنل میلان کے نئے اسلامک سنٹر کا دورہ کیا۔ اس موقع پر آپ کو بتایا گیا کہ میلان کے نئے اسلامک سنٹر کی تزئین و آرائش کا کام جلد شروع کر دیا جائے گا۔ ڈاکٹر حسن محی الدین قادری نے یہاں دعا کرتے ہوئے کہا کہ اللہ رب العزت اسلامی علوم و فنون کے ساتھ دین اسلام کے عقائد صحیحہ کے فروغ کا مرکز بنائے اور اس سے انسانیت فیض یاب ہو۔
نظام المدارس پاکستان و منہاج القرآن علماء کونسل لاہور کے زیراہتمام پیغام پاکستان کانفرنس پرنس ہال بالمقابل قذافی سٹیڈیم مین فیروز پور روڈ لاہور میں منعقد ہوئی، جس میں تمام مکاتب فکر کے نامور جید علماء کرام مشائخ عظام نے شرکت کی۔ اس موقع پر علماء کرام نے اظہار خیال کرتے ہوئے کہا کہ استحکام پاکستان ہی ملک پاکستان کی ترقی کا ضامن ہے۔ استحکام پاکستان کے لیے تمام کی جانے والی کاوشوں اور کوششوں کا علماء کرام نے ہمیشہ ساتھ دیا، آج وطن عزیز کو اندرونی و بیرونی سازشوں کیخلاف وسیع تر استحکام کی ضرورت ہے۔
منہاج القرآن انٹرنیشنل کوپن ہیگن، ڈنمارک کے زیراہتمام منعقدہ علماء کرام کے ساتھ علمی اور فکری نشست سے خطاب کرتے ہوئے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے کہا کہ تعلیم یافتہ معاشرہ ہی قومی ترقی کی راہیں استوار کرتا ہے، زمانے کے ساتھ چلنے کا ڈھنگ سکھاتا ہے۔ علماء کرام بدلتے حالات کے تناظر میں شرعی احکامات کے متعلق امت کی رہنمائی کریں۔ قرآن مجید نے اُمت محمدیہ کو اعتدال والے رویئے کی حامل امت قرار دیا ہے۔ بچوں کو زیور تعلیم سے آراستہ کرنا سنت نبوی ﷺ ہے اور ہماری دین درسگاہیں اس کا ماخذ اور منبع رہی ہیں۔ اعتدال پر مبنی رویوں کو فروغ دینا علمائے کرام کی دینی، قومی و انسانی ذمہ داری ہے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے منہاج القرآن انٹرنیشنل ڈنمارک کے زیراہتمام منہاج القرآن اسلامک سنٹر نارتھ ویسٹ میں منعقدہ ورکرز کنونشن میں خصوصی شرکت کی۔ اس موقع پر صدر منہاج القرآن انٹرنیشنل ڈنمارک ڈاکٹر عرفان ظہور نے NEC کی نئی ٹیم کا اعلان کیا، ڈاکٹر حسن محی الدین قادری نے منتخب ہونے والے نئے ذمہ داران اور ورکرز کنونشن کے انعقاد پر مبارکباد دی اور جملہ فورمز کی کارکردگی کو سراہا۔
آئرلینڈ کے شہر پورٹ لیش میں تحریک منہاج القرآن انٹرنیشنل آئرلینڈ کے زیراہتمام بچوں کی اسلامی تعلیم و تربیت کا پہلا ہفتہ وار منہاج اسکول آف اسلامک سائنسز کے عنوان سے کلاسز کا آغاز ہونے جا رہا ہے۔ اس سلسلہ میں تحریک منہاج القرآن آئرلینڈ نے پورٹ لیش کے مقامی ریسٹورنٹ گریل اینڈ چیل میں انڈیکشن ڈے کی ایک پروقار تقریب کا انعقاد کیا جس میں منہاج القرآن آئرلینڈ کے رفقاء و اراکین بچوں اور ان کے والدین نے کثیر تعداد میں شرکت کی۔
تحریک منہاج القرآن سیالکوٹ کے سابق ضلعی امیر ڈاکٹر سرفراز احمد چوہدری رضائے الٰہی سے انتقال کر گئے۔ انا للہ و انا الیہ راجعون۔ قائد تحریک منہاج القرآن شیخ الاسلام ڈاکٹر محمد طاہر القادری اور چیئرمین سپیرم کونسل ڈاکٹر حسن محی الدین قادری نے مرحوم کے اہلخانہ سے اظہار تعزیت کیا ہے۔ مرحوم کی نماز جنازہ سیالکوٹ میں ادا کی گئی۔ مرحوم کی نماز جنازہ مرکزی نائب ناظم منہاج القرآن علماء کونسل علامہ محمد اشفاق چشتی نے پڑھائی۔
تحریک منہاج القرآن کے سابق نائب ناظم اعلیٰ، سینئر رہنما رانا فاروق محمود کے انتقال پر شیخ الاسلام ڈاکٹر محمد طاہرالقادری نے اپنے تعزیتی پیغام میں کہا ہے کہ اللہ تعالیٰ مرحوم کی بخشش فرمائے، انہیں جنت الفردوس میں اعلیٰ مقام عطا فرمائے اور سوگواران کو صبر جمیل کی توفیق دے۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے کوپن ہیگن ڈنمارک میں منہاج القرآن کے زیرتعمیر سینڑ ایمگر کا دورہ کیا۔ اس موقع پر منہاج القرآن انٹرنیشنل ڈنمارک ایمگر کے صدر یاسر گوندل، جنرل سیکرٹری اسد نذیر اور دیگر عہدیدار بھی اس موقع پر موجود تھے۔ انہوں نے ڈاکٹر حسن محی الدین قادری کو تعمیراتی پراجیکٹ بارے تفصیلی بریفنگ دی، بریفنگ کے دوران ڈرون ٹیکنالوجی کا استعمال کیا گیا۔ڈاکٹر حسن محی الدین قادری نے عمارت کے مختلف حصوں کو دیکھا۔
تحریک منہاج القرآن کے سابق نائب ناظم اعلیٰ رانا فاروق محمود قادری انتقال کر گئے، انا للہ و انا الیہ راجعون۔ مرحوم کی نماز جنازہ 22 مارچ بروز منگل دن 10 بجے لٹن روڈ لاہور جنازگاہ میں ادا کی جائے گی۔ مرحوم کے انتقال پر شیخ الاسلام ڈاکٹر محمد طاہرالقادری، چیئرمین سپریم کونسل ڈاکٹر حسن محی الدین قادری اور صدر منہاج القرآن ڈاکٹر حسین محی الدین قادری نے اظہار تعزیت کیا ہے۔
منہاج القرآن انٹرنیشنل ڈنمارک کی ایگزیکٹیو باڈی نے چیئرمین سپریم کونسل ڈاکٹر حسن محی الدین قادری کے ساتھ ویلبی سنٹر میں ملاقات کی۔ نشست میں ڈاکٹر حسن محی الدین قادری نے ’’مرکزیت‘‘ کے موضوع پر تربیتی گفتگو کرتے ہوئے کہا کہ کسی بھی تنظیم اور تحریک کی کامیابی کا راز مرکزیت سے جڑے رہنے میں ہے۔ انہوں نے کہا کہ قائد کی ہدایات کو فالو کرنے میں ہی تحریکی و تنظیمی حسن ہے۔ اس موقع پر منہاج القرآن انٹرنیشلن ڈنمارک کے صدر ڈاکٹر عرفان ظہور نے ایگزیکٹیو ممبران کی طرف سے چیئرمین سپریم کونسل کو ڈنمارک آمد پر خوش آمدید کہا۔ انہوں نے منہاج القرآن ڈنمارک کے مختلف جاری منصوبہ جات بارے بریفنگ دی۔
منہاج ویلفیئر فاؤنڈیشن کے زیراہتمام شادیوں کی اجتماعی تقریب میں 25 مستحق جوڑے رشتہ ازدواج میں منسلک ہو گئے، ان میں ایک مسیحی جوڑا بھی شامل تھا۔ صوبائی وزیر سید یاور عباس بخاری اور صوبائی وزیر آشفہ ریاض فتیانہ نے شادیوں کی اجتماعی تقریب میں بطور مہمان خصوصی شرکت کی۔ منہاج ویلفیئر فاؤنڈیشن کی طرف سے دولہوں اور دلہنوں کے ہمراہ آئے ہوئے 15 سو باراتیوں اور ان کے عزیز و اقارب کے لیے خصوصی ضیافت کا اہتمام کیا گیا۔ صدر منہاج القرآن انٹرنیشنل ڈاکٹر حسین محی الدین قادری نے تمام دولہوں اور دلہنوں کو گھڑی جبکہ فضہ حسین قادری نے تمام دلہنوں کو سونے کا سیٹ تحفے میں دیا۔
4M
فیس بک
2M
ٹوٹر
© 1994 - 2025 Minhaj-ul-Quran International.
