سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل کی سنٹرل ورکنگ کونسل کا اجلاس مرکزی سیکرٹریٹ میں منعقد ہوا، جس میں چیئرمین سپریم کونسل ڈاکٹر حسن محی الدین قادری نے واقعہ سیالکوٹ پر بڑی تشویش اور فکر مندی کا اظہار کیا اور ذمہ داروں کے خلاف سخت کارروائی کا مطالبہ کیا۔ انہوں نے اجلاس میں اظہار خیال کرتے ہوئے کہا کہ شیخ الاسلام ڈاکٹر محمد طاہرالقادری اور تحریک منہاج القرآن نے انتہا پسندی، تنگ نظری کے خلاف علمی، فکری محاذ پر انتھک جدوجہد کی اور اسلام کی امن و سلامتی، اعتدال، رواداری کی تعلیمات کو پاکستان سمیت دنیا کے کونے کونے میں اجاگر کیا۔ اس وقت اعتدال، رواداری اور برداشت پر مبنی مصطفوی تعلیمات کو مزید فروغ دینے کی ضرورت ہے تاکہ سوسائٹی میں پائی جانے والی تنگ نظری اور انتہا پسندی کا خاتمہ کیا جا سکے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے لاہور بار ایسوسی ایشن کے زیراہتمام ”ریاست مدینہ کا دستور اور اس کا عملی نفاذ“کے موضوع پر ایوان عدل میں منعقدہ علمی و فکری نشست سے خطاب کرتے ہوئے کہا کہ ریاست مدینہ کی انتظامی بنیاد امن و انصاف اور رول آف لاء پر قائم ہوئی۔ حضور نبی اکرم ﷺ نے اُمت کو بلدیاتی نظام، صوبائی خودمختاری، فنانشل مینجمنٹ اور جسٹس سسٹم دیا۔ ریاست مدینہ کا دستور ذات پات رنگ نسل سے بالا تر خالصتاً قانون و انصاف کی بالا دستی کے تصورات پر مشتمل تھا۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے منہاج یوتھ لیگ کے 33ویں یوم تاسیس کے موقع پر مرکزی سیکرٹریٹ میں منعقدہ خصوصی تقریب میں شرکت کی اور کیک کاٹا۔ اس موقع پر اظہار خیال کرتے ہوئے چیئرمین سپریم کونسل نے کہا کہ نوجوانوں کو تعلیم و تربیت دینا بہترین قومی خدمت ہے۔ منہاج یوتھ لیگ کے 33 سالوں کا سفر علم، ادب اور فروغ امن کا سفر ہے۔ منہاج یوتھ لیگ نے شیخ الاسلام ڈاکٹر محمد طاہرالقادری سے یہ عہد کیا تھا کہ وہ کسی بھی حال میں اپنے ہاتھوں سے قلم اور کتاب کو کبھی گرنے نہیں دیں گے اور الحمدللہ منہاج یوتھ لیگ کے جوانوں نے اپنے قائد سے کئے گئے اس عہد کو نبھایا ہے۔
منہاج ڈیجیٹل انسائیکلوپیڈیا (MDE) کی ڈویلپنگ ٹیم نے منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری سے ملاقات کی اور ڈیجیٹل انسائیکلوپیڈیا پراجیکٹ کے بارے میں بریفنگ دی۔ MDE کی ٹیم نے پراجیکٹ کے امتیازات اور خصوصیات کے بارے میں چیئرمین سپریم کونسل کو بریفنگ دیتے ہوئے بتایا کہ اس ڈیجیٹل پروگرام میں ایپ وزیٹرز اور ریسرچرز کے لئے Google کی طرز پر برق رفتار searching سہولت دسیتاب ہو گی۔ بریفنگ میں بتایا گیا کہ منہاج ڈیجیٹل انسائیکلوپیڈیا کے پہلے فیز میں قرآنی انسائیکلوپیڈیا کے 5 ہزار موضوعات کے علاوہ شیخ الاسلام ڈاکٹر محمد طاہرالقادری کے خطابات اور مختلف موضوعات پر تحقیقات شامل کی گئی ہیں۔
منہاج القرآن انٹرنیشنل کے فلاحی ادارے آغوش آرفن کیئر ہوم میں 8 سال سے زیر تعلیم و رہائش پذیر رابعہ خادم کی گزشتہ روز تقریب رخصتی منعقد ہوئی۔ رابعہ خادم کو منہاج القرآن انٹرنیشنل کے صدر و چیئرمین آغوش کمپلیکس ڈاکٹر حسین محی الدین قادری، فضہ حسین قادری، نائب صدر بریگیڈیئر (ر) اقبال احمد خان، ناظم اعلیٰ خرم نواز گنڈا پور، وزیراعلیٰ ٹاسک فورس برائے ویمن امپاورمنٹ تنزیلہ عمران، سماجی رہنما و سابق وزیراعلیٰ پنجاب میاں منظور احمد وٹو کی صاحبزادی جہاں آراء وٹو، ڈائریکٹر آغوش کمپلیکس کرنل (ر) مبشر اقبال، منیجنگ ڈائریکٹر منہاج ویلفیئر فاؤنڈیشن انٹرنیشنل فیصل مشہدی، سید امجد علی شاہ، نوراللہ صدیقی، منہاج ویمن لیگ کی مرکزی صدر ڈاکٹر فرح ناز، سدرہ کرامت نے یتیم بیٹی رابعہ خادم کو دعاؤں کے ساتھ رخصت کیا۔
معروف ثنا خوان مصطفیٰ ﷺ شہباز سمیع اور محمد علی جرال نے منہاج القرآن انٹرنیشنل کی سپریم کونسل کے چیئرمین ڈاکٹرحسن محی الدین قادری سے ان کی رہائش گاہ پر ملاقات کی۔ اس موقع پر دونوں مہمانان گرامی نے تحریک منہاج القرآن کی لائف ممبر شپ حاصل کی اور لائف مبرشپ کی اسناد ڈاکٹر حسن محی الدین قادری سے وصول کیں۔
اُمت وقار کی بحالی کیلئے سیرت طیبہ ﷺ پر عمل کرے: ڈاکٹر حسن محی الدین قادری
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادرینے ایوان اقبال لاہور میں آستانہ عالیہ چشتیہ آباد کامونکی کے زیراہتمام منعقدہ محفل شانِ سیّدنا غوث الاعظمؓ سے خطاب کرتے ہوئے کہا کہ آج اگر امت مسائل و آلام سے نجات، باطنی سکون اور نفس مطمئنہ چاہتی ہے تو حضور غوث الاعظم شیخ عبد القادر جیلانی رضی اللہ عنہ کی تعلیمات پر عمل کرے۔ آپ کی ساری زندگی علم اور انسانیت کے ساتھ محبت کرتے ہوئے گزری۔ آپ فنا فی الرسول ﷺ تھے۔
صدر منہاج القرآن انٹرنیشنل ڈاکٹر حسین محی الدین قادری واہ کینٹ میں منہاج ویلفیئر کے زیرِاہتمام منعقدہ شادیوں کی اجتماعی تقریب سے خطاب کرتے ہوئے کہا کہ دکھی انسانیت کی خدمت اور مستحقین کے دکھ بانٹنا اور ان کے ساتھ دامے درمے سخنے کھڑے ہونا فی زمانہ افضل ترین نیکی اور سوشل سروس ہے۔ انہوں نے کہا کہ اسلام کی تعلیمات ہیں کہ جن کے پاس ضروریات زندگی کا سامان ضرورت سے زائد ہے وہ ان کو لٹا دیں جو کسی وجہ سے زندگی کی مالی دوڑ میں پیچھے رہ گئے ہیں۔
منہاج القرآن ہری پور کے زیراہتمام میلاد مصطفیٰ ﷺ کانفرنس سے خطاب کرتے ہوئے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے کہا کہ ﷺ کے اخلاق حسنہ پر عمل پیرا ہونا اصل ایمان ہے۔ انہوں نے کہا کہ حضور نبی اکرم ﷺ کے اخلاقِ حسنہ کا پیغام یہ ہے کہ ہم بھی اخلاقِ مصطفی ﷺ اختیار کریں اور سیرتِ و اسوہ مصطفی ﷺ کا زیور پہن لیں، آپ ﷺ کے اوصافِ حمیدہ کا رنگ اپنے اوپر چڑھا لیں۔
جناح کنونشن سنٹر اسلام آباد میں منہاج یوتھ لیگ کے زیراہتمام منعقدہ نیشنل یوتھ ایوارڈ کی تقریب میں ڈاکٹر حسین محی الدین قادری نے خطاب کرتے ہوئے کہا کہ ملکی ترقی کے لیے پاکستان کے بینک شوگر ملز کی بجائے نوجوانوں کو قرض دیں، شوگر ملز کو قرضے دے کر آپ نے دیکھ لیا، اب نوجوانوں کو ٹیلنٹ کے لیے قرض دیں تو اب بھی ملکی ترقی کے لیے بہت کچھ کیا جا سکتا ہے۔ انہوں نے کہا کہ ٹیلنٹ کی قدر کرتے ہوئے ہمیں اپنے ملک کے ہیروز کو تسلیم کرنا ہو گا، جو قومیں ہیروز کی حوصلہ افزائی نہیں کرتی تو وہاں پھر ہیروز پیدا ہونا بند ہو جاتے ہیں۔
جناح کنونشن سنٹر میں منہاج یوتھ لیگ اور ایجو کاسا کے مشترکہ تعاون سے منعقدہ نیشنل یوتھ ایوارڈ کی تقریب سے خطاب کرتے ہوئے منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے کہا کہ حکومت سارا بجٹ نوجوانوں کی جدید تعلیم و تربیت پر خرچ کرے یہی نوجوان اپنی ایجادات کے ذریعے پاکستان کو دنیا کا امیر ترین اور محفوظ ترین ملک بنا دیں گے، پاکستان باصلاحیت نوجوانوں کا قابل فخر ملک ہے، پاکستان کے نوجوان دنیا بھر میں اپنے ٹیلنٹ کا لوہا منواتے ہیں ریاستی سطح پر ان نوجوانوں کی صلاحیتوں سے استفادہ کیا جائے۔
منہاج کالج مانچسٹر یوکے کے زیراہتمام ’’لیونگ لیگسی فیسٹیول‘‘ میں شیخ حماد مصطفیٰ المدنی القادری نے خطاب کرتے ہوئے کہا کہ حضور ﷺ کی ذات مبارکہ کائنات میں اخلاق حسنہ کا اعلیٰ ترین نمونہ ہیں۔ آپ ﷺ کے اخلاق کیسے تھے، اس بارے جب سیدہ عائشہ صدیقہ رضی اللہ تعالیٰ عنھا سے پوچھا گیا تو آپ نے بیان کیا کہ سارا قرآن حضور صلی اللہ علیہ وآلہ وسلم کا اخلاق ہے۔ انہوں نے کہا کہ آپ صلی اللہ علیہ وآلہ وسلم انسانیت کے لیے سراپا رحمت ہیں۔ آپ ﷺ کی تعلیمات اور سیرت طیبہ پر عمل کرنے سے ہی حقیقی کامیابی مل سکتی ہے۔ اس موقع پر پروگرام میں علمائے کرام، اساتذہ کرام، سکالرز، طلباء، فیملیز اور مختلف شعبہ ہائے زندگی کی ممتاز شخصیات نے بھی شرکت کی۔
منہاج یوتھ لیگ کے زیراہتمام کنونشن سنٹر اسلام آباد میں منعقدہ دو روزہ نیشنل یوتھ ایوارڈ کی تقریب سے خطاب کرتے ہوئے ڈپٹی سپیکر قومی اسمبلی قاسم سوری نے کہا کہ پاکستان کے چھپے ہوئے یوتھ ٹیلنٹ کو قومی سطح پر اجاگر کرنے کی ضرورت ہے۔ منہاج یوتھ لیگ اور ایجوکاسا انٹرنیشنل کو نیشنل یوتھ ایوارڈ اور رائزنگ پاکستان ایکسپو کے انعقاد پر بھرپور مبارک باد پیش کرتا ہوں۔
صوفی باصفا عاشق رسول صوفی محمد افضل قادری رحمۃ اللہ علیہ کے چوتھے سالانہ عرس مبارک کی تقریب آستانہ غوثیہ ترمذیہ نارنگ منڈی میں منعقد ہوئی، جس میں نائب ناظم تربیت علامہ محمد وسیم افضل قادری نے خطاب کیا۔ انہوں نے کہا کہ اللہ رب العزت نے جن اولیا کرام کا ذکر قرآن پاک میں کیا ہے، ان ہستیو ں کی زندگیوں کا اگرمطالعہ کریں تو یہ وہ لوگ تھے جنہوں نے اپنی زندگیوں کا مرکز ومحور صرف محبت الٰہی اور اطاعت الٰہی کو بنایا ہوا تھا۔ اللہ کے نیک بندوں کی صحبت اور سنگت انسانی زندگی میں تبدیلی پیدا کر دیتی ہے۔
4M
فیس بک
2M
ٹوٹر
© 1994 - 2025 Minhaj-ul-Quran International.
