سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
کالج آف شریعہ اینڈ اسلامک سائنسز کی بزم منہاج کے زیراہتمام طلباء کے لیے ادبی مقابلہ جات کا آغاز ہوا، جس میں پہلے روز مقابلہ حسن قرآت منعقد ہوا، جس میں اول پوزیشن قاری محمد اکرام ربانی، دوسری پوزیشن حافظ محمد اطہر اور تیسری پوزیشن حافظ محمد حامد نے حاصل کی۔
تحریک منہاج القرآن لاہور زون کا ایک اہم اجلاس 29 ستمبر 2021ء کو کانفرنس ہال مرکزی سیکرٹریٹ میں منعقد ہوا، جس کی صدارت صدر منہاج القرآن لاہور علامہ رانا نفیس حسین قادری اور اشتیاق حنیف مغل ضلعی ناظم منہاج القرآن لاہور نے کی۔ اجلاس میں علامہ رانا محمد ادریس قادری نائب ناظم اعلٰی نے خصوصی شرکت کی جبکہ تحریک منہاج القرآن لاہور کے عہدیداران بھی اجلاس میں شریک ہوئے۔
ناطم اعلیٰ تحریک منہاج القرآن خرم نواز گنڈاپور مختصر تنظیمی دورہ پر کراچی پہنچ گئے، ائرپورٹ پر منہاج القرآن کراچی کے عہدیداروں ثاقب نوشاہی، راؤ طیب، نوید عالم اور دیگر رہنماؤں نے استقبال کیا۔ دورہ میں ناظم اعلیٰ خرم نواز گنڈاپور 9 اکتوبر 2021ء کو باغِ جناح کراچی میں منعقد ہونے والی سالانہ میلاد کانفرنس 2021ء کی تیاریوں کا جائزہ لیں گے۔
تحریک منہاج القرآن جھاوریاں سرگودھا کے زیراہتمام گرینڈ تنظیمی و تربیتی ورکشاپ مقامی ہال میں منعقد ہوئی، جس میں نائب ناظم اعلیٰ انجیئنر رفیق نجم نے خصوصی شرکت کی۔ اس موقع پر منہاج القرآن سرگودھا کی تحصیلات کے عہدیداروں اور کارکنان نے اجلاس میں شرکت کی۔ انجینئر رفیق نجم نے اظہار خیال کرتے ہوئے کہا کہ منہاج القرآن ایک تجدیدی تحریک ہے، جس نے معاشرہ میں ہر سطح پر تجدیدی خدمات سرانجام دی ہیں۔
تحریک منہاج القرآن شورکوٹ جھنگ کے زیراہتمام استحکام پاکستان نظام المدارس کانفرنس27 ستمبر 2021ء کو ولی مارکی میں منعقد ہوئی۔ اس موقع پر نظام المدارس پاکستان کے مرکزی ناظم اعلیٰ میر آصف اکبر، نائب ناظم اعلیٰ تحریک منہاج القرآن رانا محمد ادریس قادری، علامہ محمد خلیل حںفی، منہاج القرآن کی تنظیمات کے رہنماء قاری ریاست علی چدھڑ سمیت دیگر مرکزی قائدین نے بھی کانفرنس میں شرکت کی۔ علامہ رانا محمد ادریس قادری نے کانفرنس میں خطاب کرتے ہوئے کہا کہ منہاج القرآن نے ہمیشہ اپنے پلیٹ فارم سے استحکام پاکستان کے لیے عملی جدوجہد کی ہے۔
تحریک منہاج القرآن ننکانہ صاحب شاہکوٹ پی پی 132 کا اجلاس ہوا، جس میں رانا محمد ادریس قادری نے خصوصی شرکت کی۔ اس موقع پر اجلاس میں منہاج القرآن شاہکوٹ پی پی 132 کی تنظیم نو مکمل کی گئی، جس کے مطابق صدر سید عبدالقدیر شاہ، ناظم رانا محمد عدیل ایڈووکیٹ منتخب ہوئے۔
تحریک منہاج القرآن ضلع شیخوپورہ کے زیرِاہتمام تربیتی ورکشاپ کا انعقاد ہوا، جس میں منہاج القرآن کے تمام فورمز کے عہدیداروں نے شرکت کی۔ اس موقع پر علامہ غلام مرتضٰی علوی نے اوصافِ قیادت، دعوت کی ضرورت و افادیت اور فہمِ دین پروگرام کے حوالے سے لیکچرز دئیے۔
ہزارہ ڈویژن کے طلباء وفد نے چیئرمین سپریم کونسل ڈاکٹر حسن محی الدین قادری اور خرم نواز گنڈا پور سے مرکزی سیکرٹریٹ میں ملاقات کی، وفد کی قیادت پروفیسر امجد خان صدر تحریک منہاج القرآن مانسہرہ اور پروفیسر خضر حیات خان ہری پور نے کی۔ طلباء کا یہ وفد کالج آف شریعہ میں انٹرمیڈیٹ میں داخلہ لینے کے لیے آیا تھا۔ اس موقع پر چیئرمین سپریم کونسل ڈاکٹر حسن محی الدین قادری نے طلباء کو خوش آمدید کہا اور انہیں کالج آف شریعہ میں داخلہ پر ان کے والدین کا شکریہ بھی ادا کیا۔
منہاج القرآن کی نظامت تربیت کے زیراہتمام 26 ستمبر 2021ء کو حق میرج لان حویلی لکھا ضلع دیپالپور کی تنظیمی تربیتی ورکشاپ منعقد ہوئی، جس میں نائب ناظم اعلیٰ علامہ رانا محمد ادریس قادری، ناظم تربیت محمد سلیم چوہدری، علامہ غلام مرتضٰی علوی، علامہ منہاج الدین قادری، قاری ریاست علی چدھڑ، حاجی ریاض احمد سدیدی اور ڈاکٹر محمد رفیع کمبوہ نے تنظیمی اور تربیتی لیکچر دئیے۔
منہاج القرآن ضلع اوکاڑہ کی ایگزیکٹو کونسل کا اجلاس الصدیق ٹریڈز غلہ منڈی اوکاڑہ میں مرزا خالد محمود صدر تحریک منہاج القرآن ضلع اوکاڑہ کی زیرصدارت منعقد ہوا۔ اجلاس میں ضلعی ناظم اوکاڑہ فرید احمد نے لاشاریاں اور منڈی گوگیرہ سے اجلاس میں شرکت کرنے والے عہدیداروں کو خوش آمدید کہا۔
منہاج کی مرکزی نظامت تربیت کے زیراہتمام 26 ستمبر 2021ء کو منہاج ہسپتال پاکپتن شریف میں تنظیمی تربیتی ورکشاپ منعقد ہوئی، جس میں نائب ناظم اعلیٰ علامہ رانا محمد ادریس قادری، ناظم تربیت پروفیسر محمد سلیم چوہدری، علامہ غلام مرتضٰی علوی، علامہ منہاج الدین قادری، قاری ریاست علی چدھڑ، علامہ پیر سید ابوداؤد شاہ بخاری منہاجین نے تنظیمی اور تربیتی لیکچر دئیے۔
تحریک منہاج القرآن ضلع ساہیوال کی ایگزیکٹو کونسل کا اجلاس26 ستمبر 2021ء کو تاج محل ہال میں صدر تحریک منہاج القرآن ضلع ساہیوال مرزا اسلم سہیل کی زیرصدارت ہوا۔ اجلاس میں نائب ناظم اعلیٰ علامہ رانا محمد ادریس قادری نے شرکت کی۔
تحریک منہاج القرآن سرگودھا شرقی کا اجلاس منعقد ہوا، جس میں نائب ناظم اعلیٰ انجینئر رفیق نجم نے خصوصی شرکت کی۔ اس موقع پر اجلاس میں منہاج القرآن سرگودھا کے عہدیداروں نے اجلاس میں شرکت کی۔ اس موقع پر انجینئر رفیق نجم نے اجلاس میں منہاج القرآن سرگودھا اور متعلقہ تحصیلات کی کارکردگی کا جائزہ لیا۔
تحریک منہاج القرآن کی نظامت تربیت کے شعبہ کورسز کے زیرِاہتمام اور منہاج ویمن لیگ حیدرآباد کی کاوشوں سے حیدرآباد پریس کلب میں 10 روزہ ڈپلومہ اِن قرآن سٹڈیز جاری ہے۔ کورس میں علامہ محمود مسعود اور علامہ سرفراز قادری کے لیکچرز ہو رہے ہیں۔ منہاج القرآن ویمن لیگ کی مرکزی زونل نگران سندھ محترمہ عائشہ مبشر اور ڈائریکٹر الھدایہ محترمہ صائمہ نور نے خواتین شرکاء کو لیکچرز دیئے۔
تحریک منہاج القرآن کے بانی و سرپرست شیخ الاسلام ڈاکٹر محمد طاہرالقادری کی تصنیف ”حضور نبی اکرم ﷺ کا پیکرِ جمال“ آڈیو بک کی تقریب رونمائی مرکزی سیکرٹریٹ ماڈل ٹاؤن لاہور میں منعقد ہوئی۔ تقریب سے خطاب کرتے ہوئے شیخ الاسلام ڈاکٹر محمد طاہرالقادری نے کہا کہ تحریک منہاج القرآن نے دعوت دین کے لئے ہمیشہ جدید ذرائع ابلاغ کے استعمال کو ترجیح دی ہے۔ آڈیو بک اسی سلسلے کی ایک کاوش ہے۔ انہوں نے کہا کہ ہر کان تک مصطفوی تعلیمات کو پہنچانا ہمارا مشن ہے۔ انہوں نے کہا کہ نوجوانوں میں کتاب اور خطاب کے کلچر کو پروان چڑھانے کے لئے اپنا کردار ادا کر رہے ہیں۔ انہوں نے آڈیو بک کی تکمیل پر صفدر علی محسن جن کی آواز میں آڈیو بک تیار ہوئی ہے انہیں مبارکباد دی۔
4M
فیس بک
2M
ٹوٹر
© 1994 - 2025 Minhaj-ul-Quran International.
