سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
دارالعلوم فریدیہ قادریہ جھنگ میں شیخ الاسلام ڈاکٹر محمد طاہرالقادری کی سالگرہ کی تقریب منعقد ہوئی جس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری اور صاحبزادہ حماد مصطفیٰ المدنی القادری نے خصوصی شرکت کی۔ اس موقع پر چیئرمین سپریم کونسل نے شرکاء سے اظہار خیال بھی کیا۔
تحریک منہاج القرآن کے قائد شیخ الاسلام ڈاکٹر محمد طاہرالقادری نے ناظم منہاج القرآن انٹرنیشنل ساؤتھ افریقہ رانا آصف جمیل کے والد گرامی کے انتقال پر گہرے دکھ اور افسوس کا اظہار کرتے ہوئے مرحوم کے درجات کی بلندی اور لواحقین کیلئے صبر جمیل کی دعا کی ہے۔ رانا آصف جمیل کے نام اپنے تعزیتی پیغام میں ڈاکٹر محمد طاہرالقادری نے کہا کہ اللہ تعالیٰ مرحوم کو جوار رحمت میں جگہ دے اور جملہ پسماندگان کو یہ صدمہ برداشت کرنے کی ہمت، حوصلہ اور توفیق دے۔
سیمینار سے خطاب کرتے ہوئے چیئرمین سپریم کونسل ڈاکٹر حسن محی الدین قادری نے کہا کہ تحریک منہاج القرآن نے انتہاء پسندی کے خاتمے کیلئے گرانقدر علمی، تحقیقی خدمات انجام دیں ہیں اور فکری اعتبار سے منتشر امت کو قرآن و سنت کی تعلیمات کی روشنی میں متحد کرنے کیلئے عملی کاوشیں کیں ہیں۔ عقائد اسلامیہ کا تحفظ، علم و تحقیق کا فروغ اور اتحادِ امت تحریک منہاج القرآن کی شناخت ہے۔
شیخ الاسلام ڈاکٹر محمد طاہرالقادری کی 70ویں سالگرہ کی مناسبت سے 28 فروری 2021ء کو ایبٹ آباد پریس کلب میں پروقار تقریب کا انعقاد کیا گیا۔ تقریب کے مہمانِ خصوصی تحریک منہاج القرآن کے ناظم اعلیٰ خرم نواز گنڈا پور تھے، جبکہ دیگر مہمانوں میں تحریک منہاج القرآن ایبٹ آباد اور اس کے ذیلی فورمز کے عہدیداران و کارکنان سمیت صحافی تنظیموں کے ذمہ داران اور سماجی شخصیات نے بڑی تعداد میں شرکت کی۔
شیخ الاسلام ڈاکٹر محمد طاہرالقادری کی 70ویں سالگرہ کی مناسبت سے تحریک منہاج القرآن حیدرآباد کے زیراہتمام کراؤن ہوٹل لطیف آباد میں 2 مارچ 2021 کو ’شیخ الاسلام کانفرنس‘ کا انعقاد کیا گیا جس میں منہاج القرآن انٹرنیشنل کے صدر ڈاکٹر حسین محی الدین قادری نے خصوصی شرکت کی۔ کانفرنس سے خطاب کرتے ہوئے ڈاکٹر حسین محی الدین قادری نے کہا کہ پاکستان میں ہر نظام مفلوج ہو گیا ہے، ایک سوچے سمجھے منصوبے کے تحت پاکستانی قومیت اور ثقافت کے بارے بھی غلط فہمیاں پیدا کی جا رہی ہیں۔ جو کسی معاشرے پر ایسا وقت آ جائے تو وہ مردہ معاشرہ کہلاتا ہے۔ ایسے مردہ معاشرے میں روح پھونکنے کے لئے اللہ پاک مجدد بھیجتا ہے۔ ہم خوش نصيب ہیں کہ اللہ پاک نے ہمیں مجدد وقت شیخ الاسلام ڈاکٹر محمد طاہرالقادری کی صحبت اور سنگت نصیب کی ہے۔ ڈاکٹر حسین محی الدین قادری نے کانفرنس کے انعقاد پر تحریک منہاج القرآن سندھ کے عہدیداران و رفقاء اور منتظمین کو مبارکباد پیش کی۔
چئیرمین سپریم کونسل ڈاکٹر حسن محی الدین قادری نے فرید ملت ریسرچ انسٹی ٹیوٹ کے زیراہتمام قائد ڈے کے حوالے سے منعقدہ تقریب سے خطاب کرتے ہوئے کہا فی زمانہ منہاج القرآن نوجوانوں کی تعلیم اور اخلاقی تربیت کی سب سے بڑی اور بین الاقوامی اصلاحی تحریک ہے، منہاج القرآن نے امت مسلمہ کو تعلیم و تربیت کے مثالی ادارے دیے، منہاج القرآن علم و تحقیق اور بیدارئ شعور کی تحریک ہے انھوں نے کہا کہ شیخ الاسلام نے علم کے فروغ، عقائد صحیحہ کی ترویج و اشاعت اور متشدد رویوں کی بیخ کنی کے لیے 1000 سے زائد کتب تحریر و تالیف کیں، جن میں سے 600 سے زائد کتب شائع ہو چکی ہیں، یہ کتب اہل علم، لیکچررز، پروفیسرز، متلاشیان حق، اساتذہ، ریسرچرز اور طلباء و طالبات کی علمی تحقیقی راہنمائی کا ذریعہ ہیں۔
شیخ الاسلام ڈاکٹر محمد طاہرالقادری کی 70ویں سالگرہ کے موقع پر منہاج القرآن انٹرنیشنل جنوبی کوریا کے زیر اہتمام جنوبی کوریا کے مختلف شہروں میں تقریبات کا انعقاد کیا گیا جن میں انچھن سٹی،کمپو سٹی، جنوی (پیونتھک)، چھانگوان اور بوسان میں مختصر تقریبات کا انعقاد کیا گیا۔ تقریبات میں منہاج القرآن انٹرنیشنل جنوبی کوریا کے عہدیداران و کارکنان نے شرکت کی۔ سالگرہ کی ان تقریبات کا آغاز تلاوت قرآن پاک سے ہوا اور بارگاہِ رسالتمآب ﷺ میں درود و سلام اور گلہائے عقیدت پیش کیے گئے
صدر منہاج القرآن انٹرنیشنل ڈاکٹر حسین محی الدین قادری نے شاہ لطیف ٹاؤن کراچی میں نظام المدارس پاکستان کے دفتر کا افتتاح اپنے دست مبارک سے کیا۔ اس موقع پر گفتگو کرتے ہوئے ڈاکٹر حسین محی الدین قادری کا کہنا تھا کہ قرآن و سنت کی تعلیمات اتحاد و یگانگت، باہمی اخوت، تحمل و برداشت اور اعتدال و میانہ روی کا درس دیتی ہیں۔ اسلام ہر نوع کی انتہاپسندی، فرقہ واریت اور فتنہ و فساد کی نفی کرتا ہے۔ اسلام کی نظریاتی، اخلاقی اور فکری عمارت ’لا تفرقو‘ اور ’امۃ وسطا‘ کی بنیاد پر استوار ہوا ہے۔ اسلام کی اسی جامع فکر اور انسانیت نواز نظریات کو فروغ دینے اور دینی اور عصری تعلیمی، اخلاقی و روحانی اور تربیتی ضروریات کو پورا کرنے کیلئے ’نظام المدارس پاکستان‘ قائم کیا ہے۔
تحریک منہاج القرآن کے صدر ڈاکٹر حسین محی الدین قادری نے شاہ لطیف ٹاؤن، کراچی میں منہاج ویلفیئر فاؤنڈیشن کے زیراہتمام غرباء و مساکین کیلئے عوامی دسترخواں کا افتتاح کیا۔ اس موقع پر انچارج عوامی دسترخواں علامہ زاہد خان نے بریفنگ دیتے ہوئے بتایا کہ عوامی دسترخواں گزشتہ دو سالوں سے جاری ہے جہاں مستحق افراد کو کھانا باعزت طریقے سے فراہم کیا جاتا ہے۔ صدر منہاج القرآن نے عوامی دسترخواں کی انتظامیہ کو مبارکباد دی اور ان کیلئے خصوصی دعا بھی کی۔
منہاج یوتھ لیگ کراچی کے زیراہتمام 28 فروری 2021ء کو شیخ الاسلام ڈاکٹر محمد طاہرالقادری کی 70ویں سالگرہ کی مناسبت سے ’علم، تحقیق اور تجدید کا عہدِ بے مثال‘ کے عنوان سے کانفرنس کا انعقاد کیا گیا جس کی صدارت منہاج القرآن انٹرنیشنل کے صدر ڈاکٹر حسین محی الدین قادری نے کی۔ کانفرنس میں تحریک منہاج القرآن، منہاج یوتھ لیگ و جملہ فورمز کراچی کے ذمہ داران و کارکنان اور عوام الناس کی بڑی تعداد شریک تھی۔ کانفرنس میں آمد پر کارکنان نے ڈاکٹر حسین محی الدین قادری کا پرجوش نعروں سے استقبال کیا۔
ساؤتھ افریقہ کے لئے پاکستان کے نئے ہائی کمشنر جناب ڈاکٹر مظہر اقبال سے سابقہ منسٹر اینڈ ممبر آف پارلیمنٹ علامہ رفیق علی شاہ (امیر منہاج القرآن انٹرنیشنل ساؤتھ افریقہ)، علامہ طاہر رفیق نقشبندی (صدر منہاج القران نٹال) اور دیگر عہدیداران نے ملاقات کی۔ ملاقات میں ساؤتھ افریقہ میں منہاج القرآ ن کی خدمات کے بارے میں پاکستانی ہائی کمشنر کو تفصیلی بریفنگ دی گئی۔ اس موقع پر ساؤتھ افریقہ KZN کی ڈپٹی میئر ڈاکٹر فوزیہ پیر بھی موجود تھیں۔
شیخ الاسلام ڈاکٹر محمدطاہرالقادری کی 70ویں سالگرہ کے موقع پر منہاج القرآن انٹرنیشنل ہانگ کانگ کے زیراہتمام 28 فروری 2021ء کو دعائیہ تقریب کا انعقاد کیا گیا۔ تقریب میں محمد سکندر باچا، محمد نجیب، جاوید اقبال، طاہر محمود، علامہ حافظ محمد نسیم نقشبندی، علامہ ناصر جمال، علامہ قاری محمد عثمان الازہری اور منہاج القرآن انٹرنیشنل ہانگ کانگ کے عہدیداران اور رفقا سمیت مختلف شعبہ ہائے زندگی سے تعلق رکھنے شخصیات نے شرکت کی۔ تقریب کا آغاز تلاوت کلام پاک سے ہوا اور بارگاہِ رسالتمآب ﷺ میں درود و سلام اور نعت کا نذرانہ پیش کیا گیا۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے منہاج القرآن علماء کونسل لاہور کے زیراہتمام منعقدہ ''اتحاد امت و شیخ الاسلام کانفرنس'' سے خطاب کرتے ہوئے کہا کہ تحریک منہاج القرآن نے انتہاء پسندی کے خاتمے کیلئے گرانقدر علمی، تحقیقی خدمات انجام دیں، اور فکری اعتبار سے منتشر امت کو قرآن و سنت کی تعلیمات کی روشنی میں متحد کرنے کیلئے ہمیشہ عملی کاوشیں کی ہیں، عقائد اسلامیہ کا تحفظ، علم و تحقیق اور اتحاد امت منہاج القرآن کی شناخت ہے۔ شیخ الاسلام ڈاکٹر محمد طاہرالقادری نے 21 ویں صدی میں تکفیریت کو قرآن و سنت کی تعلیمات کی روشنی میں جڑ سے کاٹ کر نسلوں کے ایمان و عقائد کی حفاظت کی۔ شیخ الاسلام فی زمانہ فکر احناف کی سب سے معتبر اور توانا علمی آواز ہیں۔
منہاج القرآن انٹرنیشنل کے صدر ڈاکٹر حسین محی الدین قادری تنظیمی وزٹ پر کراچی پہنچ گئے، ائرپورٹ پر تحریک منہاج القرآن کے قائدین نے پرتپاک استقبال کیا۔ صدر منہاج القرآن انٹرنیشنل اپنے کراچی وزٹ کے دوران قائد ڈے کے سلسلہ میں منعقدہ تقریبات میں شرکت کریں گے، تحریک منہاج القرآن و جملہ فورمز کے قائدین و کارکنان سے ملاقاتیں، منہاج ایجوکیشن سوسائٹی کے زیرانتظام "سالانہ ایجوکیشنل اسمبلی" میں شرکت اور 2 مارچ کو حیدرآباد سندھ میں منعقدہ "شیخ الاسلام کانفرنس" میں بھی شرکت کریں گے۔
آغوش کمپلیکس کراچی کے زیراہتمام شیخ الاسلام ڈاکٹر محمد طاہرالقادری کی 70ویں سالگرہ کی مناسبت سے تقریب منعقد ہوئی جس میں صدر تحریک منہاج القرآن اور چیئرمین آغوش آرفن کیئر ہومز ڈاکٹر حسین محی الدین قادری نے شرکت کی اور خطاب بھی کیا۔ تقریب میں آغوش کمپلیکس کراچی کے اساتذہ، انتظامیہ اور منہاج القرآن و جملہ فورمز کراچی کے ذمہ داران شریک ہوئے۔ ڈاکٹر حسین محی الدین قادری نے آغوش میں زیرتعلیم بچوں کے ہمراہ شیخ الاسلام کی سالگرہ کا کیک کاٹا اور ان کی درازیٔ عمر کیلئے دعا کی۔
4M
فیس بک
2M
ٹوٹر
© 1994 - 2025 Minhaj-ul-Quran International.
