سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
اس موقع پر ماسٹر رفیق اعجاز، ملک ضیاء مچھوڑا، غلام حیدر سیال، اشیر حیدر، غلام مرتضی قادری، چوہدری شبیر دھامہ اور چوہدری محمد اسلم نے اپنے خیالات کا اظہار کرتے ہوئے کہا کہ 17 جون کو سانحہ ماڈل ٹاؤن لاہور میں بپا کی جانے والی دہشت گردی اور قتل وغارت گری کو کبھی بھلایا نہیں جا سکتا۔ ڈاکٹر محمد طاہرالقادری کی رہائش گاہ اور منہاج القرآن سیکرٹریٹ پر ہونے والا پولیس حملہ ریاستی دہشت گردی، قتل وغارت گری اور حکومتی بربریت وتشدّد کی بدترین مثال ہے
شہدائے ماڈل ٹاؤن کی سالانہ برسی اور احتجاجی اجتماع سے خطاب کرتے ہوئے ڈاکٹر طاہرالقادری نے کہا ہے کہ 24 گھنٹے کام کرنے اور جاگنے کا پروپیگنڈا کرنے والا وزیراعلیٰ 16 جون کی رات کو گہری نیند کیوں سو گیا؟ حکمران اپنی حرام کی دولت سے شہداء کا خون خریدنے گئے اور ان کے بچوں کے جوتے بھی نہ خرید سکے۔ جن کے ضمیر مردہ ہوں وہ تخت بچانے کیلئے ڈیلیں کرتے ہیں۔ ہمارے طرف سے ڈیل کرنے قبول کرنے اور تہمتیں لگانے والوں پر خدا کی لعنت ہو۔ ہمارے کارکن عشق مصطفی اور ایمان کی دولت سے مالا مال ہیں۔ اگر حکمرانوں کا دامن صاف ہے اور وہ سانحہ ماڈل ٹاؤن کی قتل وغارت گری کی منصوبہ بندی میں ملوث نہیں تو غیر جانبدار جے آئی ٹی کی تشکیل سے خوفزدہ کیوں ہیں اور جوڈیشل کمیشن کی رپورٹ شائع کیوں نہیں کرتے؟
حکومت بحرین کی بین المذاہب امن کانفرنس میں ڈائریکٹر منہاج القرآن فرانس علامہ حسن میر قادری کی سربراہی میں منہاج القرآن کے وفد نے شرکت کی۔ سربراہ کانفرنس الشیخ صلاح بن یوسف الجودر نے وفد کو خود خوش آمدید کہا۔ جنرل سیکرٹری پاکستان عوامی تحریک محمد نعیم چوہدری نے امن کانفرنس کے انعقاد کو خوش آئند قرار دیا اور مدعو کرنے پر منتظمین کا شکریہ ادا کیا۔
پاکستان عوامی تحریک فرانس اور یورپ کے صدر حاجی محمد اسلم چوہدری نے فرانس میں سانحہ ماڈل ٹاون پر جعلی JIT رپورٹ کے خلاف جاری دستخطی مہم پر اپنے دستخط کرتے ہوئے اسے یورپ تک پھیلانے کا عزم کیا۔ یاد رہے حاجی محمد اسلم چوہدری اپنے کزن کی وفات کے باعث پاکستان میں تھے۔ علاوہ ازیں صدر ویمن ونگ پاکستان عوامی تحریک اور معروف شاعرہ ثمن شاہ نے بھی دستخطی مہم میں حصہ لیا اور اسے یورپ تک پھیلانے کا اعادہ کیا۔
پاکستان عوامی تحریک جنوبی پنجاب کے تحت ضلع ڈیرہ غازی خان میں تنظیم نو کے حوالے سے اجلاس منعقد ہوا جس میں آرگنائزر جنوبی پنجاب چوہدری قمر عباس دھول اور ڈپٹی جنرل سیکرٹری جنوبی پنجاب راؤ وقار احمد نے خصوصی شرکت کی۔ اجلاس میں ضلع ڈیرہ غازی خان کی جملہ تحصیلات میں پاکستان عوامی تحریک کی تنظیم نو کے حوالے سے بھرپور مشاورت کی گئی اور منتخب عہدیداران کو ذمہ داریاں سونپی گئیں
ڈاکٹر محمد طاہرالقادری نے کہا ہے کہ ملک گیر احتجاجی ریلیوں سے قاتل جان گئے کہ قوم سانحہ ماڈل ٹاؤن کے ظلم کو نہیں بھولی اور نہ انصاف تک چین سے بیٹھے گی، انہوں نے کراچی، اسلام آباد، سکھر، ایبٹ آباد، ڈی آئی خان، گھوٹکی، حیدر آباد، لاڑکانہ، کوئٹہ اورسبی میں جے آئی ٹی کی رپورٹ کے خلاف اور شہدائے ماڈل ٹاؤن سے اظہار یکجہتی کیلئے نکالی جانے والی ریلیوں میں بھر پور شرکت کرنے پر کارکنوں و دیگر سیاسی جماعتوں اور سول سوسائٹی کے نمائندوں کا شکریہ ادا کیا۔ ڈاکٹر طاہرالقادری نے کہا کہ ماڈل ٹاؤن کے مجرم کتنے ہی طاقتور، کالے دھن والے اور مکار سہی مگر بے گناہ خون بہانے پر وہ اسی دنیا میں حساب دے کر رخصت ہونگے۔ گونگا، بہرہ اور بے حس نظام مظلوموں کی آواز نہیں سن رہا۔ تمام احتجاجی ریلیوں میں ڈاکٹر طاہرالقادری کا ریکارڈ شدہ پیغام سنایا گیا۔
مجلس شوری کے اجلاس سے ڈاکٹر حسن محی الدین قادری صدر سپریم کونسل نے ٹیلیفونک گفتگو کی اور تمام نو منتخب عہدیداران کو خصوصی مبارکباد دیتے ہوئے پیغام دیا کہ باہمہی اتفاق و محبت اور ایثار و قربانی کے جذبےسے مشن کے فروغ کے لیے محنت کریں۔ ان شاءاللہ روشن مستقبل آپ کا ہوگا۔ مجلس کا اختتام ڈاکٹر حسن محی الدین قادری کی دعا سے ہوا۔
ناہید مظہر نے تقریب سے خطاب کرتے ہوئے تعلیمِ قرآن کی فضیلت اور خواتین کے لیے قرآنی علوم سیکھنے کی اہمیت پر زور دیا۔ ان کا کہنا تھا کہ آج ہمارے معاشرہ کو تہذیبی جارحیت کے ذریعے اخلاقی زوال کی جانب دھکیلا جارہا ہے، اسے روکنے کے لیے قرآن کی راہنمائی ازحد ضروری ہے۔ جدیدیت کے اس دور میں اپنے بچوں اور نئی پود تک مبنی برکلامِ الٰہی دین پہنچانا پڑے گا، اور ہمیں خاص توجہ نوجوانان ملت پر دینی ہوگی۔
پاکستان عوامی تحریک اور منہاج القرآن ویمن لیگ کی طرف سے لبرٹی چوک میں شہدائے ماڈل ٹاؤن تنزیلہ امجد اور شازیہ مرتضیٰ کی یاد میں شمعیں روشن کی گئیں۔ اس موقع پر خواتین رہنماؤں کی طرف سے 17 جون کو ماڈل ٹاؤن میں خواتین کے منہ پر گولیاں مار کر انہیں شہید کرنے پر وزیراعلیٰ پنجاب، وزیر قانون رانا ثناء اللہ، آئی جی پنجاب، ڈی آئی جی آپریشن اور ماڈل ٹاؤن آپریشن میں حصہ لینے والی پولیس نفری کیلئے چوڑیوں کا انعام دیا گیا۔ خواتین نے قاتل حکومت نہ منظور، انصاف دو یا مار دو کے فلک شگاف نعرے لگائے۔
ڈاکٹر حسن محی الدین قادری نے کہا ہے کہ نام نہاد جے آئی ٹی کی رپورٹ بداعتمادی کا شکار ہے کیونکہ بدنام زمانہ رپورٹ آنے کے بعد بھی جے آئی ٹی کی جانب سے ہمارے چالیس افراد کو مختلف شہروں سے بذریعہ خط گواہی کے لئے طلب کیا گیا ہے، وہ بریڈ فورڈ میں منہاج القرآن برطانیہ کی تنظیم نو کی تقریب سے خطاب کر رہے تھے۔ ان کا کہنا تھا کہ منہاج القرآن کے کارکنوں نے قربانی کی جو مثال قائم کی ہے اس کو پاکستان کی تاریخ میں سنہری حروف میں لکھا جائے گا۔
فیاض وڑائچ نے کہا کہ موجودہ حکمران حق حکمرانی کھو چکے ہیں، یہ وہی حکمران ہیں جو دن دہاڑے پولیس کو ذاتی اور سیاسی مقاصد کے حصول کی غرض سے نہتے شہریوں کا قتل عام کرواتے اور بعدازاں عوامی خیر خواہی کے دعوے کرتے ہیں۔ حکمرانوں کی اولادیں بیرون ملک تعلیم حاصل کرتی ہیں اور وہیں بزنس ایمپائرز قائم کی ہوئی ہیں، حکمرانوں کے اثاثے، کاروبار اور عوام کے لوٹ مار کا سارا پیسہ باہر کے ملکوں میں منتقل کیے ہوئے ہیں جس سے پاکستان کو کسی قسم کا کوئی فائدہ نہیں۔
تحریک منہاج القرآن چک جھمرہ، فیصل آباد کے زیراہتمام ورکرز کنونشن کا انعقاد کیا گیا، جس میں تحریک منہاج القرآن کے مرکزی ناظم اعلیٰ تنظیمات شیخ زاہد فیاض نے خصوصی شرکت کی۔ کنونشن سے خطاب کرتے ہوئے شیخ زاہد فیاض نے کہا کہ حکمران صرف احتجاج کی زبان سمجھتے ہیں، شہدائے انقلاب کو انصاف دلوانے کیلئے قانون اور عوام کی عدالت میں جنگ لڑیں گے۔
اس موقع پر صدر مجلس احمد نواز انجم مرکزی نائب ناظم اعلیٰ نے جہلم کے عظیم کارکنان کی17 جون 2014ء سے لے کر دھرنے کے اختتام تک کی عظیم خدمات اور قربانیوں کو سراہا اور خراج عقیدت پیش کیا۔ اس کے ساتھ آئندہ کے لائحہ سے بھی کارکنان کو آگاہ کیا گیا۔ اس موقع پر تمام کارکنان کو صدر مجلس اور دیگر عہدیداران کے ہاتھوں سے اسناد تقسیم کی گئی۔ علاوہ ازیں منہاج القرآن ویمن لیگ تحصیل جہلم کی صدر صفیہ رفعت نے ویمن لیگ کی کارکردگی رپورٹ صدر مجلس کو پیش کی۔
منہاج القرآن ویمن لیگ تحصیل جہلم کی صدر صفیہ رفعت نے ویمن لیگ کی کارکردگی رپورٹ مرکزی نائب ناظمِ اعلیٰ احمد نواز انجم کو پیش کی جسے انہوں نے سراہا۔ اس موقع پر جدوجہدِ انقلاب اور انقلاب مارچ میں بہترین کاکردگی پر خواتین کارکنان میں اسناد اور شیلڈز تقسیم کی گئیں، اور آئندہ لائحہ عمل سے کارکنان کو آگاہ کیا گیا۔ صفیہ رفعت نے منہاج القرآن ویمن لیگ کی معاونت کرنے پر تمام فورمز کا شکریہ ادا کیا۔
محفل کا باقاعدہ آغاز قاری انصر علی قادری کی دلسوز اور دلکش آواز میں صحیفہ انقلاب کی آیات سے کیا، جس کے بعد آقا کریم صلی اللہ علیہ وآلہ وسلم کی بارگاہ میں منہاج سکول اوسلو کے ہونہار طالب علم یاسین سعید نے عقیدت کے پھول نچھاور کیے۔ اس موقع پر آقا کریم صلی اللہ علیہ وآلہ وسلم کی بارگاہ میں پاکستان QTV کے مشہورو معروف نعت خواں قاری انصر علی قادری نے اپنے مخصوص نہایت ہی پرسوز آواز میں نعت خوانی کی جس سے محفل میں ایک روحانی اور وجدانی کیفیت طاری ہوگی اور ہر آنکھ اشک بار ہوگی۔ علامہ محمد اقبال فانی ڈائریکٹر منہاج القرآن انٹرنیشنل ناروے نے اختیارات مصطفی صلی اللہ علیہ وآلہ وسلم پر خصوصی گفتگو فرمائی
4M
فیس بک
2M
ٹوٹر
© 1994 - 2025 Minhaj-ul-Quran International.
