سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
پاکستان عوامی تحریک کے تحت ملتان میں مہنگائی، بے روزگاری، دہشت گردی اور کرپشن کے خلاف احتجاجی مظاہرہ کیا گیا۔ مظاہرے میں ہزاروں خواتین و حضرات نے شرکت کی۔ اس موقع پر مہنگائی اور دہشت گردی کے خلاف نعرے بازی کی گئی۔ اس موقع پر سردار شاکر خان مزاری نے ریلی کے شرکاء سے خطاب کرتے ہوئے کہا کہ 60 ہزار لوگوں کا خون بہایا جا چکا ہے، جو لوگ شہید کئے گئے ان کا خون ناحق کیا گیا۔ مساجد، امام بارگاہوں، تعلیمی اداروں پر حملے کئے گئے، بچے، بوڑھے، خواتین کا ناحق خون بہایا گیا۔ پوری دنیا میں کہیں بھی ایسا قانون نظرنہیں آتا جس کے اندر قیدیوں کے ساتھ درندگی کا مظاہرہ کیا جائے اور ان کی گردنیں کاٹی جائیں۔
تحریک منہاج القرآن ضلع پاکپتن شریف کے زیراہتمام شیخ الاسلام ڈاکٹر محمد طاہر القادری کی 63 ویں سالگرہ کی پروقار تقریب کا انعقاد کیا گیا، جس کی صدارت سرپرست تحریک منہاج القرآن پاکپتن شریف رانا منظور علی وامیر تحریک منہاج القرآن ضلع پاکپتن شریف سید ابوداؤد شاہ نے کی۔ تقریب کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ اس موقع پر ضلع ناظم تحریک منہاج القرآن رانا غلام مصطفی فریدی، صدر پاکستان عوامی تحریک ڈسٹرکٹ پاکپتن میاں محمد شریف سسل، تحصیل صدر شیخ محمد اشرف حیدری نے شرکت کی۔
منہاج القرآن ویمن لیگ اسلام آباد کی صدر نصرت امین نے کہا کہ ہم سب مائیں، بہنیں، بیٹیاں اپنے قائد ڈاکٹر طاہرالقادری کے خواب کی تکمیل کے لئے برسرپیکار ہیں۔ ڈاکٹر طاہرالقادری پاکستان کو ترقی یافتہ ملک دیکھنا چاہتے ہیں اور وطن عزیز میں حقیقی تبدیلی کے خواہاں ہیں۔ وہ عوام کو کرپٹ نظام سے نجات دل اکر پاکستان کو حقیقی معنوں میں ایشاء کا ٹائیگر بنانا چاہتے ہیں۔ ان خیالات کا اظہار انہوں نے گزشتہ روز ڈاکٹر طاہرالقادری کے 63 ویں یوم پیدائش کے موقع پر ’’ڈاکٹر طاہرالقادری کا پاکستان‘‘ کے عنوان سے منعقدہ سیمینار سے خطاب کرتے ہوئے کیا۔
پاکستان عوامی تحریک کے قائد ڈاکٹر محمد طاہرالقادری کی 63 ویں سالگرہ سے خطاب کرتے ہوئے پاکستان عوامی تحریک کراچی کے صدر قیصراقبال قادری نے ڈویژنل سیکرٹریٹ میں منعقدہ تقریب سے خطاب کرتے ہوئے کہا کہ ڈاکٹر اقبال اور محمد علی جناح کے نظریات کو عملی جامہ پہنانے میں نوجوانوں کا کلیدی کردار تھا۔ نوجوانوں کے عزم مصمم کے آگے سامراج کی سازشیں ناکام ہوئیں اور پاکستان کا وجود ممکن ہو گیا۔ آج ریاست پاکستان کو بچانے کیلئے نوجوانوں کو استحصالی نظام سے آئینی حدود کے اندر رہ کر ٹکر لینا ہو گی۔
19 فروری قائد ڈے کے موقع پر منہاج القرآن ویمن لیگ تحصیل جہلم نے فاطمہ جناح گرلز کالج میں قائد محترم کے حوالہ سے کوئز پروگرام کا اہتمام کیا جس میں کالج کی طالبات نے چار گروپس (خدیجہ گروپ، عائشہ گروپ، فاطمہ گروپ اور مریم گروپ) کی صورت میں کوئز پروگرام میں حصہ لیا۔ طالبات کو تین چار دن پہلے اسلام، معلومات پاکستان، معلومات عامہ، تحریک منہاج القرآن اور شیخ الاسلام ڈاکٹر محمد طاہر القادری سے متعلق 300 سے اوپر سوالات تیاری کے لئے دئیے گئے۔ طالبات نے بھرپور تیاری کے ساتھ پروگرام میں حصہ لیا۔
منہاج ویلفیئر فاؤنڈیشن کے پراجیکٹ مینجر عدنان سہیل نے مورخہ 20 فروری 2014 کو آئرلینڈ کا تنظیمی وتحریکی دورہ کیا۔ عدنان سہیل اپنے ایک روزہ تنظیمی دورہ پر ڈبلن ایئرپورٹ پہنچے تو منہاج القرآن انٹرنیشنل آئرلینڈ کے صدرفرخ وسیم بٹ نے ان کا پرتپاک استقبال کیا
منہاج القرآن انٹرنیشنل جاپان اور مولود النبی صلی اللہ علیہ وآلہ وسلم کے زیر اہتمام مورخہ 20 فروری 2014 کو جامع مسجد غوثیہ یاشیو میں عظیم الشان محفل میلاد منعقد ہوئی، جس میں جاپان بھر کی مذہبی، سیاسی، سماجی جماعتوں کے نمائندگان کے علاوہ جاپان بھر سے عاشقان مصطفی صلی اللہ علیہ وآلہ وسلم نے جوق در جوق شرکت کی۔
منہاج اسلامک سنٹر بارسلونا میں سپانش زبان کی 16 ویں سہ ماہی کلاس کامیابی سے جاری ہے، گذشتہ سال 20 دسمبر کو شروع ہونے والی کلاس میں داخلہ کے لیے حسب معمول امیدوار طلباء کو داخلہ سے قبل کلاس کے قواعد و ضوابط سے آگاہ کیا گیا اور ان پر عمل درآمد کرسکنے والے 25 طلباء کو داخلہ دیا گیا۔
گوجرہ () مؤرخہ 19 فروری 2014ء تحریک منہاج القرآن گوجرہ کے زیر اہتمام قائد ڈے کے موقع پر کیک کاٹا گیا۔ اس موقع پر صدر تحریک منہاج القرآن گوجرہ سہیل شاہ اور تحصیل ناظم منہاج القرآن گوجرہ شاہد فاروق بھی موجود تھے۔
تحریک منہاج القرآن کھپرو سندھ کے زیراہتمام شیخ الاسلام ڈاکٹر محمد طاہر القادری کی 63 ویں سالگرہ کے موقع پر تقریب کا انعقاد کیا گیا جس میں لوگوں کی کثیر تعداد نے شرکت کی۔ تقریب کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ اس موقع پر تحریک منہاج القرآن کھپرو کے صدر سید زاہد علی شاہ، ناظم شوکت علی خان، مصطفوی سٹوڈنٹس موومنٹ کے صدر قائم خانی، ناظم محمد طیب قادری اور منہاج القرآن یوتھ لیگ کے صدر محمد عمیر مصطفوی نے شرکت کی۔
پاکستان عوامی تحریک کے قائد ڈاکٹر محمد طاہرالقادری کی 63ویں سالگرہ پاکستان سمیت دنیا کے پانچوں براعظموں میں انتہائی جوش و خروش کے ساتھ منائی گئی۔ یورپ، برطانیہ، خلیج، امریکہ، نارتھ امریکہ، افریقہ اور جنوبی ایشیا ء کے 100 سے زائد ممالک اورملک بھر میں یونین کونسل سطح تک تنظیمات نے تقریبات کا انعقاد کیا جس میں کارکنوں نے قائد ڈے کی تقریبات کے کیک کاٹے اندرون و بیرون ملک لاکھوں کارکنوں نے 19فروری کا آغاز دعائیہ محافل سے کیا شکرانے کے نوافل ادا کیے، صدقات دیے، ایک دوسرے کو تحائف دیے اور سا لگرہ کے کیک کاٹے، ای میلز اور موبائل پیغامات کے ذریعے مبارکباد دی۔
چکوال () عالم اسلام کی عظیم شخصیت شیخ الاسلام ڈاکٹر محمد طاہر القادری کی 63 ویں سالگرہ پوری دنیا کے ممالک سمیت پاکستان کے شہر چکوال میں بھی بڑی شان وشوکت سے منائی گئی اس مو قع پر چکوال شہر کی پانچوں یونین کونسلز میں الگ الگ تقریبات منعقد ہوئیں جن میں سالگرہ کا کیک کاٹا گیا اور شیخ الاسلام ڈاکٹر محمد طاہر القادری کی ملی اور دینی خدمات کوسراہا گیا اس مو قع پر سب سے بڑی تقریب پریس کلب چکوال میں منعقد ہوئی جس میں تحریک منہاج القرآن اور پاکستان عوامی تحریک کی ضلعی تنظیم کے علاوہ کارکنان نے شرکت کی اس موقع پر سینئر صحافیوں کے علاوہ پر یس کلب کے جنرل سیکرٹری خواجہ بابر سلیم بھی موجود تھے۔
منہاج القرآن انٹرنیشنل جاپان کے ڈائریکٹر علامہ محمد شکیل ثانی نے سالگرہ کی تقریب سے گفتگو کرتے ہوئے شیخ الاسلام ڈاکٹر محمد طاہر القادری کو ان کی 63 ویں سالگرہ پر مبارکباد پیش کی۔ انہوں نے کہا کہ آج کا دن دنیا بھر میں منہاج القرآن کے رفقا، اراکین ، وابستگان اور محبیبن کے لئے بہت اہم ہے کیونکہ اللہ رب العزت نے اس دور فتن میں ایک ایسے مرد مجاہد کو بھیجا جس نے اپنے آقاء کے خصوصی فیوضات سے اس ملک وقوم اور امت مسلمہ کی تقدیر بدلنے کا بیڑا اٹھایا ہے۔
پاکستان عوامی تحریک کے قائد ڈاکٹر محمد طاہرالقادری کی 63ویں سالگرہ کے موقع پر پاکستان میں بسنے والے غیر مسلم رہنماؤں کی جانب سے انہیں مبارکبادی پیغامات دئیے گئے۔ مرکزی سیکرٹریٹ میں سالگرہ کی تقریب میں مسیحی رہنماء ریورنڈ چمن سردار، ہندو رہنماء ڈاکٹر منوہر چاند، چیئرمین ہندو ویلفیئر کونسل سردار بشن سنگھ، چیئرمین بابا گرو نانک ویلفیئر فاؤنڈیشن سردار سر جیت سنگھ نے ڈائریکٹر انٹر فیتھ ریلیشنز تحریک منہاج القرآن سہیل احمد رضا کی دعوت پر خصوصی شرکت کی۔
تحریک منہاج القرآن گڑھاموڑ کے زیراہتمام سفیر امن کانفرنس منعقد ہوئی جس میں لوگوں کی کثیر تعداد نے شرکت کی۔ کانفرنس کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ اس موقع پر منہاج القرآن گڑھاموڑ کے صدر ظہور احمد سگو، ضلعی جنرل سیکرٹری اقبال شاہ، پاکستان عوامی تحریک کے صدر رائے ریاض احمد، عابد جٹ، منہاج القرآن یوتھ لیگ کے صدر مہر سجاد حسین لدھڑ اور مصطفوی سٹوڈنٹ موومنٹ کے صدر معین الدین جٹ نے شرکت کی۔
4M
فیس بک
2M
ٹوٹر
© 1994 - 2025 Minhaj-ul-Quran International.
