سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن ویمن لیگ اور مصطفوی سٹوڈنٹس موومنٹ سسٹرز کھڑی شریف کے زیراہتمام تین روزہ آئیں دین سیکھیں کورس کی اختتامی تقریب تحریک منہاج القرآن کھڑی شریف کے تحصیلی دفتر میں انعقاد پزیر ہوئی، جس میں خصوصی شرکت مرکزی کوآرڈینیٹر منہاج القرآن ویمن لیگ پاکستان اور معلمہ کورس محترمہ شمائلہ عباس، صدر منہاج القرآن ویمن لیگ دینہ محترمہ سلمہ شبیر اور علاقے کی موثر شخصیات نے کی۔
منہاج ویلفیئر فاؤنڈیشن کے تحت رحیم یار خان کے علاقے سنی پل، میانوالی قریشیاں اور منہاج القرآن اسلامک سنٹر میں واٹر پمپ انسٹال کیاگیا، جس کا افتتاح ضلعی صدر رحیم یار خان یوسف جمیل، ضلعی نائب صدر ڈاکٹر غلام حسین اور سٹی صدر غلام مصطفیٰ قادری نے کیا۔ اس موقع پر تحریک منہاج القرآن، منہاج ویلفیئر فاؤنڈیشن، منہاج القرآن یوتھ لیگ، مصطفوی سٹوڈنٹس موومنٹ کے عہدیداران اور کارکنان بھی موجود تھے۔
23 دسمبر کو شیخ الاسلام ڈاکٹر محمد طاہرالقادری کی پاکستان آمد کے حوالے سے تشہیری مہم جاری ہے، جس کے لیے تحریک منہاج القرآن راولپنڈی نے وسیع پیمانے پر تشہیری مواد کی پرنٹنگ کا کام کروایا ہے، جس کو علاقے بھر کے مشہور و معروف اور عوامی جگہوں پر آویزاں کیا جائے گا۔
تحریک منہاج القرآن پنجاب کے زیراہتمام پنجاب کوآرڈینیٹرز کا خصوصی اجلاس 29 نومبر 2012ء کو مرکزی سیکرٹریٹ میں ہوا۔ یہ اجلاس شیخ الاسلام ڈاکٹر محمد طاہرالقادری کے عوامی استقبال کی مہم کی تیاریوں کا جائزہ لینے کے حوالے سے منعقد تھا۔ اجلاس کی صدارت منہاج القرآن فیڈرل کونسل کے صدر ڈاکٹر حسین محی الدین قادری نے کی۔ ناظم اعلیٰ ڈاکٹر رحیق احمد عباسی، سینئر نائب ناظم اعلیٰ شیخ زاہد فیاض اور ناظم منہاج القرآن پنجاب علامہ احمد نواز انجم نے اجلاس میں خصوصی شرکت کی۔
نائب امیر تحریک منہاج القرآن علامہ محمد صادق قریشی نے کہا کہ یزیدنے اسلام کی تعلیمات کو مسخ کرنے کی کوشش کی جو امام حسین علیہ السلام کو گوارہ نہ ہوا اور انہوں نے اپنے خاندان کی قربانی دے کر اسلام کو ہمیشہ کیلئے زندہ کردیا۔ انہوں نے کہا کہ حضرت امام حسین کے عمل سے صبر و رضا، استقامت اور قربانی کے عظیم رویوں نے جنم لیا اور آج ساری انسانیت ان مثبت رویوں سے فیضیاب ہورہی ہے۔ حضرت امام حسین علیہ السلام آج غیر مسلموں کیلئے بھی اتنے ہی معزز ہیں جتنے مسلمانوں کیلئے، ایسا اس لیے ہے کہ انہوں نے اپنے عمل سے انسانیت کا سر فخر سے بلند کردیا۔
ڈاکٹر اقبال رحمۃ اللہ علیہ نے مغربی جمہوریت کے مقابل اسلام کا حقیقی تصور جمہوریت دیا۔ پاکستان میں جمہوریت کی موجودہ شکل ڈاکٹر اقبال رحمۃ اللہ علیہ کے تصور جمہوریت سے متصادم ہے۔ اس لئے ہمارا معاشرہ تنزلی کی بدترین تصویر پیش کر رہا ہے۔ ڈاکٹر اقبال رحمۃ اللہ علیہ کا تصور جمہوریت یہ ہے کہ ملک کے غریب عوام امیروں پر ٹیکس لگائیں۔ اقبال ایسی سیاست کے قائل تھے جو ریاست کو استحکام اور عوام کو خوشحالی دے۔ موجودہ نظام انتخاب مستقبل کے اقبال و جناح کو دفن کئے جا رہا ہے اور یہ نظام شیطانی جمہوری ہے جس کے خلاف ڈاکٹر طاہر القادری نے موثر آواز بلند کر دی ہے۔
حضرت صاحبزادہ حکیم عبدالحی جو گزشتہ روز علالت کے بعد رضائے الہی سے انتقال فرما گئے تھے ان کا نماز جنازہ مورخہ 27 نومبر بروز منگل بمطابق 12 محرم الحرام صبح 10 بجے گراؤنڈ علامہ اقبال کالج، خادم علی روڈ میں ادا کیا گیا۔
مصطفوی سٹوڈنٹس موومنٹ کے زیراہتمام جاگو لاہور مہم ایام عاشورہ کے بعد دوبارہ شروع کر دی گئی ہے، ماڈل ٹاؤن لنک روڈ پر 28 نومبر 2012ء کو سینکڑوں طلبہ نے بیداری شعور کا پیغام دیا اور عوام الناس کو بتایا کہ جب تک یہ نظام نہیں بدلو گے تبدیلی نہیں آئے گی، نظام بدلنے کیلئے 23 دسمبر کو مینار پاکستان آئیں، طلبہ کی قیادت نائب صدر ایم ایس ایم انجینئر محمد حنیف مصطفوی، سیکرٹری انفارمیشن ایم ایس ایم رضی طاہر، صدر بزم منہاج سیشن 12-2011 راجہ محمد اویس منصف اور اسسٹنٹ ڈائریکٹر منہاج سپورٹس ڈیپارٹمنٹ چوہدری منیر حسین نے کی۔
اجلاس سے ٹیلی فونک خطاب کرتے ہوئے صدر فیڈرل کونسل منہاج القرآن انٹرنیشنل ڈاکٹر حسین محی الدین قادری نے کہا کہ ضرورت اس امر کی ہے کہ ہم اس وقت کی اہمیت کا احساس کرتے ہوئے شیخ الاسلام ڈاکٹر محمد طاہرالقادری کی آواز پر لبیک کہیں اور 23 دسمبر کو ان کی پاکستان آمد کے موقع پر ’سیاست نہیں ریاست بچاؤ‘ ایجنڈے کی خاطر مینار پاکستان پر لوگوں کا جم غفیر اکٹھا کر دیں۔ منہاجینز مصطفوی مشن کا ہراول دستہ ہیں، لہذا پاکستان میں رائج بدترین نظام کو جڑ سے اکھاڑنے کے لیے منہاجینز کو اپنا کردار ادا کرنا ہوگا۔
صدر فیڈرل کونسل منہاج القرآن انٹرنیشنل ڈاکٹر حسین محی الدین قادری نے خطاب کرتے ہوئے کہا کہ شیخ الاسلام ڈاکٹر محمد طاہرالقادری کی ولولہ انگیز قیادت میں وطن عزیز میں تبدیلی جلد آئیگی جو پاکستان کو ایشیاء کا باوقار اور خوشحال ملک بنا دے گی۔ انہوں نے کہا کہ تبدیلی وقت کی ضرورت بن چکی ہے، مینارِ پاکستان پر ہونیوالے تاریخی اجتماع میں لاکھوں محبِ وطن پاکستانی ملک سے کرپشن کے محافظ مقتدر طبقے کے خاتمے کا عہد کریں گے۔ موجودہ انتخابی نظام سے سوسال تک بھی کوئی تبدیلی نہیں آئیگی۔ تبدیلی کیلئے موجودہ انتخابی نظام کے خلاف بغاوت کرنا ہوگی۔
مسلم سنٹرلورن سکوج (ناروے) کے زیر اہتمام مورخہ 28 نومبر2012ء کو شہادت امام حسین رضی اللہ عنہ کا سالانہ جلسہ منعقد ہوا جس میں قرب وجوار سے بڑی تعداد نے شرکت کی۔ جلسہ کے مہمان خصوصی منہاج القرآن علماء کونسل پاکستان کے جنرل سیکرٹری اور معرووف عالم دین علامہ سید فرحت حسین شاہ جو ان دنوں غوثیہ مسلم سوسائٹی کی دعوت پر ناروے کے دورہ پر ہیں۔
جمہوریہ ترکی کا تین رکنی وفد نے دورہ پاکستان میں 28 نومبر 2012ء کو تحریک منہاج القرآن کے مرکزی سیکرٹریٹ کا دورہ کیا۔ اس وفد کی قیادت ڈاکٹر صالح یوسل نے کی۔ مرکزی سیکرٹریٹ آمد پر تحریک منہاج القرآن کے قائدین نے معزز مہمانوں کا استقبال کیا۔
مورخہ 27 نومبر 2012ء کو تحریک منہاج القرآن، مصطفوی سٹوڈنٹس موومنٹ اور منہاج القرآن یوتھ لیگ تحصیل گوجر خان کے زیراہتمام گزشتہ سالوں کی طرح اس سال بھی 10 محرم الحرام کو پورا دن جی ٹی روڈ مین چوک گوجرخان میں شہداء کربلا کی یاد میں دودھ کی سبیل لگائی گئی۔ جس میں کثیر تعداد میں لوگوں کو اس سبیل سے دودھ اور مشروب پلایا گیا۔ دن بھر ساؤنڈ سسٹم پر شیخ الاسلام ڈاکٹر محمد طاہرالقادری کے خطابات اور نعت و منقبت سنائی جاتی رہی۔
منہاج القرآن اوسلو (ناروے) کے مرکزی رہنماچودھری مشتاق احمد برنالی نے مورخہ 27 نومبر 2012ء کو منہاج القرآن علماء کونسل کے سیکرٹری جنرل علامہ سید فرحت حسین شاہ کے اعزازمیں پرتکلف عشائیہ دیا، جس میں معززین اوسلو نے شرکت کی۔
25 نومبر 2012ء کو تین ہزار بھارتی سکھ یاتری واہگہ بارڈر کے راستے بذریعہ خصوصی ٹرین واہگہ ریلوے سٹیشن پہنچے۔ جہاں پر متروکہ وقف املاک بورڈ حکومت پاکستان کے ممبر سہیل احمد رضا، ایڈیشنل سیکرٹری شرائنز سید زاہد بخاری، ڈپٹی سیکرٹری فراز عباس، اظہر نذیر سلہری، پاکستان سکھ گورد وارہ ہربندھک کمیٹی کے صدر سردار شام سنگھ، سردار بشن سنگھ، ڈاکٹر سردار سورن سنگھ، پاکستان رینجرز پولیس اور دیگر سیکیورٹی اداروں کے اعلٰی افسران نے ان کا استقبال کیا۔
4M
فیس بک
2M
ٹوٹر
© 1994 - 2025 Minhaj-ul-Quran International.
