سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
شیخ الاسلام نے کہا کہ میں کسی کی ا یماء پر نظام کے خلاف بغاوت کی بات نہیں کر رہا۔ بلکہ اپنی ملی و دینی فریضہ سر انجام دے رہا ہوں۔ آج اس نظام نے عوام سے دو وقت کا نوالہ چھین لیا۔ عوام سے ان کی خود مختاری چھین لی، عوام سے ان کی سالمیت چھین لی، عوام کو نظام نے مفلوج بنا کر رکھ دیا۔ حقیقی تبدیلی اس موجودہ انتخابی نظام کے ذریعے ممکن نہیں۔ یہ نظام غریبوں اور عوام کا نظام نہیں بلکہ یہ اشرافیہ کا غلام نظام ہے۔ جس نے ملک کے اٹھارہ کروڑ عوام کو بھی غلامی کی زنجیروں میں جکڑ رکھا ہے۔
اجتماع میں شرکت کے لیے تحصیل افضل پور ضلع میرپور آزاد کشمیر سے 8 ہائی ایس گاڑیوں نے شرکت کی۔ قافلہ صدر تحصیل تحریک منہاج القرآن شاہد محمود قادری، عبدالرب جان کوآرڈینیٹر منہاج القرآن یوتھ لیگ آزاد جموں کشمیر، محسن فراز صدر منہاج القرآن یوتھ لیگ تحصیل افضل پور، صدر ایم ایس ایم افضل پور اور صدر ایم ایس ایم منگلا کی قیادت میں لیاقت باغ راوالپنڈی پہنچا۔
منہاج پیس اینڈ انٹی گریشن یونان کے زیراہتمام مورخہ 18 دسمبر 2011ء کو منہاج القرآن کمیونٹی سنٹر ریندی میں منہاج پیس اینڈ انٹی گریشن یونان نے اپنی روایات کو قائم رکھتے ہوئے کرسمس سیمینار کا انعقاد کیا۔ منہاج پیس اینڈ انٹی گریشن کے زیراہتمام کرسمس کا یہ تیسرا سیمینار تھا، سیمینار میں پاکستانی کمیونٹی، بزنس کمیونٹی اور پرنٹ و الیکٹرانک میڈیا نے شرکت کی۔
ملک و قوم کا اصل دشمن استحصالی اور غریب کش نظام ہے عوام اسے سمندر برد کرنے کیلئے سڑکوں پر نکل آئیں۔ 18 دسمبر کو لیاقت باغ راولپنڈی میں ہونے والی بیداری شعور عوامی ریلی میں لاکھوں افراد شرکت کریں گے اور یہ ریلی سیاست میں نئے رجحان کو جنم دے گی۔ پاکستان عوامی تحریک عوام کو ان کے اصل دشمن کی پہچان کرائے گی جو ملک کی ترقی اور عوام کی خوشحالی کی راہ میں بڑی رکاوٹ ہے۔
منہاج القرآن انٹرنیشنل جاپان کے زیراہتمام مورخہ 17 دسمبر 2011ء بروز ہفتہ بعد نماز عشاء مرکز منہاج القرآن جامع مسجد المصطفی باندوسٹی اباراکی کین میں عظیم الشان شہادت امام حسین رضی اللہ عنہ کانفرنس منعقد ہوئی جس میں جاپان بھر سے مسلمانوں کی ایک کثیر تعداد نے شرکت کی۔
تحریک منہاج القرآن اور مصطفوی سٹودنٹس موومنٹ کھوئی رٹہ آزاد کشمیر کے زیراہتمام 16 دسمبر 2011ء کو بیداری شعور کے حوالے سے عوامی ریلی کا انعقاد کیا گیا۔ جس میں عوام الناس کو تحریک منہاج القرآن انٹرنشنل کے زیر اہتمام منعقدہ پروگرام "بیداری شعور" لیاقت باغ راولپنڈی کے اغراض و مقاصد سے آگاہ کیا گیا۔
تحریک منہاج القرآن اور مصطفوی سٹودنٹس موومنٹ کھوئیرٹہ کے زیراہتمام 16 دسمبر 2011ء کو کھوئیرٹہ شہر میں بیداری شعور عوامی ریلی منعقدہ لیاقت باغ روالپنڈی کے سلسلہ میں اور عوام الناس میں ملکی موجودہ بدترین صورتحال، کرپٹ اور فرسودہ انتخابی نظام کے خلاف شعور بیدار کرنے کے لیے ایک فری لٹریچر سٹال کا اہتمام کیا گیا۔
منہاج القرآن یوتھ لیگ راولپنڈی کے زیر اہتمام 18 دسمبر کو لیاقت باغ میں ہونے والی بیداری شعور عوامی ریلی کے سلسلہ میں 16 دسمبر کو ریلی نکالی گئی جس کی قیادت مرکزی صدر تحریک منہاج یوتھ لیگ بابر علی چوہدری کر رہے تھے۔
15 دسمبر 2011ء کو منہاج سنٹر ویانا میں منہاج لائبریری کا قیام عمل میں لایا گیا۔ منہاج لائبریری میں منہاج القرآن انٹرنیشنل کے سرپرست اعلیٰ شیخ الاسلام ڈاکٹر محمد طاہر القادری کے خطابات، کتب اور قرآن مجید کا عام فہم اور جدید ترجمہ (عرفان القرآن) اور منہاج القرآن کے علمی و تحقیقی جرائد و ماہوار مجلاجات لائبریری میں رکھے گئے ہیں۔
منہاج القرآن فرانس کے ابتدائی ساتھی اور سابقہ صدر پاکستان عوامی تحریک طارق چودھری نے منہاج القرآن پنجاب (پاکستان) کے نائب ناظم رانا فیصل علی قادری کے اعزاز میں گرینڈ ڈنر کا اہتمام کیا۔ پیرس کے نوح لابرجے میں عشائیہ کی تقریب میں مشن کے تمام متحرک ساتھیوں کو بھی مدعو کیا گیا تھا۔
منہاج القرآن انٹرنیشنل بنگلہ دیش کے سرپرست اور انڈیا، بنگلہ دیش، سری لنکا، میانمار پر مشتمل براعظمی کونسل کے صدر صوفی میزان الرحمان مورخہ 14 دسمبر 2011ء بروز بدھ کو مرکزی سیکرٹریٹ منہاج القرآن پاکستان کے وزٹ کے لئے علامہ اقبال انٹرنیشنل ایئر پورٹ پہنچے جہاں راجہ جمیل اجمل (ناظم امور خارجہ ) نے ان کا استقبال کیا اورانہیں مرکزی سیکرٹریٹ لے کر آئے۔
واگ پاکستان برانچ کے زیراہتمام جدید دورِ تعلیم کے تقاضوں اور معاشرے میں لوگوں کی قائدانہ نشوونما لیے لیڈر شپ چیلنجز اور تعمیر شخصیت کے موضوع پر دسمبر 2012ء میں دو روزہ تربیتی ورکشاپ کا انعقاد کیا گیا۔ تقریب میں مختلف شعبہ ہاے زندگی سے تعلق رکھنے والے افراد نے کثیر تعدادمیں شرکت کی۔ اس ورکشاپ میں ماہر اساتذہ حسنین جاوید اور باسط رحمان نے جدید انداز میں لیکچرز دیے۔
ملک بچانے کیلئے قوم انتخابی نظام کے خلاف بغاوت کر دے، تبدیلی نہ تو فوج کے ذریعے آئے گی اور نہ موجود ہ انتخابی نظام سے، تبدیلی نظام سے بغاوت کرنے سے آئے گی۔ موجودہ انتخابی کے تحت منتخب ہونیوالوں نے اس قوم کو خودکشیاں، بیروزگاری اور ملک و قوم کے وقار کی بربادی کے سوا کچھ نہیں دیا۔ ان خیالات کا اظہار شیخ الاسلام ڈاکٹر محمد طاہر القادری نے مرکزی سیکر ٹریٹ ماڈل ٹاؤن میں منعقدہ سیمینار بعنوان’’ کیا نظام انتخاب تبدیلی کی راہ میں رکاوٹ ہے‘‘ میں اپنے پیغام کے دوران کیا۔
منہاج القرآن انٹرنیشنل سویڈن کے جنرل سیکرٹری امجد محمود نے مورخہ 13 دسمبر2011ء بروز منگل کو اپنی فیملی کے ہمراہ مرکزی سیکرٹریٹ کاوزٹ کیا۔
تحریک منہاج القرآن کے سلسلہ وار 83 ویں درس عرفان القرآن میں پیغام حسین رضی اللہ عنہ دیتے ہوئے شیخ الاسلام ڈاکٹر محمد طاہر القادری کے شاگرد رشید علامہ فیاض بشیر قادری نے کہا کہ روئے زمین پر تحریک منہاج القرآن اس وقت پیغام حسین رضی اللہ عنہ کو لیکر سوئے کربلا چل پڑے ہے۔ محمد عربی صلی اللہ علیہ وآلہ وسلم کے دین سے منہ موڑ کر انسانیت پر عرصہ حیات کو تنگ کرنے والے بدمعاش حکمرانوں کو ووٹ دینا اب گناہ کبیرہ بن چکا ہے۔
4M
فیس بک
2M
ٹوٹر
© 1994 - 2025 Minhaj-ul-Quran International.
