سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل کے زیراہتمام منہاج القرآن ایجوکیشنل اینڈ کلچرل سینٹر نیو جرسی میں ماہانہ حلقہِ درود و فکر اور محفل ذکرکا انعقاد کیا گیا۔ مجلس کا آغاز نماز عشاء کے فوری بعد کیا گیا۔ پروگرام کا شیڈول بتاتے ہوئے ڈائریکٹر منہاج القرآن سینٹر نیو جرسی علامہ محمد شریف کمالوی نے کہا کہ جس طرح دنیا بھر میں منہاج القرآن انٹرنیشنل کے زیراہتمام حلقات درود و فکر منعقد کیے جا رہے ہیں یہ مجلس بھی اسی کی ایک کڑی ہے۔
عبدالستار منہاجین نے سوشل میڈیا کے مختلف پہلوؤں پر روشنی ڈالی اور کہا کہ انٹرنیٹ اب ایک ضرورت بن چکا ہے اور اس کا استعمال بھی دیگر شعبوں کی طرح مثبت اور منفی ہو رہا ہے۔ ہم اس میڈیم کو بطور تبلیغ دین بھی استعمال کر سکتے ہیں جس کیلئے ہمیں اپنی صلاحیتیں بروئے کار لانا پڑیں گی۔ انہوں نے کہا کہ اچھا کارکن ہمیشہ اپنے لیڈر کا آئینہ دار ہوتا ہے، لہٰذا سوشل میڈیا پر کام کے دوران ہمارا کردار ویسا ہی ہونا چاہیئے جس کی تعلیم ہمیشہ شیخ الاسلام ڈاکٹر محمد طاہرالقادری نے ہمیں دی ہے۔
منہاج القرآن ویمن لیگ ڈنمارک کے زیر اہتمام مورخہ 04 مئی 2014 کو سالانہ معراج النبی صلی اللہ علیہ وآلہ وسلم کانفرنس منعقد ہوئی جس میں خواتین اور یوتھ کی کثیر تعداد نے شرکت کی۔نقابت کے فرائض یوتھ لیگ کی صدر طیبہ کوثر نے احسن طورپر سرانجام دیئے۔
منہاج القرآن ویمن لیگ گوجرہ کے زیراہتمام منہاج القرآن گوجرہ کے تحصیلی آفس میں بیدارئ شعور ورکرز کنونشن کا انعقاد کیا گیا جس میں خصوصی شرکت صدر تحریک منہاج القرآن گوجرہ سید سہیل احمد شاہ گیلانی نے کی۔ کنونشن کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے کیا گیا۔ اس موقع پر کوآرڈینیٹر ویمن لیگ گوجرہ جناب اللہ رکھانے بھی شرکت کی۔ کنونشن میں بذریعہ پراجیکٹر شیخ الاسلام ڈاکٹر طاہر القادری کا بیدارئ شعور سے متعلق خطاب سنایا گیا۔ کنونشن کا اختتام دعائیہ کلمات سے ہوا۔
مصطفوی سٹوڈنٹس موومنٹ ساہیوال ضلع سرگودھا کے زیراہتمام طلبہ کنونشن منعقد کیا گیا جس کے مہمان خصوصی نائب صدر ایم ایس ایم پاکستان رضی طاہر تھے۔ اس موقع پر احسن ضلعی کوآرڈینیٹر ایم ایس ایم، انصاف سٹوڈنٹس فیڈریشن اور امامیہ سٹوڈنٹس فیڈریشن کے مقامی راہنما بھی شریک تھے۔ کنونشن سے خطاب کرتے ہوئے رضی طاہر نائب صدر مصطفوی سٹوڈنٹس موومنٹ نے خطاب کرتے ہوئے کہا کہ ہم اپنی انقلابی مہم کے فائنل راؤنڈ کی طرف بڑھ رہے ہیں۔
مورخہ 3 مئی 2014ء کو پاکستان عوامی تحریک کے زیراہتمام شریف پورہ ملتان میں ایک روزہ فری میڈیکل کیمپ کا انعقاد کیا گیا، جس میں معدہ، جگر، ہیپاٹائیٹس اور شوگر کے مریضوں کا مفت معائنہ کیا گیا۔ کیمپ کے آغاز سے اختتام تک مریضوں کا تانتا بندھا رہا۔ مریضوں میں مفت معائنہ اور مفید مشوروں کے علاوہ ادویات بھی مفت تقسیم کی گئیں۔ اس کیمپ کیلئے پاکستان کے مایہ ناز سپیشلسٹ ڈاکٹر زبیر اے خان (آرگنائزر پاکستان عوامی تحریک ملتان ڈویژن) نے خصوصی تعاون کیا اور اپنے قیمتی وقت میں سے وقت نکال کر کیمپ میں شرکت کی۔
جامع مسجد علی رضی اللہ عنہ و مرکز منہاج القرآن کپسیلی میں عظیم الشان محفل عظمت ابوبکر صدیق رضی اللہ عنہ منعقد کی گئی۔ جامع مسجد علی رضی اللہ عنہ و مرکز منہاج القرآن کپسیلی میں 26 اپریل بروز ہفتہ بعد نماز عصر عظیم الشان محفل عظمت ابوبکر صدیق رضی اللہ عنہ منعقد کی گئی۔ محفل میں ایتھنز بھر سے کثیر تعداد میں عاشقان مصطفی صلی اللہ علیہ وآلہ وسلم نے شرکت کی۔ محفل کا باقاعدہ آغاز تلاوت قرآن پاک سے کیا جس کی سعادت حافظ ساجد محمود نے حاصل کی۔
منہاج القرآن اسلامک سنیٹر کھوائی چنگ میں دو حفاظ کرام کی دستار بندی کے سلسلے میں ایک خوبصورت تقریب منعقد ہوئی۔ حافظ محمد عمران اور عابد محمود نے منہاج القرآن اسلامک سینٹر میں قرآن مجید حفظ کیا۔ دونوں حفاظ کرام کی دستاربندی کی گئی اور انہیں تحائف پیش کیے گئے۔ تقریب کا آغاز حافظ محمد عمران نے تلاوت کلام پاک سے کیا۔ ارشد محمود، قاری قدرت اللہ سلطانی اور حافظ تنویر حسین شاہ نے نعت رسول صلی اللہ علیہ وآلہ وسلم کی سعادت حاصل کی۔
پاکستان عوامی تحریک خیبر پختونخواہ کے صوبائی صدر خالد محمود خان درانی نے خیبر پختونخواہ کے مختلف اضلاع کوہاٹ اور لکی مروت کا دورہ کیا اور وہاں کی اہم سیاسی اور سماجی شخصیات سے ملاقات کی۔ دوران ملاقات انہوں نے 11 مئی کے عوامی احتجاج میں شرکت کی دعوت دی جس پر احباب کی طرف سے مکمل حمایت کی یقین دہانی کی گئی۔ علاوہ ازیں لکی مروت میں تحریک کے مختلف فورم سے آنے والے نوجوان، طلباء اور علماء سے خطاب کیا اور ان کو 11 مئی کے حوالے سے مکمل بریفینگ دی۔
ایم ایس ایم سسٹرز کے زیراہتمام سٹوڈنٹس کنونشن مرکزی سیکرٹریٹ کے صفہ ہال میں منعقد ہوا جس میں لاہور بھر سے کثیر تعداد میں طالبات نے شرکت کی۔ محترمہ ثناء وحید نے کنونشن سے خطاب کرتے ہوئے کہا کہ جیسے قیام پاکستان کے وقت علی گڑھ کے طلبہ نے اپنا کردار ادا کیا تھا اب پاکستان بچانے کے لیے بھی سٹوڈنٹس کو اپنی صلاحیتوں کا استعمال کرتے ہوئے بھرپور کردار ادا کرنا ہو گا۔
منہاج القرآن ویمن لیگ کی مرکزی نائب ناظمہ تنظیمات ہما وحید اور ناظمہ ایم ایس ایم حنا امین نے صدر ویمن لیگ جہلم صفیہ رفعت کے ساتھ جہلم کا ایک روزہ دورہ کیا جس میں انہوں نے فاطمہ جناح گرلز کالج کے سٹاف کے ساتھ میٹنگ کا انعقاد کیا اور 11 مئی کے مظاہرہ میں شرکت کی دعوت دی۔ مرکزی ناظمہ ایم ایس ایم نے کالج کی طالبات کو بریفیگ دیتے ہوئے کہا کہ طالبات نئی نسل کی تعلیم و تربیت کے لیے علم کے دامن کو تھامے رکھیں اور تعلیم کے زیور سے اپنے آپ کو آراستہ کریں۔ اس موقع پر طالبات نے ایم ایس ایم میں شمولیت کا اعلان بھی کیا۔
ڈاکٹر طاہرالقادری نے کہا ہے کہ ڈی چوک کا دھرنا انقلاب کی اذان تھی۔ 11 مئی کو ملک گیر احتجاج کے ذریعے جماعت انقلاب کی اقامت ہو گی۔ اقامت اور جماعت کے درمیان زیادہ وقت نہیں ہوتا اس لئے صف بندی کے بعد جلد جماعت کھڑی ہو جائے گی۔ جماعت انقلاب کے قیام کے بعد مذاکرات نہیں ہونگے۔ سیاسی دہشت گردوں اور ریاستی ڈاکوؤں سے اقتدار لے کر پر امن طریقے سے عوام کو منتقل کر دیا جائیگا۔
اجلاس سے خطاب کرتے ہو ئے نائب ناظم اعلیٰ تحریک منہاج القرآن احمد نواز انجم نے11 مئی کوپاکستان بھرمیں ہونے والی پاکستان عوامی تحریک کے زیر اہتمام ہونے والی احتجاجی ریلی کے حوالے سے خصو صی بریفینگ دی۔ انہوں نے 11 مئی کے حوالے سے ضلع کو ٹلی کی تمام تحصیلات کو یونین کونسلز لیول تک ٹارگٹس دیتے ہوئے کہا 11 مئی کی پرامن احتجاجی ریلی انقلاب کا نقطہ آغاز ہو گی۔
منہاج القرآن انٹرنیشنل کے زیراہتمام منہاج القرآن ایجوکیشنل اینڈ کلچرل سینٹر نیو جرسی میں بچوں کے لیے اسلامک لرننگ کورسز کا آغاز فروری 2014 سے کیا گیا۔ ان کورسز کو سنڈے سکول کے نام سے موسوم کیا گیا ہے۔ اسی سلسلے کی پہلی کلاس کا انعقاد کیا گیا جس میں بچوں کو تجوید، قرآن، ترجمہ قرآن، بنیادی فقہی مسائل، نماز، ترجمہ نماز اور تاریخ اسلام کا منتخب نصاب پڑھایا گیا۔ اس کورس میں تدریس کے فرائض ڈائریکٹر منہاج القرآن نیو جرسی سنٹر علامہ محمد شریف کمالوی، شرجیل احمد، جاسمین امجد اور ماریہ فاطمہ نے سر انجام دیے۔
صوبائی صدر PAT کوئٹہ ڈاکٹر اشتیاق حسین کی قیادت میں پشتون قومی تحریک کے چیئرمین رفیق پشتون سے ملاقات کی گئی، جس میں انہیں 11 مئی کی احتجاجی ریلی میں شرکت کی دعوت دی گئی، جس پر رفیق پشتون نے دعوت کو قبول کیا اور ہر سطح پر تعاون کی یقین دہانی کروائی، اس موقع پر تحریک منہاج القرآن ضلع کوئٹہ کے تمام عہدیداران بھی موجود تھے۔
4M
فیس بک
2M
ٹوٹر
© 1994 - 2025 Minhaj-ul-Quran International.
