سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن کے بانی و سرپرست شیخ الاسلام ڈاکٹر محمد طاہرالقادری نے تحریک منہاج القرآن کے 41 ویں یوم تاسیس کے موقع پر اپنے خصوصی بیان میں کہا ہے کہ اللہ رب العزت کے فضل و کرم اور نعلین پاک کے تصدق سے خدمت دین اور خدمت انسانیت کے باب میں تحریک منہاج القرآن نے چار دہائیوں کے مختصر عرصہ میں بہت سارے سنگ میل عبور کئے ہیں۔ الحمدللہ تحریک منہاج القرآن نے نوجوانوں کی تعلیم و تربیت کیلئے پاکستان سمیت دنیا بھر میں مثالی ادارے قائم کئے جن سے مستفید ہونے والوں کی تعداد لاکھوں میں ہے۔
تحریک منہاج القرآن کے مرکزی نائب ناظم اعلیٰ سردار شاکر مزاری نے ملتان میں تحریک کے 41 ویں یومِ تاسیس کی تقریب سے خطاب کرتے ہوئے کہا کہ اللہ تعالیٰ نے اس صدی میں تجدید و احیائے دین کا شرف تحریک منہاج القرآن کو عطا فرمایا۔ تحریک منہاج القرآن کوئی روایتی مذہبی جماعت نہیں بلکہ احیاء و تجدید دین کی عالمگیر اور فروغ عشق رسول کی تحریک ہے۔
منہاج القرآن انٹرنیشنل یونان کے زیراہتمام سالانہ محفل عید میلاد النبی ﷺ 17 اکتوبر 2021 کو اسلامک سنٹر رہندی میں انعقاد کیا گیا، جس کی صدارت منہاج القرآن انٹرنیشنل یونان کے صدر ارسلان خرم چیمہ اور ناظم منہاج القرآن انٹرنیشنل یونان غلام عباس مصطفوی نے کی۔ عوام کی کثیر تعداد نے محفل میں شرکت کی۔
منہاج القرآن انٹرنیشنل آئرلینڈ کے زیر اہتمام پورٹ لیش کی الرحمنٰ مسجد میں درود و سلام و نعت کی روحانی محفل کا انعقاد کیا گیا، جس میں تحریک منہاج القرآن آئرلینڈ کے رفقاء و اراکین کے علاوہ ڈبلن، لمرک، کارک، کارلو اور پورٹ لیش کے عشاقان مصطفیؐ نے کثیر تعداد میں شرکت کی۔ روحانی محفل کے مہمان خصوصی برطانیہ سے تشریف لائے ہوئے منہاج القرآن کے نوجوان سکالر علامہ حسن شیر انعمانی تھے۔
منہاج القرآن انٹرنیشنل کینیڈا کے زیراہتمام جشن عید میلاد النبی ﷺ کی مناسبت سے سالانہ میلاد النبی ﷺ کانفرنس سے خصوصی خطاب کرتے ہوئے جگر گوشۂ شیخ الاسلام ڈاکٹر محمد طاہرالقادری شیخ حماد مصطفیٰ المدنی القادری نے کہا کہ اللہ تعالیٰ انبیاء علیھم السلام کو عظمتیں اور رفعتیں عطا فرماتا ہے۔ لفظ نبی اور نبوت کے چار معنی ہیں، یہ چاروں معنیٰ و مفہوم دراصل انبیاء علیھم السلام کی شانیں ہیں۔ اللہ رب العزت نے یوں تو ہر نبی کو ان چار شانوں سے نوازا لیکن اللہ تعالیٰ نے شان مصطفیٰ ﷺ میں سب شانیں جمع کر دی ہیں۔ میلاد کانفرنس کی صدارت جگر گوشۂ شیخ الاسلام ڈاکٹر محمد طاہرالقادری صاحبزادہ سلطان شمس تبریز احمد مصطفیٰ العربی القادری نے کی۔
منہاج القرآن انٹرنیشنل انٹرفیتھ ریلیشنز اور پنجابی سکھ سنگت (PPS)کے زیراہتمام ”جشن ولادت محسن انسانیت“ کے عنوان سے ننکانہ صاحب میں خصوصی تقریب 16 اکتوبر بروز ہفتہ شام 5 بجے ہو گی۔ منہاج القرآن انٹرنیشنل کے صدر ڈاکٹر حسین محی الدین قادری خطاب کریں گے۔ یہ تقریب گوردوارہ جنم استھان شری گرونانک دیوجی، ننکانہ صاحب میں ہو گی۔ تقریب میں معروف سیاسی، سماجی، مذہبی شخصیات شرکت کریں گی، اس حوالے سے ڈائریکٹر انٹرفیتھ ریلیشنز سہیل احمد رضا نے کہا کہ منہاج القرآن بین المذاہب رواداری کے فروغ کیلئے کوشاں ہے۔ شیخ الاسلام ڈاکٹر محمد طاہرالقادری نے اتحاد امت، بین المذاہب رواداری کیلئے جتنا کام کیا وہ تاریخ کا سنہرا باب ہے۔
تحریک منہاج القرآن کی 38ویں عالمی میلاد کانفرنس 11 اور 12 ربیع الاول کی درمیانی شب 18 اکتوبر کو مینار پاکستان کے سبزہ زار میں ہوگی، تیاریاں مکمل ہوگئیں۔ عالمی میلاد کانفرنس میں شرکت کے لئے شہر لاہور سے پچاس ہزار سے زائد گھرانوں کو شرکت کی دعوت دی گئی ہے۔ اہلیان لاہور مرد و خواتین ہزاروں کی تعداد میں کانفرنس میں شرکت کرکے آقائے دوجہاں ﷺ سے محبت کا اظہار کریں گے۔ تحریک منہاج القرآن کے رہنماؤں و کارکنان نے لاہور میں عوامی رابطہ مہم کا آغاز کر رکھا ہے۔ شیخ اسلام ڈاکٹر محمد طاہرالقادری کانفرنس سے خصوصی خطاب کریں گے۔
گوردوارہ جنم استھان ننکانہ صاحب میں پنجابی سکھ سنگت کے زیراہتمام تاریخ میں پہلی مرتبہ حضور صلی اللہ علیہ وآلہ وسلم کے یوم ولادت کو منایا گیا، اس سلسلہ میں گوردوارہ ننکانہ صاحب میں محسنِ انسانیت کانفرنس کا انعقاد کیا گیا، جس میں صدر منہاج القرآن ڈاکٹر حسین محی الدین قادری نے خصوصی خطاب کیا۔ اس موقع پر آپ نے کہا کہ آج ننکانہ صاحب کی سرزمین پر تاریخ رقم ہو گئی ہے کہ جنم استھان ننکانہ صاحب میں سرور کائنات صلی اللہ علیہ وآلہ وسلم کی ولادت کا جشن منایا جا رہا ہے۔ ایک نئی تاریخ لکھی گئی ہے، جسے زمانہ یاد رکھے گا۔ انہوں نے کہا کہ بین المذاہب ہم اہنگی میں یہ پاکستان کا پرامن چہرہ ہے۔
منہاج القرآن انٹرنیشنل آئرلینڈ کے زیراہتمام استقبال ربیع الاول کے سلسلہ میں پورٹ لیش کے گریل اینڈ چیل ریسٹورانٹ میں 15 اکتوبر 2021 کو ایک روحانی محفل کا انعقاد کیا گیا، جس میں منہاج القرآن آئرلینڈ کے امیر علامہ محمد عدیل نے میلاد پاک منانے کی شرعی حیثیت کے موضوع پر خطاب کرتے ہوئے کہا کہ اللہ رب العزت اپنے بندوں کو اگر کوئی نعمت عطا فرمائے تو بندوں کو چاہیے کہ اس نعمت کا خوب خوشی سے اظہار کریں۔
منہاج القرآن انٹرنیشنل کویت کے زیراہتمام مرکزی محفلِ میلاد النبی صلی اللّٰہ علیہ وآلہ وسلم کا انعقاد صدر منہاج القرآن انٹرنیشنل کویت حاجی عبد الرشید کی رہائش گاہ پر 15 اکتوبر 2021 کو ہوا۔ محفل میں آسٹریلیا سے علامہ محمد رمضان قادری ڈائریکٹر منہاج القرآن انٹرنیشنل آسٹریلیا نے آن لائن خطاب کیا۔
منہاج یونیورسٹی لاہور کے زیراہتمام قومی کرکٹ ہیرو، عظیم لیگ سپن باؤلر عبدالقادر (مرحوم) کی یاد میں خصوصی تقریب کا انعقاد کیا گیا، تقریب میں بین الاقوامی شہرت یافتہ نامور کرکٹرز نے عبدالقادر (مرحوم) کو خراج تحسین پیش کیا۔ تقریب میں عبدالقادر (مرحوم) کے بیٹے سلمان قادر ان کی بیٹی نور فاطمہ ان کی نواسی اور خاندان کے دیگر افراد نے خصوصی طور پر شرکت کی۔
ڈپٹی چیئرمین بورڈ آف گورنرز منہاج یونیورسٹی لاہور ڈاکٹر حسین محی الدین قادری نے جی سی یونیورسٹی فیصل آباد میں منعقدہ انٹرنیشنل سیرت النبی ﷺ کانفرنس میں خصوصی شرکت کی۔ اس موقع پر آپ نے ’’دعوتِ دین اور عصری تقاضے (سیرت النبی ﷺ کی روشنی میں)‘‘ کے موضوع پر خطاب کیا۔ کانفرنس میں وائس چانسلر جی سی یونیورسٹی فیصل آباد پروفیسر ڈاکٹر شاہد کمال، پروفیسر ڈاکٹر ابوسفیان اصلاحی (علی گڑھ یونیورسٹی انڈیا)، پروفیسر ڈاکٹر غلام شمس الرحمن، ڈاکٹر شیر علی، ڈاکٹر محمد ندیم سہیل، الحاج شیخ محمد ارشد، محمد افضل سعید، پروفیسر ڈاکٹر ہمایوں شمس، محمد عثمان صدیقی اور دیگر پروفیسرز نے بھی شرکت کی۔
صدر منہاج القرآن انٹرنیشنل ڈاکٹر حسین محی الدین قادری نے فیصل آباد وزٹ کے دوران تحریک منہاج القرآن و جملہ فورمز فیصل آباد کے ورکرز کنونشن سے خطاب کیا۔ اس موقع پر نائب ناظم اعلیٰ رانا محمد ادریس، میاں عبد القادر، اللہ رکھا نعیم، میاں کاشف محمود، رانا غضنفر علی، علامہ عزیز الحسن، شعیب طاہر اور دیگر قائدین بھی موجود تھے۔
تحریک منہاج القرآن کے مرکزی سیکرٹریٹ میں کالج آف شریعہ اینڈ اسلامک سائنسز کے زیراہتمام ضیافت میلاد منعقد ہوئی، جس میں کالج آف شریعہ کے اساتذہ کرام اور طلباء نے شرکت کی۔ اس موقع پر جواد حامد، غلام مرتضیٰ علوی، صاحبزادہ محمد محب اللہ اظہر، صابر حسین نقشبندی، سرور صدیق، قاری خلیل الازہری، ضیاء المصطفٰی مکی، کفایت اللہ قادری، جمیل حیدر الازہری، سجاد حیدر شاہ، رانا محمد اکرم اور بلال ہاشمی بھی محفل میں شریک ہوئے۔
صدر منہاج القرآن انٹرنیشنل ڈاکٹر حسین محی الدین قادری نے سیرت النبی ﷺ کانفرنس سے خطاب کرتے ہوئے کہا کہ حضور نبی اکرم ﷺ کی عظمت و فضیلت آپ ﷺ کا خلق عظیم ہے۔ پورے قرآن کو آپ ﷺ کا خلق قرار دیا گیا ہے۔ آپ ﷺ کے مخالف بھی آپ ﷺ کے اسوہ حسنہ کے معترف تھے۔ آپ ﷺ گفتگو، اٹھنے، بیٹھنے، سونے، جاگنے، معاملات اور عبادات ہر حوالے سے متوازن شخصیت کے مالک تھے۔ آپ ﷺ کمزورں کے مفادات کے محافظ تھے۔ آپ ﷺ نے یتیموں کے سر پر ہاتھ رکھا، آپ ﷺ وعدے کے پکے تھے۔ آپ ﷺ امانت و دیانت میں اپنی مثال آپ تھے۔ آپ ﷺ صادق و امین تھے۔
3.8M
فیس بک
1.9M
ٹوٹر
© 1994 - 2025 Minhaj-ul-Quran International.
