سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
قصور میں زینب بیٹی کی پہلی برسی 10 جنوری 2019ء کو ہو گی، جس میں قائد تحریک منہاج القرآن شیخ الاسلام ڈاکٹر محمد طاہرالقادری خصوصی شرکت کریں گے۔ زینب کے والد حاجی محمد امین انصاری نے شیخ الاسلام ڈاکٹر محمد طاہرالقادری سے برسی میں شرکت کی درخواست کی تھی۔ برسی کا پروگرام اسٹیل باغ قصور کے نزدیک فیکڑی غلام صابر انصاری میں منعقد ہو گا، جہاں قصور، گردونواح سے لوگوں کی بڑی تعداد شریک ہو گی۔
منہاج القرآن انٹرنیشنل اٹلی کے رہنماء اور منہاج ویلفئیر فاؤنڈیشن یورپ کے صدر حاجی ارشد جاوید وڑائچ انتقال کر گئے، انا للہ وانا الیہ راجعون۔ شیخ الاسلام ڈاکٹر محمد طاہرالقادری نے حاجی ارشد جاوید وڑائچ کے انتقال پر گہرے دکھ اور افسوس اظہار کیا ہے۔ انہوں نے کہا مرحوم نے منہاج القران کئے پلیٹ فارم سے دین اسلام اور انسانیت کی قابل تقلید خدمت کی منہاج القران اپنے ایک عظیم سپوت سے محروم ہو گیا۔
منہاج یونیورسٹی لاہور کے زیراہتمام منعقدہ دوسری سالانہ دو روزہ ورلڈ اسلامک بینکنگ اینڈ فنانس کانفرنس پی سی ہوٹل لاہور میں اختتامی ڈیکلریشن کیساتھ اختتام پزیر ہو گئی۔ اختتامی سیشن میں ڈپٹی چیئرمین ڈاکٹر حسین محی الدین قادری نے ڈیکلریشن پیش کیا اور کانفرنس میں شریک مختلف ملکوں کے سکالرز پر مشتمل بین الاقوامی فورم میں تبدیل کرنے کی تجویز دی جس کی شرکائے کانفرنس نے اتفاق رائے سے منظور ی دی۔ کانفرنس میں امریکہ، آسٹریلیا، سعودی عرب، برطانیہ، نیدر لینڈز، ملائشیاء اور ازبکستان کے سکالرز، معاشی ماہرین شریک تھے۔
منہاج القرآن انٹرنیشنل انڈیا کے زیرانتظام منہاج پبلی کیشنز انڈیا نے دہلی میں منعقدہ سالانہ ورلڈ بک فیئر 2019ء میں شرکت کی اور شیخ الاسلام ڈاکٹر محمد طاہرالقادری کی سینکڑوں کتب بالخصوص ’’قرآنی انسائیکلوپیڈیا‘‘ کو پیش کیا۔ حال ہی میں شیخ الاسلام ڈاکٹر طاہرالقادری کی تالیف کردہ قرآنی انسائیکلوپیڈیا جو 8 جلدوں اور 5 ہزار موضوعات پر مشتمل ہے، انسائیکلوپیڈیا شیخ الاسلام ڈاکٹر محمد طاہرالقادری کے نصف صدی سے زائد مطالعہ قرآن کا نچوڑ ہے۔
منہاج یونیورسٹی لاہور کی پی سی ہوٹل میں منعقدہ سالانہ دو روزہ ورلڈ اسلامک بینکنگ اینڈ فنانس کانفرنس میں شیخ الاسلام ڈاکٹر محمد طاہرالقادری اور ڈاکٹر حسین محی الدین قادری کی تصانیف کا اسٹال لگایا گیا۔ یہ بک اسٹال منہاج پبلی کیشنز کی طرف سے کرسٹل ہال کی لابی میں لگایا گیا، جس میں ڈاکٹر حسین محی الدین قادری اور شیخ الاسلام ڈاکٹر محمد طاہرالقادری کی کتب خصوصی رعایتی قیمت پر دستیاب تھیں۔ کانفرنس کے دوران ڈاکٹر حسین محی الدین قادری کی نئی شائع ہونے والی کتاب ’’اسلامی اخلاقیات تجارت‘‘ شرکاء، مہمانوں اور عالمی سکالرز کی توجہ کا مرکز رہی۔
منہاج یونیورسٹی کی دو روزہ ورلڈ اسلامک اکنامکس اینڈ فنانس کانفرنس میں شریک معاشی ماہرین و سکالرز کے اعزاز میں عشائیہ مقامی ہوٹل میں منعقد ہوا، جس میں شیخ الاسلام ڈاکٹر محمد طاہرالقادری نے خصوصی شرکت کی۔ عشائیہ میں آسٹریلیا سے آئے ہوئے سکالرز ڈاکٹر روڈنی ولسن، ڈکٹر اسحاق بھٹی، ازبکستان سے ڈاکٹر ہادیہ ثاقب ہاشمی، ملائشیا سے ڈاکٹر فداللہ، ڈاکٹر نسیم الرھاہلہ، نائجیریا سے ڈاکٹر امینو الحاجی، چیئرمین سپریم کونسل ڈاکٹر حسن محی الدین، ڈاکٹر محمد اسلم غوری، ڈاکٹر شاہد سرویا سمیت سنیئر کالم نویوں ، صحافیوں اور مختلف تجارتی سماجی تنظیموں کے عہدیداروں نے شرکت کی۔
منہاج یونیورسٹی لاہور کے زیراہتمام دوسری سالانہ دو روزہ ورلڈ اسلامک بینکنگ اینڈ فنانس کانفرنس 5 جنوری 2018ء کو پرل کانٹی نینٹل ہوٹل لاہور میں منعقد ہوئی۔ کانفرنس سے خطاب کرتے ہوئے بین الاقوامی سکالرز، معاشی ماہرین نے کہا کہ اسلام کا معاشی نظام جدید صدی کے تقاضوں کو پورا کرنے کی صلاحیت رکھتا ہے اسلام کے معاشی نظام کی اہمیت کو اجاگر کرنے کی ضرورت ہے، اہم موضوع پر منہاج یونیورسٹی لاہور نے کانفرنس منعقد کر کے اپنی قومی بین الاقوامی ذمہ داریوں کو پورا کیا ہے۔
تحریک منہاج القرآن کے زیراہتمام دنیا بھر میں درود پاک پڑھے جانے کے نظام کا عالمی ہیڈکوارٹر مرکزی گوشہ درود کی ماہانہ مجلس ختم الصلوۃ علی النبی صلی اللہ علیہ وآلہ وسلم کی ماہانہ مجلس ختم الصلوۃ کا پروگرام 5 جنوری 2019ء کی شب مرکزی سیکرٹریٹ میں منعقد ہوا، جس میں شیخ الاسلام ڈاکٹر محمد طاہرالقادری اور ڈاکٹر حسن محی الدین قادری نے بھی خصوصی شرکت کی۔ شیخ الاسلام نے خطاب کرتے ہوئے کہا کہ درود و سلام ایک ایسی عبادت ہے، جو ہر وقت قبول ہی قبول ہے۔
منہاج القرآن ویمن لیگ کے 30 ویں یوم تاسیس کے سلسلہ میں خصوصی تقریب مرکزی سیکرٹریٹ میں منعقد ہوئی، جس میں شیخ الاسلام ڈاکٹر محمد طاہرالقادری اور ڈاکٹر فضہ حسین قادری نے خصوصی شرکت کی۔ اس موقع پر ڈاکٹر محمد طاہرالقادری نے تقریب سے خطاب کرتے ہوئے کہا کہ اسلامی ملک پاکستان میں خواتین کو ان کا جائز مقام نہیں ملا، خواتین کی تعلیم و تربیت پر توجہ نہ دینے والے ذمہ داران ملک و قوم کے مجرم ہیں۔ خواتین کو مساوی حقوق دینے کا مطلب انہیں سیاسی، معاشی، سماجی سرگرمیوں میں مردوں کے مساوی کردار کی ادائیگی کا ماحول فراہم کرنا ہے۔
منہاج یونیورسٹی لاہور کی پی سی ہوٹل میں منعقدہ سالانہ دو روزہ ورلڈ اسلامک بینکنگ اینڈ فنانس کانفرنس میں ڈاکٹر حسین محی الدین قادری کی نئی کتاب ’’اسلامی اخلاقیات تجارت‘‘ کی تقریب رونمائی منعقد ہوئی۔ اس موقع پر صوبائی وزیر ہائر ایجوکیشن راجہ یاسر ہمایوں سرفراز، سابق وزیر خزانہ ڈاکٹر سلمان شاہ اور ڈاکٹر حسین محی الدین قادری نے کتاب کی باقاعدہ رونمائی کی۔
تحریک منہاج القرآن کے مرکزی سیکرٹریٹ میں سٹاف ممبران، کارکنان، انچارج شعبہ جات و مرکزی قائدین کی شیخ الاسلام ڈاکٹر محمد طاہرالقادری سے ملاقات کی خصوصی نشست 4 جنوری 2019ء کو گوشہ درود میں ہوئی۔ یہ تربیتی نشست شیخ الاسلام ڈاکٹر محمد طاہرالقادری کی عمرہ کی ادائیگی کے بعد سٹاف ممبران سے ملاقات کے سلسلہ میں منعقد ہوئی۔ ناظم اعلیٰ خرم نواز گنڈاپور، بریگیڈئر ریٹائرڈ اقبال احمد خان، جواد حامد، انجینئر نجم رفیق، راجہ زاہد محمود اور دیگر مرکزی قائدین بھی اس موقع پر موجود تھے۔
پاکستان عوامی تحریک کے سربراہ ڈاکٹر محمد طاہرالقادری نے سانحہ ماڈل ٹاؤن پر نئی جے آئی ٹی کی تشکیل کا خیر مقدم کیا ہے، انہوں نے کہاکہ بالاخر ساڑھے 4 سال سے زائد عرصہ پر مشتمل ہماری طویل قانونی جدوجہد رنگ لائی اور حصول انصاف کی طرف پہلا قدم اٹھا، ہماری جگہ کوئی اور ہوتا تو کیس دفن ہو چکا ہوتا اور کسی کو قبر کا نشان بھی نہ ملتا۔ سنا ہے اے ڈی خواجہ پیشہ ور پولیس افسر ہیں اور وہ بے گناہوں کے قتل عام کی تفتیش کے ہر مرحلہ پر قانون و انصاف کے تقاضوں کو پورا کریں گے، ہمیشہ اس بات کا مطالبہ کیا کہ جے آئی ٹی کے سربراہ کا تعلق پنجاب پولیس سے نہیں ہونا چاہیے۔
شیخ الاسلام ڈاکٹر محمد طاہرالقادری نے ممتاز اسلامی اسکالر و مبلغ مولانا طارق جمیل کی اچانک عارضہ قلب کی تکلیف و علالت پر انہیں ٹیلی فون کر کے خیریت دریافت کی۔ ٹیلی فون پر گفتگو کرتے ہوئے شیخ الاسلام ڈاکٹر محمد طاہرالقادری نے مولانا طارق جمیل کی جلد صتحیابی کی دعا کی۔ مولاناطارق جمیل نے خیریت دریافت کرنے پر ڈاکٹر طاہرالقادری کا شکریہ ادا کیا۔
منہاج القرآن ویمن لیگ کے زیراہتمام 10 روزہ عرفان الہدایہ قرآن لرننگ کورس کی اختتامی تقریب مرکزی سیکرٹریٹ ماڈل ٹاون میں یکم جنوری 2019ء کو منعقد ہوئی، جس میں تحریک منہاج القرآن کے صدر ڈاکٹر حسین محی الدین قادری مہمان خصوصی تھے۔ تقریب سے خطاب کرتے ہوئے ڈاکٹر حسین محی الدین نے کہا کہ قرآن کریم انسانیت کی ہدایت کیلئے نازل کیا گیا، اس کی تلاوت، اس کی سماعت، اس پر غور و فکر کرنا، اس کے معنی اور مطالب کو سمجھنے کی کوشش کرنا، اس کی تعلیمات سے زندگیوں کو روشن کرنا اور اس کے بتائے ہوئے طریقے کے مطابق زندگی گزارنے میں ہی کامیابی و کامرانی ہے۔
قائد تحریک منہاج القرآن سربراہ پی اے ٹی ڈاکٹر محمد طاہرالقادری عمرہ کی ادائیگی کے بعد وطن واپس پہنچ گئے۔ لاہور ایئرپورٹ پر صدر منہاج القرآن انٹرنیشنل ڈاکٹر حسین محی الدین قادری، مرکزی رہنماؤں خرم نواز گنڈاپور، جی ایم ملک، نوراللہ صدیقی، جواد حامد، حافظ غلام فرید، سید امجد علی شاہ، عدنان جاوید، لاہور اور سنٹرل پنجاب کے عہدیداروں اور کارکنوں نے آپ کا پرتپاک استقبال کیا۔ اس موقع پر کارکنوں نے آپ کو گلدستے پیش کئے اور فلک شگاف نعرے لگائے۔
4M
فیس بک
2M
ٹوٹر
© 1994 - 2025 Minhaj-ul-Quran International.
