سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج یونیورسٹی لاہور کی پی سی ہوٹل میں منعقدہ سالانہ دو روزہ ورلڈ اسلامک بینکنگ اینڈ فنانس کانفرنس میں ڈاکٹر حسین محی الدین قادری کی نئی کتاب ’’اسلامی اخلاقیات تجارت‘‘ کی تقریب رونمائی منعقد ہوئی۔ اس موقع پر صوبائی وزیر ہائر ایجوکیشن راجہ یاسر ہمایوں سرفراز، سابق وزیر خزانہ ڈاکٹر سلمان شاہ اور ڈاکٹر حسین محی الدین قادری نے کتاب کی باقاعدہ رونمائی کی۔
تحریک منہاج القرآن کے مرکزی سیکرٹریٹ میں سٹاف ممبران، کارکنان، انچارج شعبہ جات و مرکزی قائدین کی شیخ الاسلام ڈاکٹر محمد طاہرالقادری سے ملاقات کی خصوصی نشست 4 جنوری 2019ء کو گوشہ درود میں ہوئی۔ یہ تربیتی نشست شیخ الاسلام ڈاکٹر محمد طاہرالقادری کی عمرہ کی ادائیگی کے بعد سٹاف ممبران سے ملاقات کے سلسلہ میں منعقد ہوئی۔ ناظم اعلیٰ خرم نواز گنڈاپور، بریگیڈئر ریٹائرڈ اقبال احمد خان، جواد حامد، انجینئر نجم رفیق، راجہ زاہد محمود اور دیگر مرکزی قائدین بھی اس موقع پر موجود تھے۔
پاکستان عوامی تحریک کے سربراہ ڈاکٹر محمد طاہرالقادری نے سانحہ ماڈل ٹاؤن پر نئی جے آئی ٹی کی تشکیل کا خیر مقدم کیا ہے، انہوں نے کہاکہ بالاخر ساڑھے 4 سال سے زائد عرصہ پر مشتمل ہماری طویل قانونی جدوجہد رنگ لائی اور حصول انصاف کی طرف پہلا قدم اٹھا، ہماری جگہ کوئی اور ہوتا تو کیس دفن ہو چکا ہوتا اور کسی کو قبر کا نشان بھی نہ ملتا۔ سنا ہے اے ڈی خواجہ پیشہ ور پولیس افسر ہیں اور وہ بے گناہوں کے قتل عام کی تفتیش کے ہر مرحلہ پر قانون و انصاف کے تقاضوں کو پورا کریں گے، ہمیشہ اس بات کا مطالبہ کیا کہ جے آئی ٹی کے سربراہ کا تعلق پنجاب پولیس سے نہیں ہونا چاہیے۔
شیخ الاسلام ڈاکٹر محمد طاہرالقادری نے ممتاز اسلامی اسکالر و مبلغ مولانا طارق جمیل کی اچانک عارضہ قلب کی تکلیف و علالت پر انہیں ٹیلی فون کر کے خیریت دریافت کی۔ ٹیلی فون پر گفتگو کرتے ہوئے شیخ الاسلام ڈاکٹر محمد طاہرالقادری نے مولانا طارق جمیل کی جلد صتحیابی کی دعا کی۔ مولاناطارق جمیل نے خیریت دریافت کرنے پر ڈاکٹر طاہرالقادری کا شکریہ ادا کیا۔
منہاج القرآن ویمن لیگ کے زیراہتمام 10 روزہ عرفان الہدایہ قرآن لرننگ کورس کی اختتامی تقریب مرکزی سیکرٹریٹ ماڈل ٹاون میں یکم جنوری 2019ء کو منعقد ہوئی، جس میں تحریک منہاج القرآن کے صدر ڈاکٹر حسین محی الدین قادری مہمان خصوصی تھے۔ تقریب سے خطاب کرتے ہوئے ڈاکٹر حسین محی الدین نے کہا کہ قرآن کریم انسانیت کی ہدایت کیلئے نازل کیا گیا، اس کی تلاوت، اس کی سماعت، اس پر غور و فکر کرنا، اس کے معنی اور مطالب کو سمجھنے کی کوشش کرنا، اس کی تعلیمات سے زندگیوں کو روشن کرنا اور اس کے بتائے ہوئے طریقے کے مطابق زندگی گزارنے میں ہی کامیابی و کامرانی ہے۔
قائد تحریک منہاج القرآن سربراہ پی اے ٹی ڈاکٹر محمد طاہرالقادری عمرہ کی ادائیگی کے بعد وطن واپس پہنچ گئے۔ لاہور ایئرپورٹ پر صدر منہاج القرآن انٹرنیشنل ڈاکٹر حسین محی الدین قادری، مرکزی رہنماؤں خرم نواز گنڈاپور، جی ایم ملک، نوراللہ صدیقی، جواد حامد، حافظ غلام فرید، سید امجد علی شاہ، عدنان جاوید، لاہور اور سنٹرل پنجاب کے عہدیداروں اور کارکنوں نے آپ کا پرتپاک استقبال کیا۔ اس موقع پر کارکنوں نے آپ کو گلدستے پیش کئے اور فلک شگاف نعرے لگائے۔
قائد تحریک منہاج القرآن شیخ الاسلام ڈاکٹر محمد طاہرالقادری عمرہ کی سعادت حاصل کرنے کے بعد 31 دسمبر 2018 ء کو وطن واپس پہنچیں گے۔ ڈاکٹر طاہرالقادری کے ہمراہ چئیرمین سپریم کونسل ڈاکٹر حسن محی الدین قادری، صاحبزادہ حماد مصطفیٰ مدنی اور صاحبزادہ احمد مصطفیٰ العربی نے بھی عمرہ کی سعادت حاصل کی۔ لاہور ائیرپورٹ آمد پر تحریک منہاج القرآن کے کارکنان و قائدین آپ کا استقبال کریں گے۔
تحریک منہاج القرآن طلباء ونگ مصطفوی سٹوڈنٹس موومنٹ کے زیراہتمام کل پاکستان محفل مشاعرہ ہفتہ کی شب مرکزی سیکرٹریٹ میں منعقد ہوئی، جس میں معروف شاعر پروفیسر ناصر بشیر مہمان خصوصی تھے۔ محفل مشاعرہ کی صدارت ناظم اعلیٰ تحریک منہاج القرآن خرم نواز گنڈاپور نے کی۔ اس موقع پر شعرائے کرام میں انوار المصطفیٰ ہمدمی، شہزاد قیس، محمد ادریس قریشی، آغر ندیم ساحر، عاطف بشیر، اظہرفراغ، ندیم بھابھہ، حمزہ ہاشمی سوز، اسحاق حارث، جمشید احمد، جانزیب سحر، ضمیر احمد ضمیر، ندیم راجہ اور عاطف بشیر نے کلام سنایا۔
شیخ الاسلام ڈاکٹر محمد طاہرالقادری نے ڈاکٹر نور الحق قادری (وفاقی وزیر برائے مذہبی امور) کے والد گرامی پیر شیخ گل صاحب قادری کے انتقال پر اظہار افسوس کرتے ہوئے دعا کی کہ اللہ رب العزت انہیں جنت الفردوس میں اعلیٰ مقام عطا کرے اور انکے پسماندگان اور ان سے محبت کرنیوالوں کو صبر جمیل عطا کرے۔
منہاج انسٹی ٹیوٹ آف قرآت و تحفیظ القرآن کے سالانہ سپورٹس فیسٹول کی اختتامی تقریب منہاج پارک ٹاؤن شپ میں 21 دسمبر 2018ء کو منعقد ہوئی۔ اس موقع پر مختلف کھیلوں میں پوزیشن لینے والے طلبہ میں انعامات اور ٹرافیاں تقسیم کی گئیں۔ تقریب میں منہاج ویلیفئر فاونڈیشن کے دائریکٹر سید امجد علی شاہ مہمان خصوصی تھے۔ تحفیظ القرآن کے پرنسپل میاں محمد عباس سمیت مختلف شعبہ ہائے زندگی سے تعلق رکھنے والے مہمانوں نے شرکت کی اور طلبہ کی حوصلہ افزائی کی۔
تحریک منہاج القرآن دنیا بھر میں بین المذاہب ہم آہنگی کے حوالے سے حوصلہ افزا کردار ادا کر رہی ہے، ڈاکٹر طاہرالقادری کی قیام امن کیلئے خدمات قابل تحسین ہیں، ان خیالات کا اظہار امریکہ سے آئے ہوئے مسیحی رہنماؤں کے وفد نے منہاج القرآن انٹرنیشنل کے مرکزی سیکرٹریٹ کے دورہ کے موقع پر گفتگو کرتے ہوئے کیا۔ وفد نے تحریک منہاج القرآن کے مرکزی رہنماؤں سے ملاقات کی۔ مسیحی وفد نے منہاج القرآن سیکرٹریٹ میں کرسمس کا کیک بھی کاٹا۔
شیخ الاسلام ڈاکٹر محمد طاہرالقادری عمرہ کی سعادت حاصل کرنے سعودی عرب گئے ہوئے ہیں۔ سربراہ عوامی تحریک گزشتہ روز مدینہ منورہ پہنچے، ان کے ہمراہ چیئرمین سپریم کونسل ڈاکٹر حسن محی الدین اوران کے پوتے شیخ احمد مصطفی العربی بھی ہیں۔ شیخ الاسلام نے منگل کا سارا دن روزہ رسولﷺ کے سامنے گزارا، نماز پنجگانہ مسجد نبوی میں ادا کی اور ملکی سلامتی و استحکام کیلئے دعا کی۔ ڈاکٹر طاہرالقادری یکم جنوری کو وطن پہنچیں گے۔
آرمی پبلک سکول پشاور کے شہید بچوں کی چوتھی برسی کے موقع پر مصطفوی سٹوڈنٹس موومنٹ کے زیر اہتمام لاہور پریس کلب کے سامنے طلباء امن ریلی نکالی گئی۔ ریلی میں شریک طلباء نے بینرز اور پلے کارڈز اٹھا رکھے تھے جن پر دہشتگردی کے خلاف اور ننھے شہدائے اے پی ایس کی یاد میں نعرے درج تھے۔ ریلی کی قیادت مصطفوی سٹوڈنٹس موومنٹ کے مرکزی صدر عرفان یوسف کر رہے تھے، جبکہ ریلی میں مصطفوی سٹوڈنٹس موومنٹ کے مرکزی، صوبائی، ضلعی رہنما بھی شریک تھے۔
سانحہ اے پی ایس پشاور کے ننھے شہدا اور اساتذہ کی چھوتھی برسی کے موقع پر مصطفوی سٹوڈنٹس موومنٹ کے زیراہتمام ماڈل ٹاؤن ڈگری کالج سے ماڈل ٹاؤن کرکٹ گراؤنڈ تک طلباء امن ریلی نکالی گئی۔ ریلی میں شریک طلباء نے شہدائے آرمی پبلک سکول کی یاد میں کتبے، بینرز اٹھا رکھے تھے۔ پلے کارڈز پردہشتگردی کی مذمت کے ساتھ ساتھ ننھے شہدا کو خراج تحسین پیش کرنے کے پیغامات درج تھے۔ ریلی میں شریک طلباء ملی نغموں پر اپنے لہو کو گرماتے رہے اور دہشتگردوں کو پیغام دیتے رہے کہ ہم دہشتگردی سے ڈرنے والے نہیں، ہم بزدل دہشتگردوں کا علم کی روشنی سے مقابلہ کرینگے۔ شدید سردی میں طلباء امن ریلی اس بات کا ثبوت ہے کہ ننھے شہداء کی یاد کو بھلایا نہیں جا سکتا۔
جامعہ نظامیہ حیدرآباد دکن انڈیا کے شیخ الحدیث، عمدۃ المجتہدین حضرت مولانا علامہ خواجہ محمد شریف جمعہ کو انتقال فرما گئے، انا للہ و انا الیہ راجعون۔ آپ کے انتقال پر شیخ الاسلام ڈاکٹر محمد طاہرالقادری کا اظہار تعزیت کیا۔ شیخ الاسلام نے اپنے تعزیتی پیغام میں کہا کہ شیخ الحدیث علامہ محمد شریف کا شمار برصغیر پاک و ہند کی علمی و روحانی شخصیات میں شمار ہوتا تھا۔ آپ کا انتقال اہلیان علم و معرفت کے لیے باعث دکھ ہے۔
4M
فیس بک
2M
ٹوٹر
© 1994 - 2025 Minhaj-ul-Quran International.
