سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل فرانس کے زیراہتمام سابق مرکزی امیر تحریک منہاج القرآن صاحبزادہ مسکین فیض الرحمن درانی مرحوم کے ایصال ثواب کے لیے تعزیتی ریفرنس 18 اگست 2017ء کو پیرس میں ہوا۔ ریفرنس میں سابقہ ناظم اعلیٰ منہاج القرآن انٹرنیشنل شیخ زاہد فیاض نے خصوصی شرکت کی۔ امیر منہاج القرآن انٹرنیشنل فرانس علامہ حسن میر قادری، صدر منہاج القرآن انٹرنیشنل فرانس چوہدری محمد اعظم، صدر مجلس شوری حاجی محمد گلزار، ڈائریکٹر گارج رازق حسین گجر، محمد اظہر صدیق ناظم منہاج القرآن انٹرنیشنل فرانس اور عامر جواد بٹ ناظم مالیات منہاج القرآن انٹرنیشنل فرانس کے علاوہ رفقاء و کارکنان بھی پروگرام میں شریک ہوئے۔
شہدائے ماڈل ٹاون کے لواحقین کی کال پر پاکستان عوامی تحریک ویمن ونگ کے زیراہتمام ماڈل ٹاون کیس کے انصاف کے لیے خواتین کا دھرنا 16 اگست 2017ء کو ناصر باغ استنبول چوک میں شروع ہو گیا۔ جلسہ کا باقاعدہ آغاز سہہ پہر 4 بجے ہوا۔ عوامی تحریک خواتین ونگ کے ساتھ دیگر تمام سیاسی جماعتوں کی خواتین رہنماء کی بڑی تعداد پروگرام میں شریک ہے۔
ڈاکٹر طاہرالقادری نے ناصر باغ مال روڈ پر شہدائے ماڈل ٹاون کے لواحقین کے احتجاجی دھرنے میں خطاب کیا۔ انہوں نے کہا کہ سانحہ ماڈل ٹاؤن میں شہید ہونے والے مظلوم خاندانوں کی مائیں، بہنیں، بیٹیاں اور خاندان احتجاجی دھرنے میں بیٹھے ہیں۔ شہداء کے لواحقین آج بھی اپنی ایمان کی طاقت کیساتھ کھڑے ہیں۔ دنیا کی کوئی طاقت انہیں خرید نہیں سکی۔ دنیا کی کوئی طاقت آپ کو انصاف سے دور نہیں کر سکتی۔ اگر انصاف نہ ملا تو عید کے بعد فیصل آباد، ملتان اور راولپنڈی میں احتجاجی ریلیاں اور دھرنے ہوں گے۔ عنقریب ماڈل ٹاون کیس میں دونوں بھائی پھانسی پر لٹکنے والے ہیں۔
شہدائے ماڈل ٹاون سے اظہار یکجہتی، جسٹس باقر نجفی کمیشن کی رپورٹ منظر عام پر لانے اور انصاف کیلئے پاکستان عوامی تحریک ویمن ونگ کراچی سندھ کا احتجاجی مارچ اور دھرنا 16 مارچ 2017ء کو فوارہ چوک تا کراچی پریس کلب ہوا۔ مارچ اور دھرنے میں تمام سیاسی، سماجی، مذہبی اور انسانی حقوق سے تعلق رکھنے والی خواتین نے بھرپور شرکت کی اور شہدائے ماڈل سے اظہار یکجہتی کیا۔ ویمن ونگ کراچی کی صدر رانی ارشد، جنرل سیکرٹری فوزیہ جنید، سیکرٹری اطلاعات چمن فاطمہ، شگرف کمال، ند ا جلیل، فائزہ راؤ، منیبہ نصیر اور دیگر قائدین نے بھی خطاب کیا۔
منہاج القرآن انٹرنیشنل اٹلی(کارپی) کے زیراہتمام 14 اگست 2017 کو یوم آزادی پاکستان پورے جوش و خروش سے منایا گیا۔ یہ خصوصی پروگرام کارپی کی تاریخ میں پاکستانی کمیونٹی کا ایک منفرد اور خوبصورت اجتماع تھا۔ یہ ایک دعائیہ تقریب تھی، جسے مسجد کے ہال میں منعقد کیا گیا۔ پروگرام میں افواج پاکستان کے شہداء اور شہدائے ماڈل ٹاون و انقلاب مارچ کی ارواح کے لیے ایصال ثواب اور استحکام پاکستان کے لئے دعائیں کرنا تھا۔
تحریک منہاج القرآن کے سابق امیر اور پاکستان عوامی تحریک کے سابق صدر صاحبزادہ مسکین فیض الرحمن خان درانی کی رسم قل 15 اگست 2017ء کو جامع المنہاج بغداد ٹاون ٹاون شپ میں ہوئی۔ شیخ الاسلام ڈاکٹر محمد طاہرالقادری نے رسم قل میں خصوصی شرکت کرتے ہوئے خطاب کیا۔ چیئرمین سپریم کونسل ڈاکٹر حسن محی الدین قادری، سجادہ نشین آستانہ عالیہ کھڑی شریف (رحیم یار خان) خواجہ غلام قطب الدین فریدی، تحریک منہاج القرآن کے ناظم اعلیٰ خرم نواز گنڈاپور، نائب صدر بریگیڈئر ریٹائرڈ اقبال احمد خان، کالج آف شریعہ سے پروفیسر محمد نواز ظفر، علماء و مشائخ اور قائدین و کارکنان بھی رسم قل میں شریک ہوئے۔
منہاج القرآن انٹرنیشنل ڈربن جنوبی افریقہ نے امیر تحریک مسکین فیض الرحمن درانی مرحوم کے ایصال ثواب کے لیے فاتحہ خوانی کا پروگرام منعقد کیا، جس میں منہاج القرآن انٹرنیشنل KZN کے صدر علامہ طاہر رفیق نقشبندی، علامہ ایوب طفیل قادری، عابد منیر، اشفاق احمد، منیر احمد اور پاکستان ایسوسی ایشن ڈربن کے حیات خان نے شرکت کی۔
قائد پاکستان عوامی تحریک اور شیخ الاسلام ڈاکٹر محمد طاہرالقادری نے مملکت خداداد پاکستان کے 70 ویں یوم آزادی پر اپنا خصوصی پیغام دیا ہے۔ انہوں نے کہا کہ دنیا بھر میں مقیم منہاج القرآن کے کارکنان اور پاکستانیوں کے لیے میرا پیغام ہے کہ پاکستان اللہ تعالیٰ کی بہت بڑی نعمت ہے، ہم پاکستان بڑی قربانیوں کے بعد حاصل کیا اور اب اس کی ہمیں حفاظت کرنی ہے۔ پاکستان کے حصول کا ایک مقصد ہے جو آئین پاکستان میں درج ہے۔ ہم 1947 میں بیرونی طاقتوں کی غلامی سے نجات پا گئے تھے لیکن ملک کے اندر شرپسند، باطل، کرپٹ اور فرعون صفت طاقتیں ابھی بھی پاکستان کے خلاف سازشیں کر رہی ہیں۔
تحریک منہاج القرآن کے مرکزی امیر صاحبزادہ مسکین فیض الرحمن خان درانی انتقال کر گئے۔ انا للہ و انا الیہ راجعون۔ وہ جناح ہسپتال لاہور میں زیرعلاج تھے اور مختصر علالت کے بعد وصال فرما گئے۔ نماز جنازہ شام 7 بجے منہاج یونیورسٹی بغداد ٹاون ٹاون شپ میں ادا کی جائے گی۔ ان کے انتقال پر شیخ الاسلام ڈاکٹر محمد طاہرالقادری، ڈاکٹر حسن محی الدین قادری، ڈاکٹر حسین محی الدین قادری، ناظم اعلیٰ خرم نواز گنڈا پور اور تمام مرکزی قائدین نے گہرے رنج و الم کا اظہار کیا ہے۔
ڈاکٹر محمد طاہرالقادری نے تحریک منہاج القرآن کے مرکزی امیر صاحبزادہ فیض الرحمن درانی کے انتقال پر گہرے دکھ اور افسوس کا اظہار کرتے ہوئے ان کی مغفرت اور پسماندگان کیلئے صبر جمیل کی دعا کی ہے، صاحبزادہ فیض الرحمن درانی تحریک منہاج القرآن کے بانیان میں شامل اور معروف علمی، مذہبی، سیاسی اور روحانی شخصیت تھے، آپ کا تعلق خیبرپختونخوا کے معروف روحانی سلسلے سے ہے۔
پاکستان عوامی تحریک یوتھ ونگ جہلم کے زیراہتمام 14 اگست یومِ آزادی کے موقع پر سالمیت پاکستان اور قومی اداروں سے اظہارِ یکجہتی کیلئے ’تحفظ پاکستان یوتھ ریلی‘ منعقد کی گئی، جس کی قیادت انعام مصطفوی (مرکزی ڈپٹی سیکرٹری جنرل) PAT یوتھ ونگ پاکستان نے کی۔ زین جٹ (جنرل سیکرٹری ) یوتھ شمالی پنجاب، امانت علی (ضلعی صدر) PAT یوتھ ونگ جہلم اور دیگر ضلعی تحصیلی عہدادار بھی ریلی میں موجود تھے۔
پاکستان عوامی تحریک یوتھ ونگ کی جانب سے ملک پاکستان کے 70 ویں جشن آزادی کے موقع پر 14 اگست 2017ء کو سالمیت پاکستان اور قومی اداروں سے اظہار یکجہتی کیلئے تحفظ پاکستان یوتھ ریلی کا اہتمام کیا گیا، ریلی کی قیادت صدر یوتھ ونگ فہیم خان اور شاہد ملک نے کی۔ ریلی میں شہر بھر سے نوجوانوں کی بڑی تعداد نے شرکت کی۔
مصطفوی سٹوڈنٹس موومنٹ فاضل پور کے زیراہتمام ’’ہم سب کا پاکستان‘‘ ریلی 14 اگست 2017ء کو منعقد ہوئی۔ ریلی کی قیادت ایم ایس ایم راجن پور کے صدر حافظ راشد مصطفوی نے کی۔ منہاج القرآن فاضل پور کے صدر خادم حسین طاہر، عوامی تحریک فاضل پور کے صدر محمد سعید مغل اور فیاض احمد جمالی نے بھی ریلی میں خصوصی شرکت کی۔ ریلی میں شہر بھر سے نوجوانوں نے بڑی تعداد میں شرکت کی اور جذبہ حب الوطنی کا اظہار کیا۔
مصطفوی سٹوڈنٹس موومنٹ بہاولپور کے زیراہتمام ’’ہم سب کا پاکستان ریلی‘‘ کا انعقاد 14 اگست 2017ء کو کیا گیا۔ ریلی کی قیادت ڈویژنل صدر ایم ایس ایم بہاولپور عمران یوسف اور ضلعی صدر ایم ایس ایم بہاولپور چوہدری وسیم نے کی۔ ریلی میں پاکستان عوامی تحریک کے قائدین بھی شریک ہوئے۔ نوجوانوں کی بڑی تعداد نے ریلی میں شریک ہو کر یوم پاکستان پر جذبہ حب الوطنی کا ثبوت دیا۔
منہاج القرآن انٹرنیشنل اٹلی کا ذیلی فورم منہاج یوتھ لیگ بریشیا کے زیراہتمام 14 اگست 2017ء کی شام پاکستان کے 70 ویں یوم آزادی کی تقریب منہاج القرآن اسلامک سنٹر بریشیاء میں ہوئی۔ تقریب کا باقاہدہ آغاز تلاوت کلام پاک سے کیا گیا، جس کے بعد نعت مبارکہ بھی پیش کی گئی۔ منہاج یوتھ لیگ کے ننھے بچوں نے یوم آزادی پاکستان کے دن کی مناسبت سے اس کی اہمیت کو اجاگر کرنے کے لیے خصوصی اہتمام کیا تھا۔ آخر میں یوم پاکستان کی خوشی میں تیار کیا گیا خصوصی کیک بھی کاٹا گیا۔
4M
فیس بک
2M
ٹوٹر
© 1994 - 2025 Minhaj-ul-Quran International.
