سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن ضلع مانسہرہ پی کے 53 خیبر پختونخواہ کے زیراہتمام 27 جولائی 2017ء کو ماہانہ درس عرفان القرآن کا انعقاد ہوا، جس میں علامہ احمد حسن فاروقی نے خطاب کیا۔ اس موقع پر تحریک منہاج القرآن ہزارہ ڈویژن کے نائب امیر عابد حسین شاہ بھی پروگرام کے مہمانوں میں شامل تھے۔ علاقہ بھر سے لوگوں کی بڑی تعداد نے درس عرفان القرآن میں شریک ہوئی۔
تحریک منہاج القرآن حاصل پور اور دیگر فورمز کا مشترکہ اجلاس 24 جولائی 2017ء کو مرکزی نائب نائب ناظم اعلیٰ سردار شاکر خان مزاری کی زیرصدارت ہوا۔ اجلاس میں منہاج القرآن حاصلپور، پاکستان عوامی تحریک حاصل پور اور منھاج القرآن یوتھ لیگ حاصلپور کے ذمہ داران نے شرکت کی۔ سردار شاکر مزاری نے ان تینوں فورمز کی تنظیم نو کی۔
تحریک منہاج القرآن مانسہرہ پی کے 56 خیبرپختونخواہ کے زیراہتمام ماہانہ درس عرفان القرآن منعقد ہوا۔ اس موقع پر تحریک کے مقامی قائدین و عہدیداران کے ساتھ لوگوں، علاقہ بھر سے طلباء اور نوجوانوں نے بھی بھرپور شرکت کی۔ درس عرفان القرآن میں رجوع الی اللہ اور محبت رسول صلی اللہ علیہ وآلہ وسلم کا پیغام دیا گیا۔
منہاج القرآن انٹرنیشنل یونان کے صدر محمد اسلم چوہدری نے 25 جو لائی 2017ء کو یونان کی وزارت مذہبی امور کے جنرل سیکرٹری یورگوس کالانجیس سے ملاقات کی۔ سینئر نائب ناظم مرزا بشیر احمد بیگ اور امیر تحریک منہاج القرآن غلام مرتضی قادری بھی اس ملاقات میں شامل تھے۔ انہوں نے یوروگوس کالانجیس کو شیخ الاسلام ڈاکٹر محمد طاہرالقادری کا یونانی زبان میں ترجمہ قرآن ’’عرفان القرآن‘‘ اور دہشت گردی کے خلاف یونانی زبان میں مترجم فتویٰ بھی پیش کیا۔
منہاج ویمن لیگ اور سسٹرز لیگ نے کوپن ہیگن شہر کے وسط میں ملٹی کلچرل فیسٹیول منعقد کیا۔ جس میں نگارنگ ملبوسات، مزیدار کھانوں اور خوبصورت میوزک سے مزین پاکستانی کلچر پیش کیا گیا۔ فیسٹیول کا مقصد ڈینش لوگوں کو پاکستان کلچر کی خوبصورتیوں سے متعارف کروانا اور ڈنمارک میں پاکستانی کلچر کو پروموٹ کرنا تھا۔
تحریک منہاج القرآن کے صدر ڈاکٹر حسین محی الدین قادری نے 23 جولائی 2017ء کو جامکے چیمہ، ڈسکہ (سیالکوٹ) میں پیر سید منیر حسین شاہ کے رسم چہلم میں خصوصی شرکت کی اور خطاب کیا۔ رسم چہلم میں ملک بھر سے علماء و مشائخ سمیت مختلف طبقات سے تعلق رکھنے والی شخصیات اور پیر منیر حسین شاہ کے مریدین و عقیدت مندوں نے بڑی تعداد میں شرکت کی۔
منہاج القرآن کھپرو کے زیراہتمامدرس عرفان القرآن 22 جولائی 2017ء کو قادری ہاوس محلہ اسلام آباد میں ہوا۔ اس موقع پر ڈویژنل کوراڈینٹر اور منہاج القرآن اپر سندھ کے زونل میڈیا کوارینیٹر عبدالستار چوہان، منہاج القرآن سانگھڑ کے ضلعی امیر سید زاہد شاہ اور دیگر مقامی قائدین بھی درس عرفان القرآن میں شریک ہوئے۔ اس موقع پر علامہ محمد احسان قادری نے خصوصی خطاب کیا۔
منہاج القرآن انٹرنیشنل یونان کے ذیلی مرکز تھیوا کی تنظیم نو کی تقریب 22 جولائی 2017ء کو منعقد ہوئی۔ تنظیم نو کیلئے منہاج القرآن انٹرنیشنل یونان کی نیشنل ایگزیکٹو کونسل کے اہم عہدیدران نے تقریب میں شریک ہوئے جبکہ منہاج القرآن یونان تھیوا کے ساتھیوں نے بھرپور شرکت کی۔ صدر منہاج القرآن انٹرنیشنل یونان محمد اسلم چوہدری، ناظم منہاج القرآن انٹرنیشنل یونان محمد شاہد بٹ، نائب ناظم طارق شریف اعوان، سجاد حسین قادری صدر منہاج نعت کونسل یونان، علامہ محمد نواز ہزاروی ڈائریکٹر مرکز منہاج القرآن ریندی ایتھنز تقریب کے معزز مہمانوں میں شامل تھے۔
عیدالاضحٰی 2017ء کے موقع پر بنگلہ دیش میں منہاج ویلیفئر فاونڈیشن کے زیراہتمام سلہٹ میں اجتماعی قربانی کا اہتمام کیا گیا۔ اس سلسلہ میں قربانی کے جانور گائے ذبح کر کے اور گوشت بنا کر مستحقین میں تقسیم کیا گیا۔ منہاج ویلیفئر فاونڈیشن کے رضاکاروں کی ٹیم نے گھر گھر جا کر بھی گوشت تقسیم کیا۔
تحریک منہاج القرآن خیبرپختونخواہ نے صوبہ بھر میں یونین کونسل کی سطح پر ممبر سازی مہم شروع کرنے کا اعلان کیا ہے۔ یہ فیصلہ منہاج القرآن ضلع پشاور کی جانب سے یوسی لیول کے ذمہ داروں اور عہدیداروں کے اجلاس میں کیا گیا۔ اجلاس کی صدارت مرکزی نائب ناظم اعلیٰ احمد نواز انجم نے کی۔ پشاور کے نو منتخب صوبائی امیر سید غلام شبیر شاہ گیلانی، ضلعی امیر اویس قادری ایڈوکیٹ اور دیگر عہدیداروں نے اجلاس بھی شرکت کی۔
منہاج القرآن کے مرکزی گوشہ درود کے گوشہ نیشنان نے 19 جولائی 2017ء کو فرید ملت ریسرچ انسٹی ٹیوٹ کا وزٹ کیا۔ گوشہ درود کے خادم غلام فرید عاجز کی سربراہی میں نماز ظہر کے بعد شرکاء نے مرکز تحقیق گئے اور اس کے مختلف شعبہ جات کو دیکھا۔ FMRI پہنچنے پر سینئر ریسرچ اسکالر حافظ محمد فرحان ثنائی اور ادارہ کے ڈپٹی ڈائریکٹر محمد فاروق رانا نے بھی گوشہ نیشنان کو باقاعدہ ویلکم کیا۔
رمضان المبارک 2017ء کے موقع پر شیخ الاسلام ڈاکٹر محمد طاہرالقادری کی 15 تصانیف شائع ہوئیں جبکہ ڈاکٹر حسن محی الدین قادری کی 3 اور ڈاکٹر حسین محی الدین قادری کی بھی 3 نئی کتب منظر عام پر آئی ہیں۔ ’’عاشقوں کا سفر‘‘ اپنی طرز کی انوکھی تصنیف ہے۔ اس کتاب کا سب سے اہم اور مرکزی نکتہ یہ ہے کہ انبیاء کرام علیھم السلام کے مکہ مکرمہ آنے اور یہاں قیام پذیر ہونے کا واحد سبب یہ آرزو تھی کہ وہ خاتم انبیاء و المرسلین حضرت محمد صلی اللہ علیہ وآلہ وسلم کا دیدار کرلیں۔ اس کتاب کے علاوہ آپ کی عربی اور انگریزی زبان میں بھی کتب شائع ہوئی ہیں۔
پاکستان عوامی تحریک کے سربراہ ڈاکٹر محمد طاہرالقادری نے مال روڈ پر عوامی تحریک کے احتجاجی جلسے سے خطاب کرتے ہوئے کہا کہ سپریم کورٹ سے مطالبہ کرتے ہیں کہ جس طرح پانامہ لیکس پر قائم JIT رپورٹ پبلک کی گئی اسی طرح سانحہ ماڈل ٹاؤن پر قائم جسٹس باقر نجفی کی رپورٹ پبلک کی جائے، انسانی خون بہانا مال لوٹنے سے بڑا جرم ہے۔ پانامہ JIT کے بارے میں میرا تجزیہ غلط اور دعا قبول ہوئی۔ سپریم کورٹ کا فیصلہ بھی اسی سمت پر آیا تو کرپشن روکنے میں اہم پیش رفت ہوگی۔
تحریک منہاج القرآن فیصل آباد کی ایگزیکٹیو کونسل کا اجلاس 12 جولائی 2017ء کو ہوا۔ اجلاس کی صدارت مرکزی نائب ناظم اعلیٰ انجیئنر نجم رفیق نے کی۔ ضلعی امیر سید ہدایت رسول قادری اور دیگر قائدین بھی اجلاس میں شریک ہوئے۔ اجلاس میں فیصلہ کیا گیا کہ منہاج القرآن اور عوامی تحریک فیصل آباد 15 جولائی کو پنجاب اسمبلی تا ایوان وزیراعلیٰ تک ہونے والی احتجاجی ریلی میں بھرپور شرکت کرے گی۔
پاکستان عوامی تحریک ڈنمارک کے صدر غلام محی الدین نے ایک پریس کانفرنس میں کہا ہے کہ پانامہ لیکس پر جے آئی ٹی کی رپورٹ نے نواز شریف اور ان کی فیملی کو خائن، لٹیرا اور بددیانت ثابت کردیا ہے۔ جب کہ سانحہ ماڈل ٹاون پہ انکے اپنے بنائے ہوئے ایک رکنی جسٹس باقر کمیشن کی رپورٹ شہباز شریف اور نواز شریف کو پاکستان عوامی تحریک کے کارکنان کا قاتل ثابت کرچکی ہے۔
4M
فیس بک
2M
ٹوٹر
© 1994 - 2025 Minhaj-ul-Quran International.
