سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
آغوش گرائمر سکول سیالکوٹ کی چوتھی سالانہ تقریب تقسیم انعامات منعقد ہوئی جس میں ڈائریکٹر منہاج ویلفیئر فاؤنڈیشن سید امجد علی شاہ، معاون خصوصی وزیراعظم پاکستان عثمان ڈار، چیئرمین زکوۃ کمیٹی ضلع سیالکوٹ عارف احمد خواجہ، پروفیسر منیر احمد، سرفراز احمد چودھری نے خصوصی شرکت کی۔ تقریب میں بچوں کے والدین کے علاوہ علاقہ بھر کے معززین نے شرکت کر کے بچوں کی حوصلہ افزائی کی۔
منہاج القرآن لودھراں کے زیراہتمام ’’استحکام پاکستان کنونشن‘‘ میں گرینڈ اوتھ سرمنی منعقد ہوئی، جس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے خصوصی شرکت کی۔ تقریب حلف برداری میں ڈاکٹر حسن محی الدین قادری نے جنوبی پنجاب کے تمام منہاج القرآن جنوبی پنجاب زون کی تمام یونین کونسلز، پی پی حلقہ جات اور ضلعی عہدیداران سے حلف لیا اور سب کو مبارکباد پیش کی۔
منہاج القرآن لودھراں کے زیراہتمام استحکام پاکستان کنونشن منعقد ہوا، جس میں چیئرمین سپریم کونسل منہاج القرآن انٹرنیشنل مہمان خصوصی تھے۔ کنونشن میں ناظم اعلیٰ خرم نواز گنڈاپور، نائب ناظم اعلیٰ جنوبی پنجاب سردار شاکر خان مزاری اور منہاج القرآن لودھراں کے قائدین بھی موجود تھے۔ کنونشن میں قائد تحریک منہاج القرآن ڈاکٹر محمد طاہرالقادری نے ویڈیو لنک پر خطاب کرتے ہوئے کہا کہ انصاف کے بول بالا سے پاکستان مستحکم اور خوشحال ہو گا، جہاں انصاف نہیں ہوتا وہاں امن نہیں ہوتا۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے ملتان میں زیرِ تعمیر جامع مسجد منہاج القرآن و ایجوکیشنل کمپلیکس کا وزٹ کیا۔ اس موقع پر ناظم اعلیٰ منہاج القرآن خرم نواز گنڈاپور، ڈاکٹر زبیر اے خان، یاسر ارشاد دیوان راؤ عارف رضوی و دیگر قائدین اور کارکنان بھی موجود تھے۔ اس موقع پر چیئرمین سپریم کونسل نے پراجیکٹ کے قیام و تکمیل پر تحریک منہاج القرآن ملتان کی پوری ٹیم کو مبارکباد دی۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے خانیوال میں بین الاقوامی تعلیمی سہولیات اور معیار کے حامل منہاج کالج برائے خواتین کا دورہ کیا۔ اس موقع پر آپ نے کہا کہ خواتین کے عالمی دن کے موقع پر منہاج القرآن کی طرف سے منہاج گرلز کالج جنوبی پنجاب کی بہنوں اور بیٹیوں کے لیے ایک تحفہ ہے۔
منہاج القرآن خانیوال کے زیراہتمام چک 79-10R میں ورکرز کنونشن منعقد ہوا، جس میں چیئرمین سپریم کونسل ڈاکٹر حسن محی الدین قادری نے خصوصی شرکت کی۔ اس موقع پر ناظم اعلیٰ منہاج القرآن انٹرنیشنل خرم نواز گنڈاپور، نائب ناظم اعلیٰ جنوبی پنجاب سردار شاکر خان مزاری، ملک بشیر اعوان، قاضی فیض الاسلام، محمد اقبال خان، راؤ عارف رضوی، راجہ مظہر قادری، معین قادری و دیگر قائدین و کارکنان کی بڑی تعداد بھی پروگرام میں شریک ہوئی۔
خانیوال میں سیدنا صدیق اکبر رضی اللہ تعالٰی عنہ کانفرنس منعقد ہوئی، جس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری مہمان خصوصی تھے۔ کانفرنس میں ناظم اعلیٰ منہاج القرآن خرم نواز گنڈاپور و دیگر مقامی قائدین و کارکنان سمیت مختلف شعبہ ہائے زندگی سے تعلق رکھنے والی شخصیات اور اہل علاقہ کی بڑی تعداد شریک ہوئی۔
قائد تحریک منہاج القرآن ڈاکٹر محمد طاہرالقادری نے کہا ہے کہ عمران خان کے دور حکومت میں ڈاکٹر توقیر شاہ سمیت سانحہ ماڈل ٹاؤن کے تمام ملزم اور چھوٹے بڑے کردار پہلے سے بہتر عہدوں پر تعینات ہو چکے ہیں، سابق دور حکومت میں سانحہ کے ملزم حکومت بدلنے پر اپنی گرفت ہونے کے خوف میں مبتلا تھے آج پرکشش تعیناتیاں ملنے پر وہ بے خوف ہیں۔ سانحہ ماڈل ٹاؤن کے ملزمان کو ترقیاں ملنے اور شاندار تبدیلی پر وزیراعظم کو مبارکباد دینے کے لیے الفاظ نہیں مل رہے۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری یورپ کے کامیاب تنظیمی دورہ کے بعد جمعرات کی صبح وطن پہنچ گئے۔ لاہور میں علامہ اقبال انٹرنیشنل ائیرپورٹ پر منہاج القرآن اور پاکستان عوامی تحریک کے مرکزی راہنماؤں نے آپ کا استقبال کیا۔ آپ نے ایک ماہ کے دورہ یورپ کے دوران ڈنمارک، سویڈن، ناروے، اٹلی، فرانس، یوکے، جرمنی، سپین اور آسٹریا کا تنظیمی وزٹ کیا۔
منہاج القرآن علماء کونسل کے زیراہتمام ’’اتحاد امت کانفرنس‘‘ جامعہ اشرف الجمال لاہور میں منعقد ہوئی۔ کانفرنس میں منہاج القرآن انٹرنیشنل کے صدر ڈاکٹر حسین محی الدین قادری نے خصوصی شرکت کی۔ اس موقع پر ڈاکٹر حسین محی الدین قادری نے خطاب کرتے ہوئے کہا کہ معاشرے میں بھائی چارے، رواداری، برداشت اور تحمل کے جذبات کو فروغ دینے کی ضرورت ہے۔
ناظم اعلی منہاج القرآن انٹرنیشنل خرم نواز گنڈاپور نے جامع مسجد غوثیہ و جامعہ اسلامیہ منہاج القرآن کراچی کا وزٹ کیا اور تعمیراتی کام کا جائزہ لیا۔ اس موقع پر تحریک منہاج القرآن کراچی کے قائدین قاضی زاہد حسین، مرزا جنید علی، مفتی محمد مکرم خان قادری، نعیم انصاری اور دیگر رہنماء بھی موجود تھے۔
منہاج القرآن انٹرنیشنل کینیڈا کے زیراہتمام شیخ الاسلام ڈاکٹر محمد طاہرالقادری کی 69ویں سالگرہ کی تقریب ٹورانٹو میں منعقد ہوئی۔ تقریب میں شیخ الاسلام ڈاکٹر محمد طاہرالقادری، صاحبزادہ حماد مصطفی القادری اور صاحبزادہ احمد مصطفیٰ المدنی نے خصوصی شرکت کی۔ اس موقع پر منہاج القرآن انٹرنیشنل کے رہنماوں سمیت کارکنان بھی موجود تھے۔
منہاج القرآن انٹرنیشنل آسٹریا کے زیراہتمام لینز میں چیئرمین سپریم کونسل منہاج القرآن ڈاکٹر حسن محی الدین قادری کیساتھ خصوصی نشست کا اہتمام کیا گیا۔ نشست میں لینز آسٹریا کی لوکل کمیونٹی اور نوجونوانوں نے شرکت کی۔ ڈاکٹر حسن محی الدین قادری نے نوجوانوں کو دین اسلام کو عملی طور پر اختیار کرنے پر لیکچر دیا۔
منہاج القرآن علماء کونسل پاکستان کے مرکزی صدر علامہ امداد اللہ خان قادری نے منہاج القرآن اسلامک سنٹر لودھراں میں منعقد ہونے والی تقریب بسلسلہ سالگرہ شیخ الاسلام ڈاکٹر محمد طاہرالقادری ’’تحدیث نعمت کانفرنس‘‘ سے خطاب کرتے ہوئے کہا کہ ڈاکٹر طاہر القادری نے مسلم دنیا کو تجدیدی فکر دی تمام مسالک میں ہم آہنگی پیدا کرنے کے لیے خصوصی اقدامات اٹھائے آج پوری دنیا میں اسلام کی پر امن حسین تصویر پیش کرنے والے ڈاکٹر طاہرالقادری کو دنیا سفیر امن کے طور پر جانتی ہے۔
منہاج القرآن انٹرنیشنل سپین کے زیراہتمام منہاج ڈائیلاگ فورم کے نوجوانوں نے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری سے ملاقات کی۔ اس موقع پر منہاج القرآن انٹرنیشنل سپین کے عہدیدار بھی موجود تھے۔ اس موقع پر ڈاکٹر حسن محی الدین قادری نے نوجوانوں کے ساتھ بین المذاہب رواداری و ہم اہنگی اور باہمی امن و محبت کے کلچر کو فروغ دینے پر زور دیا۔
4M
فیس بک
2M
ٹوٹر
© 1994 - 2025 Minhaj-ul-Quran International.
