سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن کے شہراعتکاف میں 3 جون 2019 کو 28 رمضان المبارک کی شب 9ویں نشست منعقد ہوئی، جس میں شیخ الاسلام ڈاکٹر محمد طاہرالقادری نے ’’غنیۃ الطالبین‘‘ سے درس تصوف کیا اور ’’طاعات و معاصی میں لوگوں کے احوال‘‘ کے موضوع پر خطاب کیا۔ اس نشست میں چیرمین سپریم کونسل ڈاکٹر حسن محی الدین قادری اور صدر منہاج القرآن ڈاکٹر حسین محی الدین قادری نے خصوصی شرکت کی۔
منہاج القرآن ویمن لیگ کے فورم ایگرز کے زیراہتمام منعقدہ کڈز اعتکاف میں شریک سینکڑوں بچوں نے شہراعتکاف میں 3 جون 2019ء کو شیخ الاسلام ڈاکٹر محمد طاہرالقادری کے درس تصوف میں خصوصی شرکت کی اور خطاب سنا۔ اس موقع پر شیخ الاسلام نے کڈز اعتکاف میں شریک بچوں کی خصوصی حوصلہ افزائی کی اور ان کے والدین کو مستقبل میں بچوں کی دینی تعلیم و تربیت قائم رکھنے کی تلقین بھی کی۔
صوبائی وزیر اطلاعات سید صمصام شاہ بخاری نے منہاج القرآن کے شہر اعتکاف کا دورہ کیا، جہاں ان کو ڈاکٹر حسن محی الدین قادری، ڈاکٹر حسین محی الدین قادری، خرم نواز گنڈا پور، نوراللہ صدیقی، شہزاد رسول ودیگر رہنماؤں نے خوش آمدید کہا، اس موقع پر صوبائی وزیر اطلاعات نے میڈیا سے خصوصی گفتگو کرتے ہوئے کہا کہ سانحہ ماڈل ٹاؤن کے شہدا کے ورثاء کو انصاف دلوانے کے لیے ہم ان کے ساتھ ہیں۔
تحریک منہاج القرآن کے شہراعتکاف میں 2 جون 2019ء کو آٹھویں نشست منعقد ہوئی، جس میں آستانہ عالیہ حضرت بابا فریدالدین گنج شکر رحمۃ اللہ علیہ کے سجادہ نشین دیوان احمد مسعود چشتی مہمان خصوصی تھے جنکہ ہندو رہنماء پنڈت بھگت لعل نے بھی شرکت کی۔ اس موقع پر تحریک منہاج القرآن کی سپریم کونسل کے چیئرمین ڈاکٹر حسن محی الدین قادری اور صدر منہاج القرآن ڈاکٹر حسین محی الدین قادری بھی موجود تھے۔ شیخ الاسلام نے ’’نیکیوں اور گناہوں کے حوالے سے لوگوں کے احوال‘‘ کے موضوع پر درس تصوف دیا۔
شیخ الاسلام ڈاکٹر محمد طاہرالقادری نے شہراعتکاف میں شب قدر کے موقع پر منعقدہ عالمی روحانی اجتماع میں ہزاروں معتکفین سے خطاب کرتے ہوئے کہا کہ اللہ کو شب بیدار عبادت گزار اور ہر وقت معافی کے طلب گار بندے پسند ہیں، شب قدر اللہ نے اپنی قابل قدر کتاب صاحب قدر رسولﷺکی معرفت نازل فرمائی، حضور نبی اکرم نے فرمایا اللہ نے ہزار مہینوں سے افضل عبادت والی رات کا تحفہ صرف میری امت کو عطاء کیا۔ روحانی اجتماع میں شیخ الاسلام ڈاکٹر محمد طاہرالقادری نے رقت امیز خصوصی دعا بھی کرائی۔
تحریک منہاج القرآن کے شہراعتکاف میں 31 مئی 2019ء کو 26 ویں شب رمضان المبارک کو چھٹی نشست منعقد ہوئی، نماز تراویح کے بعد شیخ الاسلام ڈاکٹر محمد طاہرالقادری نے درس تصوف دیا۔ درس تصوف میں چیئرمین سپریم کونسل ڈاکٹر حسن محی الدین قادری اور منہاج القرآن انٹرنیشنل کے صدر ڈاکٹر حسین محی الدین قادری نے خصوصی شرکت کی۔ شیخ الاسلام کے خطاب کے بعد محفل نعت اور ایوارڈ تقریب بھی منعقد ہوئی۔
تحریک منہاج القرآن کی سپریم کونسل کے چیئرمین ڈاکٹر حسن محی الدین قادری نے شہر اعتکاف میں جمعۃ الوداع کے عظیم الشان اجتماع میں شریک ہزاروں معتکفین سے خطاب کرتے ہوئے کہا کہ امت مسلمہ جان لے نجات کا راستہ دین کا راستہ ہے، مسلمان جب سے قرآن کے راستے سے ہٹے انہیں اغیار کے خوف، دھمکیوں، سازشوں نے گھیر لیا، امت کی ترقی، خوشحالی، استحکام اور برکتیں نبی اکرم ﷺ کی مبارک سیرت پر عمل پیرا ہونے میں ہے۔
تحریک منہاج القرآن کے شہراعتکاف میں 30 مئی 2019ء کو 25 ویں شب رمضان کو پانچویں نشست منعقد ہوئی، جس میں صوبائی وزیر مذہبی امور پنجاب صاحبزادہ سید سعید الحسن شاہ مہمان خصوصی تھے۔ ڈاکٹر حسن محی الدین قادری اور ڈاکٹر حسین محی الدین قادری بھی سٹیج پر موجود تھے۔ شیخ الاسلام ڈاکٹر محمد طاہرالقادری نے امام غزالی کی تصنیف ’’بدایۃ الھدایہ‘‘ سے درس تصوف دیتے ہوئے تقویٰ کا پانچواں معنی بیان کیا۔ انہوں نے کہا کہ ہدایت کی ابتداء تقویٰ سے ہوتی ہے۔
شہر اعتکاف میں منہاج القرآن یوتھ لیگ کا سالانہ ٹریننگ سیشن "جوانوں کو میری آہ سحر دے" کے عنوان سے دو مقامات پر منعقد ہوئے جس میں منہاج یوتھ لیگ کے مرکزی صدر مظہر محمود علوی، مرکزی نائب صدر و ہیڈ یوتھ ٹریننگ کونسل منہاج یوتھ لیگ ہارون ثانی نے ٹریننگ سیشنز conduct کروائے۔ اس موقع پر منہاج یوتھ لیگ کے سیکرٹری جنرل منصور اعوان، نائب صدر عمر قریشی، محمد ذیشان، محسن شہزاد، امجد ڈار، شاہد راجپوت، فرقان یوسف، ظہیر احمد، آصف جوئیہ اور دیگر بھی موجود تھے۔
صوبائی وزیر ہائر ایجوکیشن راجہ یاسر ہمایوں نے 30 مئی 2019ء کو تحریک منہاج القرآن کے شہراعتکاف میں وزٹ کیا۔ شہر اعتکاف میں آمد پر صوبائی وزیر کا ناظم اعلی خرم نواز گنڈا پور، نوراللہ صدیقی، شہزاد رسول، حاجی محمد اسحاق، عبد الحفیظ چودھری نے استقبال کیا۔ راجہ یاسر ہمایوں شہر اعتکاف کے دورہ کے موقع پر اپنے خیالات کا اظہار کرتے ہوئے کہا کہ فی زمانہ امت مسلمہ کو دین اور اخلاقیات سکھانا بہت بڑی نیکی اور قومی و ملی خدمت ہے۔
ڈائریکٹر جنرل سپورٹس پنجاب ندیم سرور نے منہاج القرآن کے شعبہ پبلک ریلیشنز کی دعوت پر شہراعتکاف پہنچے۔ انہوں نے شہراعتکاف کا دورہ کیا اور منہاج القرآن انٹرنیشنل کے صدر ڈاکٹر حسین محی الدین قادری سے ملاقات بھی کی۔ اس موقع پر پبلک ریلیشنز کے ڈائریکٹر شہزاد رسول بھی موجود تھے۔ ڈاکٹر حسین محی الدین قادری نے ڈی جی سپورٹس کو شہراعتکاف اور منہاج القرآن عالمگیر کام کے حوالے سے بتایا۔
شہر اعتکاف کی چوتھی نشست میں شیخ الاسلام ڈاکٹر محمد طاہرالقادری نے امام غزالی کی تصنیف ’’بدایۃ الھدایہ‘‘ سے درس تصوف دیا، آپ نے سیدنا غوث الاعظم عبدالقادر جیلانی کی معروف تصنیف ’’غنیۃ الطالبین‘‘ سے تقویٰ کا معنی بیان کیا۔ حضور غوث الاعظم نے اک بزرگ القاسم بن القاسم سے تقویٰ کی تعریف اخذ کرتے ہوئے کہا کہ آوامر و نواہی یعنی احکام شریعت کو بجا لانا اور شریعت کے آداب کی حفاظت کرنے کا نام تقویٰ ہے۔ تصوف، فقیری، ولایت اور روحانیت تقویٰ سے ہے۔ تقویٰ کے بغیر نہ روحانیت ہے، نہ پیری و فقیری اور نہ ہی ولایت ہے۔
تحریک منہاج القرآن کی سپریم کونسل کے چیئرمین ڈاکٹر حسن محی الدین قادری نے شہرِ اعتکاف میں مصطفوی سٹوڈنٹس موومنٹ کے معتکف طلبہ سے ملاقات کی اور ان سے خطاب کیا۔ اس موقع پر ڈاکٹر حسن محی الدین قادری کا کہنا تھا کہ علم حاصل کرنا بڑی بات نہیں، اس کی روح کے ساتھ مقصدیت حاصل کرنا بڑی بات ہے، نوجوان زمانہ طالب علمی کے ہر لمحے کو بامقصد بنائیں، ہر لمحہ حصول علم میں گزاریں، جب یہ سوچ بن جائے گی تو پھر ہرلمحہ عبادت کی گھڑی میں تبدیل ہو جائے گا۔
تحریک منہاج القران کے زیراہتمام شہرِ اعتکاف میں معتکفین کے لیے تربیتی حلقہ جات و تنظیمی سیشن منعقد کیے جاتے ہیں، جن میں اسکالرز و معلمین اور قائدین مختلف موضوعات پر لیکچر دیتے ہیں اور بعد میں شرکاء کے سوالات کے جواب بھی دیتے ہیں۔ حلقہ جات میں باقاعدہ تربیتی نصاب مقرر کیا گیا ہے۔
تحریک منہاج القرآن کے شہراعتکاف میں 28 مئی 2019 اور 23 رمضان المبارک کی شب تیسری نشست منعقد ہوئی، جس میں شیخ الاسلام ڈاکٹر محمد طاہرالقادری نے لندن سے ویڈیو لنک پر خطاب کیا۔ آپ نے امام غزالی رحمۃ اللہ علیہ کی تصنیف ’’بدایۃ الھدایۃ‘‘ سے ’’تقویٰ کسے کہتے ہیں‘‘ کے موضوع پر درس تصوف دیا۔ آپ نے کہا کہ فرائض دین کی ادائیگی و بجا آوری میں ہی نجات ہے۔ دوزخ سے چھٹکارا اور جنت میں داخلہ فرائض کی ادائیگی سے ملتا ہے۔
4M
فیس بک
2M
ٹوٹر
© 1994 - 2025 Minhaj-ul-Quran International.
