سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
بانی و سرپرست اعلیٰ تحریک منہاج القرآن شیخ الاسلام ڈاکٹر محمد طاہرالقادری کے چھوٹےبھائی انجینئر محمد طارق فرید قادری انتقال کر گئے۔ ان کی نماز جنازہ 10 مئی آبائی شہر جھنگ میں ادا کی جائے گی۔ چیئرمین سپریم کونسل ڈاکٹر حسن محی الدین قادری، ناظم اعلیٰ خرم نواز گنڈاپور سمیت تحریک منہاج القرآن و پاکستان عوامی تحریک کے مرکزی، صوبائی و ضلعی رہنما اور کارکنان نماز جنازہ میں شرکت کریں گے۔ مرحوم کی نماز جنازہ نائب ناظم اعلیٰ تحریک منہاج القرآن علامہ رانا محمد ادریس قادری پڑھائیں گے۔
منہاج القرآن انٹرنیشنل کے مرکزی سیکرٹریٹ پر ماہانہ مجلس ختم الصلوۃ علی النبی ﷺ کا روح پرور اجتماع منعقد کیا گیا۔ اجتماع سے صدر منہاج القرآن انٹرنیشنل پروفیسر ڈاکٹر حسین محی الدین قادری نے خصوصی خطاب کیا جبکہ تحریک منہاج القرآن کے بانی اراکین شریک ہوئے۔ تقریب سے خطاب کرتے ہوئے صدر منہاج القران انٹرنیشنل نے کہا کہ قرآن مجید میں سابقہ انبیاء کرام کے ساتھ پیش آنے والے واقعات اور کہانیاں بھی بیان ہوئی ہیں اور حضور نبی اکرمﷺ کے ساتھ پیش آنے والے واقعات بھی قرآن مجید میں وارد ہوئے۔
تحریک منہاج القرآن کے بانی اراکین کے اعزاز میں مرکزی سیکرٹریٹ پر "کونسل آف فاؤنڈنگ اینڈ سینئر ممبرز" کے زیرِاہتمام پروقار تقریب اور عشائیہ کا اہتمام کیا گیا۔ تقریب سے خطاب کرتے ہوئے صدر منہاج القرآن انٹرنیشنل، پروفیسر ڈاکٹر حسین محی الدین قادری نے کہا کہ بانی اراکین کا مرکز میں ہونا باعثِ سعادت ہے، اللہ کا خاص فضل ہے کہ ہماری زندگیاں اس مصطفوی مشن کے لیے وقف ہوئیں۔
منہاج ویلفیئر فائونڈیشن خیبرپختونخواہ میں منہاج کالج آف شریعہ اینڈ اسلامک سائنسز خانپور تعمیر کرے گی۔ منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے کالج کی تعمیر کا اعلان ایک اعلیٰ سطحی اجلاس کے دوران کیا۔ ڈائریکٹر پراجیکٹس انسٹی ٹیوشنز سید امجد علی شاہ کو منہاج کالج آف شریعہ اینڈ اسلامک سائنسز خانپور کا پراجیکٹ ڈائریکٹر مقرر کیا گیا ہے۔
لاہور: امیر جمعیت علمائے اسلام (س) مولانا عبدالحق ثانی اور جامعہ حقانیہ اکوڑہ خٹک کے مرکزی راہنماؤں و علماء کے وفد نے منہاج القرآن انٹرنیشنل کے مرکزی سیکرٹریٹ اور منہاج یونیورسٹی لاہور کا دورہ کیا ہے۔ وفد میں مولانا اسامہ سمیع الحق، مولانا محمد احمد، مولانا اعظم حسین، مولانا رحمت اللہ لاشاری، مولانا تنویر، مفتی اویس اور مولانا مامون الرحمن حقانی شامل تھے۔
جامعہ حقانیہ اکوڑہ خٹک کے سکالرز کے وفد نے امیر جمعیت علماء اسلام (س) مولانا عبد الحق ثانی کی قیادت میں ڈپٹی چیئرمین بورڈ آف گورنرز منہاج یونیورسٹی لاہور، پروفیسر ڈاکٹر حسین محی الدین قادری سے ملاقات کی۔ اس وفد میں مولانا حافظ لقمان الحق حقانی، مولانا اسامہ سمیع، مولانا محمد احمد، مولانا اعظم حسین، مولانا رحمت اللہ لاشاری، مولانا تنویر صاحب اور مفتی اویس صاحب شامل تھے۔
منہاج القرآن انٹرنیشنل (MQI) مانچسٹر میں ڈپلومہ اِن قرآن اسٹڈیز کا دوسرا اور اختتامی سیشن روحانی فضا، ایمان افروز ماحول اور علمی جوش و جذبے کے ساتھ کامیابی سے منعقد ہوا۔ یہ سیشن MQI کے برطانیہ میں جاری نورانی، دعوتی اور فکری دورے کا ایک یادگار لمحہ ثابت ہوا، جس کی قیادت حافظ محمد سعید رضا بغدادی نے کی۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے کہا ہے کہ دین کی دعوت مردوزن کی مشترکہ ذمہ داری ہے، اسلام نے زندگی کے ہر شعبہ میں خواتین سے مساوی برتاؤ کا حکم دیا، انہوں نے اسلام میں خواتین کے دینی، سماجی و معاشرتی کردار کو اجاگر کرتے ہوئے کہا کہ دین اسلام میں مردوں کے ساتھ ساتھ خواتین کو بھی مساوی طور پر امر بالمعروف نہی عن المنکر کی ذمہ داری دی گئی ہے۔ کوئی اس مقام اور ذمہ داری کو روایات و ثقافت کی آڑ میں کم نہیں کر سکتا۔
انٹرنیشنل ٹینس سٹار اعصام الحق قریشی نے تحریک منہاج القرآن کے ذیلی ادارےآغوش آرفن کیئر ہوم اور منہاج یونیورسٹی لاہور کا دورہ کیا۔ اعصام الحق نے منہاج یونیورسٹی کے بورڈ آف گورنرز کے ڈپٹی چیئرمین پروفیسر ڈاکٹر حسین محی الدین قادری سے ملاقات کی۔
منہاج القرآن انٹرنیشنل یو کے کی خصوصی دعوت پر ڈائریکٹر ایجوکیشن اینڈ پروفیشنل ڈویلپمنٹ حافظ سعید رضا بغدادی برطانیہ کے تدریسی و تربیتی وزٹ پر ہیں۔ اس دورہ کے دوران وہ برمنگھم، وال سال، مانچسٹر، نیلسن، گلاسگو اور لندن کے شہروں میں ڈپلومہ اِن قرآن اسٹڈیز اور مراکزُ العلم کے حوالے سے منعقدہ سیشنز میں لیکچرز دیں گے۔
چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے خطاب کرتے ہوئے کہا ہے کہ جس معاشرے میں صلہ رحمی ختم ہو جائے اور خونی رشتے داروں کیساتھ قطع رحمی کے معاملات بڑھنا شروع ہو جائیں وہاں اللہ کی رحمت اترنا بند ہو جاتی ہے، رزق کی کشادگی کم ہو جاتی ہے، عذاب الہی نازل ہونا شروع ہو جاتا ہے اور لوگ مصیبت و ابتلا میں مبتلا ہو جاتے ہیں۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے سجادہ نشین دربارِ بابا فریدؒ خواجہ معین الدین محبوب کوریجہ سے قصرِ فرید، ڈیفنس لاہور میں ملاقات کی ہے۔ ناظمِ اعلیٰ خرم نواز گنڈاپور اور ناظم اعلیٰ نظام المدارس پاکستان ڈاکٹر میر آصف اکبر قادری، قاضی فیض الاسلام بھی ان کے ہمراہ تھے۔
پروفیسر ڈاکٹر حسین محی الدین قادری نے جمعہ کے اجتماع سے خطاب کرتے ہوئے کہا کہ اللہ رب العزت کی محبت کائنات کی سب سے بڑی نعمت ہے۔ جو شخص اللہ کی محبت سے سرفراز ہو جائے، وہ دراصل اللہ کی خاص عنایت و کرم کا مستحق قرار پاتا ہے۔
منہاج کالج فار ویمن خانیوال میں ٹیلنٹ ہنٹ اور تقسیمِ انعامات کی ایک خوبصورت اور باوقار تقریب کا انعقاد کیا گیا، جس میں علاقے کی ممتاز سماجی و سیاسی شخصیت محترمہ نورین نشاط خان ڈاھا نے بطور مہمان خصوصی شرکت کی۔
منہاج ایجوکیشن سوسائٹی کے زیراہتمام فریدِ ملت اسکالرشپ ایوارڈ 2025 کی 16ویں سالانہ تقریب میں پروفیسر ڈاکٹر حسین محی الدین قادری کی خصوصی شرکت اور خطاب
4M
فیس بک
2M
ٹوٹر
© 1994 - 2025 Minhaj-ul-Quran International.
